الحــ ღღ ـــب العـــ ღღ ـــذري

بسمة الم · 2006-08-15, 18:53

وعلى الساعة 10 ونصف بالليل وصل محمد بيتهم
واول ما دخل البيت الا امه طالعة
محمد : يمه بتطلعين؟
ام محمد : أي بروح بشوف خويتي ام ابراهيم
محمد : اهاا

ويركب محمد داره وبعد ما بدل وكل شي دخل على عالمه عالم الانترنت ودخل المنتدى استغرب بوجود رسالة ومن بسمة حياتي
محمد : من هذي؟
ويدخل الرسالة ويشوف المكتوب فيها انه تبيه يدخل الساعة 11 في موضوع خاص
محمد : بنات هالزمن ما يستحون على وجوهم خلني ادخل 11 بزفها زف اذا قالت لي ابي اتعرف كفاية سالفة هالجات في المنتدى مو عاجبتني

ومر الوقت وحاليا الساعة 11 وقت المحادثة بين امل ومحمد
امل اول ما شافت وللحياة طعم اخر فرحت ودخلت عليه خاص
بسمة حياتي : السلام عليكم
وللحياة طعم اخرة : وعليكم السلام نعم؟
امل تضايقت لما شافت كلمة نعم بس حبت ما تبين هالشي لان ما بكون لصالحها ولصالح اختها
بسمة حياتي : انت صديق امير الغرام ؟
وللحياة طعم اخر : أي انا صديقه ليش انتي بعد وحدة من حبايبه تبين تسالين عنه
بسمة حياتي : لو سمحت لا تغلط انا ما اعرفه ولا شي
وللحياة طعم اخر : هههههه انزين بصدقش عجل ليش تسالين عنه
بسمة حياتي : الله يخليك اسمعني ترى انت املي الوحيد وانت الوحيد الي تقدر تنقذ اختي
محمد حس بصدق كلام امل وحب يساعدها ويكسب فيها اجر
وللحياة طعم اخر : اول شي انا اسف على اسلوبي معاش بس توقعتش وحدة من هالبنات
بسمة حياتي : لا لا انا اول مرة ادخل هني ودخلت بس عشانك عشان تساعدني واتمنى ما تردني
وللحياة طعم اخر : شلون اقدر اساعدش؟
بسمة حياتي : هذا صديقك احمد يبي يفضح اختي
وللحياة طعم اخر : وبعد تعرفين اسمه لا لا شكلها السالفة جايدة ممكن تخبريني من البداية؟
بسمة حياتي : اختي وثقت في صديقك احمد وحبته من كل قلبها وللاسف خدعها بكلامه المعسول واسلوبه الحلو وطلب منها الارتباط ولما وحدة من ربيعاته الخايسات مثلت دور الاخت وطلبت صور من اختي . اختي دزت لها الصور بحسن نيبة وبعدها وصلت الصور بيد احمد
وللحياة طعم اخر : انزين ؟
بسمة حياتي : واحين قالها ان في احد متوفي من اهله ويبيها تنتظر وبعدين يتقدم لها ولكن طلب منها ان تطلع معاه واذا رفضت
وللحياة طعم اخر : واذا رفضت شنو؟
بسمة حياتي : صدقني مركب صورة اختي على صورة بنات عراة وقالها اذا ما نفذتين لي طلبي بفضحش وبنشر الصور
محمد انصدم يعرف احمد انه انسان مستهر ولعبوني لكن مو لدرجة انه يفضح بنات الناس
وللحياة طعم اخر : استغفر الله هذا نذل احمد من عائلة محترمة ولو يدرون عنه جان قتلوه
بسمة حياتي : الله يخليك ساعدني انا بحاجة لك
وللحياة طعم اخر : وانا شنو اقدر اسوي صح ان احمد صديقي من ايام الطفولة لكني مو مثله
بسمة حياتي : انزين انا عندي فكرة
وللحياة طعم اخر : شنو؟
بسمة حياتي : شوف انت قلت ان لو دروا اهله بيقتلونه ليش ما تعطيني عنوان بيتهم وانا بزورهم وبقول لهم كل السالفة وبعطيهم ادلة الصور ورقم التلفون والايميل والرسالة وكل شي
وللحياة طعم اخر : اوكي مو مشكلة انا ما عندي أي اعتراض دام الي بسويه بخلص مجتمعنا من شخص نذل مثل احمد
بسمة حياتي : خلاص عطني العنوان وانا بروح
وللحياة طعم اخر : متى بزورينه ؟
بسمة حياتي : انا لحين ما اخذت موافقة اهلي انت عطني العنوان ووقت ما احصل موافقة اهلي بدز لك رسالة وبخبرك أي يوم والوقت
وللحياة طعم اخر : انا ابي هالشي عشان ابي اكون موجود عشان اشهد على فعايل احمد
بسمة حياتي : اوكي مشكوور وما تقصر
وللحياة طعم اخر : العفو ولو
بسمة حياتي : ياليت يكون سر بينا
وللحياة طعم اخر : سرش في بير
بسمة حياتي : يالله مع السلامة
وللحياة طعم اخر : الله يسلمش

نهاية الفصل الاول من الجزء الثاامن اتمنى يكون البارت نال اعجابكم

توقعاتكم :
* عمار عرف ان دعاء اخت صديقه ابراهيم هل من الممكن اصير تطورات في هذي السالفة ؟ واذا صارت تتوقعون شنو ؟
* تتوقعون منو بفوز احمد بخبثه او امل بشخصيتها البريئة والصغيرة ؟ وهل الخطة بتنجح ؟ واذا نجحت هل من الممكن محمد يعرف ان امل اخت قاسم ؟
* بتول الشر بكبره ؟ شنو من الممكن تكون الخطة الثانية ؟ واذا الاولى فشلت هل من الممكن تنجح او تفشل؟

مع تحياتي
بسمة الم

نوادر · 2006-08-16, 00:02

ننتظر المزيد باقرب فرصه

AMSH_XP · 2006-08-18, 11:02

ماشاء الله

تنفع مسلسل

افكار نظيفة ومرتبة

بارك الله فيك

akramfun · 2006-08-18, 13:34

بارك الله بك , شكراً أختي الكريمة

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
تقبلوا خالص تحياتي
أخوكم
Akramfun

بسمة الم · 2006-08-19, 18:19

نوادر .. AMSH_XP .. akramfun

شكككككرا على المرور .. وان شاء الله احين انزل بارت

مع تحياتي

بسمة الم · 2006-08-19, 18:26

الفصل الاول من الجزء الثامن
اول ما كملت محادثتها امل طلعت وراحت الى امها عشان تاخذ اذن منها
امل الى امها الى قاعدة تقرا قران : يمه
ام قاسم : صدق الله العلي العظيم . نعم
امل : يمه بكرة ابي اطلع
ام قاسم : على وين يمه ؟
امل : بروح مع صديقتي مريوم شوية السوق ناقصني كم شي
ام قاسم : خلاص يا بنيتي روحي بس متى؟
امل : بكرة ان شاء الله
ام قاسم : ان شاء الله . على الساعة كم ؟
امل : ما ادري
ام قاسم : شوفي يمه أي وقت يناسبش روحي لكن ابيش في البيت قبل لا تجي الساعة 11 انزين يمه
امل : ان شاء الله وتبوس راس امها : مشكووورة يا الغالية
ام قاسم : العفو
وتروح امل بسرعة تتصل الى صديقتها مريم
مريم : هلا بالقاطعة
امل : حقش علي يا الغلا ومووووه فوق راسش
مريم : أي أي بتقص علينا بكم كلمة
امل : ههههه يالله عاد
مريم : انزين خلاص رضينا
امل : فديتش انزين مريوم طلبتش
مريم : لبيه
امل : ابيش بكرة ضروري توديني مكان
مريم : افا عليش السايق تحت امرش انا ما بقدر اروح معاش لان بكرة بروح بيت خالتي لكن السايق موجود وانا بخبره يمر عليش ويوديش
امل : مشكوووورة يا الغالية
مريم : العفو حاضرين لكن الساعة كم؟
امل : بكرة الساعة ونصف4 العصر اوووكي
مريم : اووكي بخبره
امل : يالله اخليش
مريم : اوووكي حياش الله
واول ما سكرته عن صديقتها راحت اطرش رسالة الى وللحياة طعم اخر ( محمد ) وتخبره ان بكرة ان شاء بتروح بيت احمد على الساعة 4 ونصف
وكان محمد لحين قاعد على الكمبيوتر وشاف الرسالة ورد عليها بالعنوان

وفي بيت ام ابراهيم وفي حجرة قاسم وابراهيم
ابراهيم وهو فوق السرير : اتمنى ارد اعيد هالسفرة مع ريم لكن تكون سفر شهر العسل
قاسم وهو يفكر بمها : ان شاء الله بشر شنو سويتوا هناك ؟
ابراهيم : كانت اسعد ايام حياتي بقربها كنت الوحيد الي اشاركها فرحة استرجاع نطقها او فرحة انها مشت كم خطوة بروحها
قاسم : أي احسدك على هاللحظات
ابراهيم : ولكن احلى الايام اخر اسبوع لها استعادت ريم صحتها نسهر مع بعض ونطالع افلام في التلفزيون او نسولف عن اهلنا او عن دراستها وشغلها واحلى شي لما نطلع نتسوق ناخذ الهدايا
قاسم : اممم ابراهيم ابي اعترف لك بشي
ابراهيم وهو يعدل قعدته ويصير بقبال قاسم: تفضل ؟
قاسم : امم بكل صراحة صرنا متعادلين
ابراهيم وهو مو فاهم شي : في شنو متعادلين ؟
قاسم : مو انت تحب ريم وناوي تزوجها؟
ابراهيم : اكيد باقرب فرصة
قاسم بخجل : اممم حتى انا احب
ابراهيم وهو فرحان : اوووووووه اوووووووه صاير لنا العاشق الولهان
قاسم وهو يفر المخدة على ابراهيم : ويا وجهك احين انا ابي اصارحك تقول لي ( ويقلد صوت ابراهيم ) العاشق الولهان
ابراهيم : ههههههه امزح معاك يا الدب انزين قولي من سعيدة الحظ ؟
قاسم وهو متردد : اممممم اليوم قلت لك اني احب بكرة بقول اسمها شرايك ؟
ابراهيم وهو يقلده : شرايك ؟ مالت عليك ليش هو بالتقسيط يالله قول وخلصنا
قاسم وهو يحك شعر راسه: ههههههههه حلوة بالتقسيط سيارة هي
ابراهيم : هههههههه انزين خلصنا من ؟
قاسم : امممممممم مــــ ــــهـــ ــــا
ابراهيم وهو مصدوم : اختي؟
قاسم وهو منزل راسه حرجا : أي
ابراهيم والفرحة مو شايلته : كللللللوش بعد ما اعرف ايبب جان يببت هههههههه
قاسم وهو بعد فرحان : عن جد يعني فرحان ؟
ابراهيم : اكيييييييييد بس اتمنى ما تقول لها شي تعرف هي اخر سنة وابي معدلها يرتفع خبرك تبي تصير دكتورة
قاسم : أي أي خبرتني انها تبي تصير دكتورة
ابراهيم : والله وعرفت تختار وبتصير زوج الدكتورة مها
قاسم : ههههههه

وفي بيت ام دلال ( بتول )
بتول : انت اسمعني
محمود ( حميها الصغير عمره 16 سنة ) : شنو؟
بتول : انا بعطيك رقم وابيك تجننها بالرنات والمسجات وتتصل فيها وتقول لها انا احبش ومن هالكلمات المعسوولة
محمود وعجبته الفكرة : أي وبعدين؟
بتول : وبعدين اذا احد دق عليك غيرها وقالك من وين تعرفها قول لهم من الانترنت اووووكي
محمود : اووكي انزين يالله عطيني الرقم
بتول : يالله سجل عندك ******39
محمود : وشنو اسمها ؟
بتول : اسمها هناء وعاد ابيك تمثل الدور عدل فهممممممت
محمود : خلاص اعجبش ( وبنذالة ) ولكن شنو المقابل؟؟
بتول : بل بل زطي ما يسوي شي ببلاش
محمود : هههههههه
بتول : خلاص انت سو المهمة واذا صار الي ابيه ليك مني كم دينار
محمود : اوووووكي
بتول : ولا تنسى تخبرني على اخر التطورات
محمود : اوكي يالله باي
بتول : باااي
واول ما كملت محادثتها راحت تنام وهي مرتاحة غير الاوادم الا لما يسوون الشي الي يضر اهلهم يانبهم ضميرهم .

وفي بيت ام قاسم
امل اول ما كملت مهمتها الي كانت فوق طاقتها . فتاة لم تتجاوز من العصر السادسة عشرة تتولى مهمة انقاذ اختها التي اكبر منه . في أي زمن حدث هذا في زمننا هذا زمن اللعب واللهو .
هناء وهي فوق سريرها اخر مرة قعدت على الكمبيوتر لما شافت الرسالة . احين الساعة 1 الليل وما فيها نوم
هناء مع نفسها : كل مني بسببي اناا الي عرضت نفسي الى هذا الشي كنت مصدقته ومصدقة كلماته الحلوة والمعسولة . اه يا القهر ياليت الزمن يرجع الى وراء جان ما عطيتك فرصة حتى تكلمني . يا ربي ساعدني ياربي ساعدني انا تبت لك واتمنى تاخذ حقي من هالنذل

قال تعالى:

"إنما التوبة على الله للذين يعملون السوء بجهالة ثم يتوبون من قريب فأولئك يتوب الله عليهم وكان الله عليماً حليماً"

بسمة الم · 2006-08-19, 18:28

ومر هذا اليوم سلام ولكن من منا لم يذق طعم النوم ولم يتمتع بالراحة ( هناء )

واشرقت شمس الصباح ومدت خيوطها نحو ابطال قصتنا ( الحــღღ ـــب العـــღღـــذري)

وعلى الساعة 10 الصبح ريم مع قاسم في التلفون
قاسم : ريم خلاص انا قررت ؟
ريم : شنو يا اخوي؟
قاسم : لازم افاتح ابوي بالموضوع مو معقولة جدي
ريم وهي مترددة : ما ادري صراحة
قاسم : شسوووي يا ريم احنا خوان وما نقدر نشوف بعض ولا شي وانا حاب اعرفكم على خواتي ترى والله بحبونكم
ريم : ما ادري انت كلمتني عن بتول ومنى واحس ان بتول

الحــ ღღ ـــب العـــ ღღ ـــذري

اقلام و اوراق ملوك العرب