الفصل الثاني من الجزء السابع
يوم الخميس في دولة لندن كانت الساعة 8 لما قعدت ريم على صوت تلفونها يرن ( منبه ) قعدت وبعد ما تجهزت وكل شي طلعت برى عشان تبرز الفطور شافت ابراهيم وهو قاعد يحط البيض على الطاولة والعسل يحطه في صحن ويبرز كل شي كسر خاطرها في هالوقت ابراهيم وعرفت انه حنون وطيب وتوها بتتكلم تذكرت انها ما تتكلم نزلت راسها ودخلت دارها وجابت الدفتر وتقربت منه وكتبت له
ريم : صباح الخير
ابراهيم وهو يقرا الكلام ويناظرها بنظرة كلها حب وحنان وشوق وعشق وكل نظرات الحب : صباح النور والسرور يا وجه الخير
ريم نزلت راسها خجلا وكتبت: شخبارك؟
ابراهيم : بخير ربي يسلمش وانتي شخبارش عساش طيبة؟
ريم ردت عليه في الورقة: بخير الحمد الله
ابراهيم : مرتاحة انش بتبداين العلاج اليوم؟
ريم وهي تكتب في الورقة وتحس بفرح كبير : وااااااجد فوق ما تتصور
ابراهيم : دووم انزين يالله تعالي اكلي عشان نروح نجهز سوى الاغراض الي تحتاجينها في المستشفى
ريم تحرك راسها بمعناة ان شاء الله وقعدوا ياكلون سوى وبعد ما كملوا راح ابراهيم غرفة ريم يساعدها في الاغراض وبعد ما كملوا كل شي اتجهوا الى المستشفى وكملوا الاجراءات وراحت ريم غرفتها الى بتقعد فيها على طول لما تتحسن حالتها ودخلت الغرفة ما توقعت جدي توقعت انها بتكون غرفة عادية ابراهيم حب يسوي لها مفاجاة ويخليها في غرفة خاصة وحلوة وكانها غرفة بيت مو مستشفى عشان ما تحس بالجو الكئيب وكانت غرفة كبييرة جدا مع حمام ( يكركم الله )
دخلت ريم الغرفة وقامت اطالع المكان شلون حلوو ولا يناسب هذي الغرفة مستشفى لفت وراها وقامت تناظر ابراهيم وابراهيم يناظرها وكان حوارهم بين اعينهم فقط ريم ودها تشكر ابراهيم بس مو قادرة
ابراهيم حس انها تبي تقول له شي تقرب منها : العفو يا الغالية تستاهلين كل شي
ريم ابتسم له
ابراهيم : بس لحظة بنادي الدكتور عشان يكلمش
ريم ابتسم له وطلع
ساعدتها السستر وركبت فوق السرير وظلت ببدلتها العادية والشيلة وبعد شوية دخل الدكتور
الدكتور : السلام عليكم
ريم ابتسم له
الدكتور : ريم انا الدكتور الي ببدي معاش العلاج وانا عرفت عن حالتش وترى حالتش كلش سهلة وما يبي لها الا اصرار ولو كانت عزيمتش قوية صدقيني ما بمر شهرين الا انتي بصحة وسلامة
ريم فرحت من قلبها هي عزيمتها واااجد قوية وتبي تتعلاج وترجع مثل قبل واحسن وهزت له راسها
الدكتور : زين سمعيني احين انا بروح غرفة العلاج الطبيعي الي بساعدش على المشي وخله السستر تبرزش وكل شي وبعدين بتوصلش الروم
ريم هزت راسها
وطلع الدكتور
ابراهيم : يالله ريم ابيش ترجعين مثل قبل واحسن اوكي وغمز لها بعيونه
ريم استحت ونزلت راسها
ابراهيم : يالله ريم انا احين بروح وبرجع لج وقت الغذى اووكي
ريم ابتسم لها وهزت راسها
الساعة 3 الظهر بعد ما انهى الجميع الغذاء وفي غرفة هناء وامل
دلال : خالة امل نبي نقول لج شي
امل وهي تناظرها : قولي امري
دلال : لكن مو هني نبي بروحنا انا وانتي وخواتي
امل : اممم يعني تبوني اقول لكم قصة وخايفين من هناء؟
دلال : لالا انتي تعالي بنقول لج شي
امل : انزين امرنا الى الله امشوا نروح المجلس
وتوجهوا امل وملاك ودلال وفطوم الى المجلس
امل : كوا احنا بروحنا امروا شنو تبون؟
دلال وهي نتاظر اختها ملاك : خالوو احنا نبي نكلمش عن امي
امل وهي حيرانة : بتول شفيها ؟
دلال : احنا خافين منها
امل وهي مصدومه : خايفين من امكم ليش ؟
ملاك : لان انتي ما تدرين شنو اسوي فينا
امل وهي تبلع ريقها : خوفتوني شصاير شنو تسووي فيكم
دلال : امس على الغذى فطوم كتت ماي وامي ضربتها ولما ابوي قام يدافع عن فطوم وتهاوشوا امي وابوي وراح ابوي ينام من غير ما يتغذى
امل : انزين؟
دلال : وبعدين امي من قهرها قامت تظرب فطوووم وااجد وااجد كسرت خاطرنا اخذناها وهربنا عن امي
امل وهي فاتحة عيونها مصدومة هي تعرف ان بتول قاسية بس ما توقعت حتى على عيالها وخصوصا جهال
واما فطوم يوم سمعت كلام اختها دلال تذكرت الحادثة
فطوم : أي أي خالوا شوفي مني ( وهي تاشر لها على ظهراها وترفع فانيلتها ) شفتي هذا منها
امل كسرت خاطرها طريقة فطوم وحضنتها ودموعها اطيح على خدها
فطوم وهي تتذكر شي بعد : أي أي خالوا شوفي بعد هني ( وهي تاشر على اذونها ) ما اقدر احط ليي تركية مثلش ومثل خواتي عشان اصير حلوة وعروس لان امي مرة ضربتني وشالت التركية بالقوة وعورتني اذوني
دلال : تكفين خالوو لا تخلينا نروح البيت اليوم
ملاك : أي أي خلينا ننام معاش لو حتى على الارض معلي
امل قامت تصيح وهي تحضن بنات اختها على حالهم ومو قادرة اسوي شي عشانهم
وفي بيت ام ابراهيم وهم قاعدين في الصالة
دعاء : قاسم مستعد ما باقي شي وتبدا الدراسة
قاسم : أي أي مستعد ومتحمس بعد وااااااجد
هديل وهي في بوزها المكسرات : عاد شد على نفسك نبي بس شهر بالكثير شهرين الا تعرف كل شـ ( وفي هاللحظة غصت بالاكل )
هديل وهي تكح
ام ابراهيم : يمه بنيتي مها روحي جيبي لها شوية ماي
وشربت هديل الماي : وه زين ما مت
قاسم : ههههههه انتي الله يهداش تتكلمين وفي بوزش اكل
هديل وهي شوية عصبت : احين انا غصيت وباقي شوية واموت وانت تضحك
قاسم : هههههه يا الله سويتين روحش كلش بتموتين ما صارت
هديل باعدت راسها عنه وقامت تتعبث بالتلفزيون وبعد شوية
هديل : لا تكلمني زين
الكل : هههههههههههه
وهديل اطالعهم بنص عين
قاسم : حااضر اوامر ثانية عمتي
هديل ما ردت عليه وحقرته
مها : أي قاسم ما بتحتاج الى دفاتر اقلام ووو ومن هالسوالف
قاسم وهو يتذكر ايام قبل : ههههههه بودي ويايي مذكرة بقول الى المدرس . مدرس شنو نحتاج من اغراض
الكل : ههههههههههههههه
هديل : حلللللللوة
قاسم : توش زعلانة وما تبين تكلميني
هديل : شسوي قلبي طيب مثل امي بسرعة انسى فديتني اووووونه
الكل : ههههههههههه
ام ابراهيم : أي عن جد وليدي شوف شنو تحتاج وبعطيك فلوس روح خذ لك
قاسم نزل راسه خجلا . والبنات سكتوا حسوا بخجل قاسم
ام ابراهيم الى قاسم : يا قاسم خلاص انت صرت مثل عيالي وحالك حال مها وهديل ودعاء وابراهيم
قاسم : لكن ما يصير يا خالتي زودتها وااجد
ام ابرااهيم وهي تسكته : اصصصص لا تقول هالكلام ترى ازعل عليك وبتاخذ مني فلوس وبتروح تاخذ لك كل شي محتاجه وترجع البيت وانت حااامل اغراض وااجد ثياب جواتي وووو والي تبيه . كفاية انا حااسة نفسي مقصرة عليك
قاسم وهو منزل راسه : انا بقبل هالفلوس لكن اول شهرين المعاش ما استلمه
ام ابراهيم : بلا عناد ويالله
قاسم : انزين اول شهر؟
ام ابراهيم وهي تناظر الترجي الي في عيون قاسم : خلاص اول شهر بس
وفي بيت ام قاسم
°·.¸.•° وجه القمر °·.¸.•° : انزين قولي شنو كنت لابس
- - --^[ امير الغرام ]^-- - - : يا هناء خلاص مرة ثانية نشوف بعض وايام الله واااجد
°·.¸.•° وجه القمر °·.¸.•° : انزين قولي شنو كنت لابس يمكن شفتك
- - --^[ امير الغرام ]^-- - - :كنت لابس فانيلا حمراء وجينش فيه خطوط حمران
°·.¸.•° وجه القمر °·.¸.•° :اممم ما شفت شخص لابس جدي انزين انت متاكد رحت مجمع البحرين الا هو جيان
- - --^[ امير الغرام ]^-- - - : هناء صدقيني رحت مجمع البحرين لكن ما شفتش ولا شفتيني والمجمع كبير ولا تحزنين ولا شي مرة ثانية ان شاء الله
°·.¸.•° وجه القمر °·.¸.•° : انا الي يحزني ان مجرد افكر ان في وقت كنت انا وانت في نفس المكان وما شفنا بعض اضايق
- - --^[ امير الغرام ]^-- - - :خلاص هناء مرة ثانية ان شاء الله
°·.¸.•° وجه القمر °·.¸.•° : من كثر طلعاتي
- - --^[ امير الغرام ]^-- - - :ان شاء الله بعد بس كم اسبووع بتطلعين وبشوفين العالم
°·.¸.•° وجه القمر °·.¸.•° : شلوون ؟
- - --^[ امير الغرام ]^-- - - :هناء انا معجب في شخصيتش وااجد وانا حالتي المادة متوازنة ومن حقي اني ارتبط بالانسانة الي اعزها واحسها بتكمل فرحتي
هناء في هالوقت ما كانت مصدقة الكلام الي تسمعه كللللش معقولة احمد يفكر فيني شريكة حياته لا لا ما اصدق
°·.¸.•° وجه القمر °·.¸.•° : احمد انت متاكد من الكلام الي تقوله ؟
- - --^[ امير الغرام ]^-- - - :ليش انا مو رجال وقد كلمتي اكيد متاكد
°·.¸.•° وجه القمر °·.¸.•° : اممم ما اعرف شنو ارد
- - --^[ امير الغرام ]^-- - - : لا تردين ولا شي بس برزي روحش يوم الاربعاء هذي ابيش تقابلين اختي وابيش تتكلمين معاها عاد بيضي وجهي وهي ان شاء الله بتاخذ رقمش وبتكون معاش على اتصال
°·.¸.•° وجه القمر °·.¸.•° : لكن شلون اقابلها وفي وين؟
- - --^[ امير الغرام ]^-- - - :بسيطة في أي مجمع على كوفي شوب قعدي معاها وتكلمي
°·.¸.•° وجه القمر °·.¸.•° : ما اعتقد البيت يرضون
- - --^[ امير الغرام ]^-- - - :شنو ما يرضون الا هي ساعة بالكثير ساعة ونصف بتقعدين معاها
°·.¸.•° وجه القمر °·.¸.•° : ما ادري
- - --^[ امير الغرام ]^-- - - :انزين وليش ما يرضون انتي رايحة تقابلين بنت مو صبي
°·.¸.•° وجه القمر °·.¸.•° : ما ادري بحاول
- - --^[ امير الغرام ]^-- - - :مو تحاولين لازم تقابلين اختي عشان تكون معاش على اتصال ويصير الي انا وانتي نبيه
°·.¸.•° وجه القمر °·.¸.•° :اوكي صار بروح مع ضحى بس اول خلني بخبر البيت وبشوف رايهم
- - --^[ امير الغرام ]^-- - - :شوفي هناء ابيش لازم تقنعينهم اووكي
°·.¸.•° وجه القمر °·.¸.•° : اوكي بسوي الي اقدر عليه وان شاء الله خير
- - --^[ امير الغرام ]^-- - - :اوكي يالله احين قومي
°·.¸.•° وجه القمر °·.¸.•° : شفيك مستعجل خلني معاك بعدين بقوم
- - --^[ امير الغرام ]^-- - - :اذا انتي مو مستعجلة انا مستعجل اكثر منش قومي يالله انا قاعد على نار
°·.¸.•° وجه القمر °·.¸.•° : اوكي اوكي باي
- - --^[ امير الغرام ]^-- - - :باي
2006-08-12, 16:03
مشاركة: الحــ ღღ ـــب العـــ ღღ ـــذري
