ام ابراهيم : قطعة في احد بيلقى وحدة مثل امول وما بيستعجل .. المهم خلنا عادي مستعجل مجرد ملجة وبتكون حلاله .. والزواج متى ؟؟
قاسم : والله ما ادري .. على حسب العروس (( امل هني حست بشعور غريب .. عروس .. لقب جديد ومميز وحلوو )) كم تحتاج وقت ؟؟
ام ابراهيم وهي توجه نظرها الى امل : ها بنيتي كم تحتاجين وقت ؟؟
امل : ما ادري خالتي
هديل داشة عرض : شهر ونص زين او شهرين
ام ابراهيم الى امل : ها زين ؟؟
امل تحرك راسها بالايجاب
ام ابراهيم الى قاسم : خلاص خبر محمد ان شهر ونص بالكثير شهرين وبعدها الزواج ان شاء الله
عمار : هههههه الله يساعده على الانتظار .. بروحه مستعجل وبقولون له شهرين خخخخ
ابراهيم : أي والله صدق عذاااااااااب مو عرس والله يتاخرون شكثر
قاسم : ههههه أي والله عذاب .. (( ويلف نظره الى مها وغمز لها وهي ابتسمت له ))
عمار الى دعاء وهو يطالع الساعة : يالله دعاء الوقت تاخر خلنا نرجع البيت
دعاء وهي تقوم : ثواني بس بجيب اغراضي من فوق واخذ ايمن
قاسم الى مها : هاا مها نمشي ؟؟
مها : أي بس باخذ اغراضي .. يالله امل
ام ابراهيم : خلوو امل وعبود ينامون معاي الليلة
امل الى خالتها الى صارت بالنسبة لها ام واكثر : اكيد خالتي مو مشكلة
ام ابراهيم وهي توجه نظرها الى عبدالله : وعبود ؟؟
عبدالله : أي بنام هني الليلة
وفي هالوقت يرن تلفون جود .. وبعد ما كملت المكاملة
جود : يالله انا استاذن كوا طلال متصل فيني ينتظرني برى
ام ابراهيم : خله يدخل كفاية ما شفناه اليوم
جود وهي تحمل نفسها : معلي خالتي اعذريه ان شاء الله في الملجة والزواج بشوفينه على طول
ام ابراهيم : ان شاء الله .. وسلمي عليه وتحملوا بنفسكم وبالبيبي
جود وهي تطالع بطنها الي برز : قولي له هو يتحمل فيني متعبني خخخ .. يالله مع السلامة
الكل : الله يسلمش
وفي السيارة
للتذكير : طلال السكورتير مال ابراهيم في الشركة
طلال : يا حيالله ام القمر
جود : ههه الله يحييك شحالك حبيبي ؟
طلال : تمام دامني شفتش .. وانتي شخبارش ( ويحط يده على بطنها ) وشخبار قمري ؟؟
جود : كلنا بخير ( وتتصنح الزعل وتنزل برطومها ) ولو انه متعبني
طلال وهو يضحك : ههههههه فديت هالبراطم والله .. يالله ما باقي شي ويجيني
جود : أي ما باقي شي باقي له اربعة اشهر اخاف بطني يكبر زود وما اقدر احصل لي فستان عدل في عرس امل وهي الله يهداها بعد شهرين بتسوي العرس يعني في السابع .. خسارة يعني ما بلبس فستان
طلال : هههههه شهرين عاد الرجال مستعجل وهي تقول شهرين يالله يساعده اذا عرف
جود وهي تطالع روحها في المنتظر وتعدل شيلتها : شعنده خله ينتظر
طلال لما شاف طريقتها وهي تعدل الشيلة تذكر اول يوم شافها فيه
في زواج ريم وابراهيم
دعاء وجود في طريقهم الى الدخال .. جود الى دعاء : دعاء شوفي شيلتي عدل ؟؟
دعاء وهي تاشر لها على مكان في الشيلة : هني خطا
جود وهي تعدل شوية : واحين عدل ؟؟
دعاء وهي تحرك راسها بالنفي : لا لا مو عدل
جود : انزين عندش منظرة خليني اعدل شيلتي
دعاء : لا ما عندي
جود : اوووووف خوش مرت اخوي كل شي ما عندها
دعاء انقهرت لما قالت خوش مرت اخو : زين خله تفيدش مرت اخوش الثانية .. وتدخل وتخلي جود بشيلتها العفسة خخخخ
جود وهي تناديها : تعالي وصمخ
ولكن لا من مجيب
جود : اففففففف شسوي احين ادخل بشيلتي العفسة ... قامت تطالع مني ومناك .. شافت سيارة سودة عليها رايبون وصايرة مثل المنظرة
جود وهي تتوجه الى السيارة : يا حبيبتي يا السيارة نازلة علي ملاك
جود طالعت يمين ويسار ما شافت احد في الشارع فكت شيلتها كااامل ورفعتها على فوق وهذا الي خله خصل من شعرها تطيح على وجها وبانابلها الرقيقة باعدت الخصل من على وجها وبدت تعدلها من اول وجديد
وطلال كان يتابع من النقاش الى بين جود ودعاء الى اخر نقطة
بعد ما كملت جود باس يدها وطيرت بوستها في الهواء : ثنكس يا احلى سيارة
وتوها بتمشي شافت شخص ينزل من السيارة تيبست وبسرعة راحت ركيض الى الداخل .. وبعدها جاها فضول تبي تعرف منو لفت وراها شافته لحين يناظرها وبسرعة دخلت الى داخل
جود : الي شاغل بالك يتهنابه
طلال : هاا .. هههه منو غيرش شاغل بالي
جود : انزين يالله الاشارة اخضرت ..
طلال ابتسمت لها وشبك يده في يدها وكمل طريقه
وفي بيت ابراهيم
ريم وهي تعدل شعرها بالمشط وتتساقط شعراتها الناعمة وراء ظهرها .. لفت انتباها سرحان ابراهيم وهو يناظرها
ريم : لا تطالعني جدي
ابراهيم ضحك : هههههههه من عيوني .. ولكن اذا ما طالعتش جدي اطالع منو ؟؟
ريم وهي تشيل نفسها وتقعد جنب ابراهيم فوق الكنبة وتعافس الازرار مال قميص ابراهيم : انزين في شنو سرحان ؟؟
ابراهيم ويجودها من خدها : في احلى قمر
ريم ابتسمت ونزلت راسها : الله يخليك لي يا ابو عامر
ابراهيم وهو يبتسم لها : ويخليش لي
حط ايده ورى ظهرها وقرب راسها من صدره ...وقعد يغنيلها.... وبعد ما كمل الغناء
ابراهيم وريم لحين على نفس الوضعية : لحين مو مصدق انش حرمتي انتي ام عيالي
ريم وهي لحين راسها فوق صدر ابراهيم وتعافس في ازرار القميص : ليش حبيبي ؟؟
ابراهيم : لان ابوش كان يرفض بقوة ما توقعته يوافق
قبل كم سنة في المجلس
ابو قاسم الى ابراهيم بنزارة : ما عندنا بنات للزواج
ابراهيم وهو يبلع ريقه : اذا ما غلطت انت عبد العزيز ولك بنت اسمها ريم وابيها عى سنة الله ورسوله
ابو قاسم : لااااااااااااا واذا اخذتها منو يصرف علينا انا راعي تكسي والي احصله زين يكفيني وهي معاشها لنا عبالك شنو يعني بعطيك اياها بسهولة
ابراهيم وهو ينزل راسه باسى : ولكن لازم بجيها نصيبها تراها مب دايمة لك
ابو قاسم بعصبية : بدون كلام فارغ وعطنا عرض كتافك وورنا مقفاك
طبعا ابراهيم ما ياس وحاول مرة ومرتين وثلاث واكككككثر .. وصدفة مرة رجع يتقدم لها وعبد العزيز في وضع حساس محتاج لفلوس للعلب والمرح في انصاف الليالي .. ووافق على ابراهيم بعد مهر كبيييير جدا .. واذا قلت الربع حصلته ريم بكون واااجد على المبلغ الى عطاها اياه
ريم وهي تبتسم له : الحمد الله .. في النهاية صرنا مع بعض
ابراهيم وهو يداعب خصلات شعرها : الحمد الله
وفي بيت عمار
دعاء وهي تطلع من حجرة ولدها ( ايمن ) : تعبني هالولد عنييييييد ما نام الا بالغصب
عمار وهو يخلي الروموت مال التلفون : طالع على امه العنيدة
دعاء وهي تضرب على صدرها وتشهق : اناا عنيدة ؟؟؟؟
وتروح تقعد جنبه في مثل الكنبة : قولي في شنو عاندتك هااا ؟؟
عمار وهو يضحك : هههه يوم تقدمت لج .. اووف طلعتين لي قرون ما صارت خطبة
دعاء انصافعت ما توقعته لحين يذكر نزلت راسها حرجا : بس ......
قبل اربع سنوات
عماء الى امه : يمة كمل شهر رمضان وكمل العيد وبكمل الفطر ( وبياس ملحوظ ) ولحين ما ردوا خبر
ام عمار : شسوي ام ابراهيم ما اتصلت
عمار : انزين يمة اتصلي شوفيها يمكن ما عندها رقم البيت
ام عمار : بلى انا عاطتنها الرقم
عمار : انزين يمكن ضيعته يمة تكفين اتصلي
جود الى كانت معاهم : أي أي يمة اتصلي
ام عمار وهي ترفع السماعة امرنا لله نتصل نتصل
رن رن رن
ام عمار : السلام عليكم
........ : وعليكم السلام
ام عمار : شخبارش يا بنتي ؟؟
........ : بخير الحمد الله
ام عمار : دعاء ؟؟
دعاء : أي نعم انا دعاء
هني عمار لما سمع جدي قام يساسر اخته ومني مناك جود وافقت
جود وهي توقف : يمة يمة تعالي بسرعة بسرعة
ام عمار الى دعاء : لحظة بنيتي شوية
ام عمار الى جود : ما تفهمين انا اكلم البنية
جود وهي تسحبها من يدها : يمة يمة تعالي شوية شوية
ام عمار : يوووو شبلاج اكلم البنية .. ولما تباعدو عن الانتظار
عمار تجرا وتكلم : احم احم السلام عليكم
دعاء وهي مستغربة : وعليكم السلام .. من معاي ؟؟؟
عمار : دعاء ؟؟
دعاء : أي انت منو ؟؟
عمار ولا كانه سمع سؤالها : دعاء بليييز لا ترفضين وربي ان عندي عادي انش تحبين ايمن ما يهمني اهم شي اني احبش واني ابيش ولو حتى كان قلبش لشخص ثاني .. بليز دعاء فكري ولا ترفضين انا شاريش وابيش وما ابي احد ثاني .. دعاء اذا رفضتين بتحطميني مثل انتي ما تحطمتي يوم تفقدين ايمن .. اعرف ايمن واعرف انه طيب بليز فكري رجاءا
وهني تدخل ام عمار : صدق ما عندش سالفة
ام عمار وتاخذ التلفون : سامحيني يا بنيتي تاخرت عليش
دعاء : لا لا عادي خالتي
ام عمار : انزين موجودة الوالدة
دعاء : أي لحظة
دعاء الى امها الي في المطبخ : يمة تبيش حرمة في التلفون ؟؟
ام ابراهيم : حرمة ومنو ما عرفتيها ؟؟
دعاء وبسرعة تبي تقول كلامها وتركب فوق من الفشيلة : لا يمة ما عرفتها ووو .. ووو انا موافقة على عمار .. وتركب فوق ركييييييييييض
ام ابراهيم ضحكت على طريقتها : هههههههه ابركها من ساعة يا بنيتي زين انش فكرتين بعقل يا حبيبتي والله
وتتوجه الى التلفون .. ام ابراهيم : الووو
ام عمار : السلام عليكم يا ام ابراهيم
ام ابراهيم عرفت صوتها : وعليكم السلام يا هلا ام عمار شحالش؟؟
وبعد ما اخذوا الاخبار وكل شي وردت عليها بالموافقة
ام عمار اول ما سكرت التلفون : كلولولولولولولوش موافقة يا عمار مواااااافقة
عمار طار من الفرحة : من صدقش يا يمة من صدقققققققش ؟؟
ام عما ر: أي يا وليدي
عمار طاااار من الفرحة من فرحه مسك يد اخته جود وقاموا يناططون وانضم لهم علي وشاركهم الفرحة الي دخل البيت على كلمة موافقة والتيبب
دعاء الى عمار : شسوي .. اممم بس اهم شي وافقت
عمار : واحلى موافقة يا حبيبتي
(( واخيرة والتم شمل العشااااااق ))
وبعد مرور اسبوع على المقابلة ملجوو محمد وامل وصاروا الى بعض .. وبدات التحضيرات الى الزواج
امل ويرن تلفونها وهي بعيدة عنه .. وتسمعه هديل
هديل وهي تصارخ : اوووووووووف هذي خامس مرة يتصل فيش في ساعة وحدة ما صارت شنو مسوية فيه ابي اعرف ؟؟
امل وهي توقف وبالابتسامة شاقة بوزها : محمد ؟؟؟
هديل : لا حبش العذري
امل زادت فرحتها واخذت التلفون منها وراحت فوق
دعاء : هههههه يحليله شكله يحبها
ريم : أي الا مولع فيها
وفي الحجرة فوق
امل لحين تطالع الشاشة (( حبي العذري يتصل بك ))
امل بصوت ناعم : الوو
محمد زادت ابتسامته : شخبارش ؟؟
امل : تمام وانت شخبارك ؟؟
محمد : انا حالي مثل قبل عشر دقايق يوم اتصل فيش
امل : هههههه
محمد بفرح : فديت هالضحكة .. اتصلت فيش واجد اليوم وازعجتش اسف
امل : لا لا عادي بالعكس ...
محمد : كملي بالعكس شنو ؟؟
امل بمرح : ولا شي
محمد : امل ممكن طلب
امل : اكيد تفضل
محمد : تكفين قربي يوم الزواج شهرين واااااجد
امل ضحكت في داخلها : امممم بحاول اكمل اغراضي بسرعة
محمد : بليز قولي بس شهر
امل : بس شهر ؟؟؟
محمد : اممم انزين شهر واسبوع
امل وهي تبتسم : اووكي موافقة
محمد طار من الفرحة : الاااااي وناسة .. بخبر امي
امل : هههه عاد عليك تحجز المكان الي بصير فيه العرس
محمد : من عيوني
امل بهمس : تسلم عيونك
محمد : عندش شي ؟؟
امل : مثل شنو ؟؟
محمد : امممم يعني بتطلعين شي ؟؟
امل وهي تطالع الساعة : بعد نص ساعة بروح احجز في الصالون عشان اتحنى قبل العرس بيومين وبحجز لي في الصالون
محمد : المهم لا تنسين بعد شهر واسبوع مو تزيدين ولو تنقصين تسوين خير هههه
امل : ههههه
محمد : خلاص بقعد بسولف معاش لما تمر نص ساعة بالضبط
امل ابسمت وبس
2006-10-24, 12:32
مع السلامة 
السلام عليكم