فلاويــه

يالله ياشاطرين طلعوا كتب ودفاتر النحو عندنا اليوم درس جديد ومهم عن

أدوات الإستفهام ومواضع استخدامها مع الشرح بالأمثلة




ليـــه
ليه شبابنا إذا دخلوا مع المعرس في الزفة في زواجات أخواتهم تنزل عليهم فجأة
صلة الرحم ويتذكرون جداتهم وعماتهم وخالاتهم اللي ماشافوهم ولا
يدرون عنهم من أيام مسلسل (أصابع الزمن) وماهو كذا وبس لا وعمات وخالات أمهم
وأبوهم بعد ويدورونهم ويسلمون عليهم وكل وحدة يحبون راسها عشر
مرات ويطلع السنع ويسألونها عن صحتها وأحوالها وعيالها وولدها فلان القاطع
اللي لا يمر ولا يسلم ومافيه مانع من استرجاع ذكريات طفولتهم الشقية
معها ولو عندهم عمة وإلا خالة من الرضاعة بيدورونها بعد ماراح يقصرون




كيـــف
كيف ممكن أفكر أتزوج إذا كان للحين خبر الزواج ينكتب بهالصيغة العبقرية
احتفل فلان الفلاني بعقد قرانه على كريمة إحدى الأسر ) لاعاد !! بالله عقد)
قرانه على كريمة إحدى الأسر!! انهبل هذا وإلا وش صار فيه!! مالقى إلا كريمة إحدى
الأسر عشان يعقد قرانه عليها!! جد والله ؟؟إنت متأكد ؟؟
يعني فعلا ودي أسال اللي يكتب مثل هالخبر في الجرايد وأقوله هل فيه من وجهة نظرك خيار ثاني غير إنها تكون كريمة إحدى الأسر؟
يعني بيعقد قرانه على كريمة إحدى سلالات الزواحف مثلا؟
وإلا يمكن بيعقد قرانه على كريمة سيد قشطة؟




متـــى
متى تنتهي ظاهرة زاوية هواة التعارف في المجلات ؟
والحقيقة إن المشكلة ماهي في رغبتهم في التعارف بحد ذاتها لكن المشكلة الحقيقية إنهم عندهم أمل إن أحد يراسلهم بعد ماحطوا صورهم في المجلة
وطبعا مايحتاج أوصف لكم الخلفيات المبتكرة وإلا الابتسامات الساحرة وإلا النظرات الغامضة في الصور
والله العظيم إن واحد كاتب عنوانه في مجلة بالشكل هذا
البلد**** المنطقه**** مدينة أ**** البلد شارع *** السوق
!! جوار الزاويةإذا كان هذا عنوان المراسلة أجل عنوان الزيارة وش بيكون

:LolL olLol

ميـــن
مين ؟؟ سؤال برئ نوجهه لأي أحد يدق جرس البيت لكن عاد الإجابة الأزلية واللي
تصدم براءة سؤالنا في كل مرة هي (افتح) !! لاحظوا الرابط والعلاقة بين
السؤال والجواب (مين؟ -----> افتح!) والحقيقة أنا فكرت كثير وما لقيت إلا تفسير
واحد من إثنين
يا إما كلمة مين معناها وش تبي ؟ أو وش المطلوب ؟ وأنا فاهمتها
غلط السنين هذي كلها
أو
إني فاهمتها صح لكن اللي يدق الجرس دايم يكون
!! (اسمه (افتح



هـــل
هل ممكن يجي يوم من الأيام المستحيلة ويتحقق فيه فلم الخيال
العلمي وتقدر البنت تمشي في الشارع بدون ماتسمع كلام من نوع
ياحلوة يادلوعة أول مرة أشوف قمر على الأرض ) وغيرها من الكلام اللي )
يصنف ضمن فئة الغزل المنتهي الصلاحية هل ممكن يجي اليوم الي تمشي فيه
البنت في الشارع بدون مايناظرونها كأنهم شايفين مخلوق فضائي
مجهول حط على كوكب الأرض في ظروف غامضة !! 00



ويـــن
وين ممكن ألقى محل ملابس ما يكون فيه بائع مزعج وملقوف ما يشوفني

ماسكة قطعة ملابس إلا ويباغتني بمفاجأة أغرب من الخيال لا كانت على
!!(البال ولا عالخاطر ولا يمكن يستوعبها أي عقل بشري ويقول لي (فيه مقاسات
!! هااااه !! وش قلت ؟؟ فيه مقاسات !! الملابس صار لها مقاسات !! سبحان الله
فعلا تكنولوجيا!!
أكيد إنهم هاليابانيين ماخلوا شي ما اخترعوه حتى
الملابس طلعوا لها مقاسات

تقول كنه مخترع شي محد يعرفه


خلص درسنا اليوم ياشاطرين


--------------------------------------------------------------------------------
والواجب إنكم تلاقون إجابات للأسئلة

وبافتش عالواجب بكرا فاهمين

ياويل اللي مايحله

---

lf'dk uk hg]vhsi >>??? 'df pg, ihg,h[f >>

__________________

قتيبة

الصراحة سؤال جميل والإجابة الوحيدة المحتملة هي أن الشباب أكيد يكونوا أصحاب صلة رحم
يعني الواحد ممكن يكون هو اللي موصل خالته أو عمته إلى الصالة بس اشتاق لها بعد ما دخلت فحب يسلم عليها ويحب على راسها بكل براءة وبساطة

بصراحة هالأيام ما في شي غريب لذلك لازم الواحد يحدد ويبين أنها كريمة إحدى الأسر

هذا السؤال ما لقيت إجابته بصراحة

وهذا السؤال بصراحة محير

وعلى فكرة انت نسيتي جواب ثاني هو أنا ومن يكون هذا الأنا الله أعلم

ننتظر جواب من حد ثاني

وهذا صعب ترى هذا اليوم صعب يمر أبدا أبدا

هذا المحل لازم يكون سوبر ماركت أو مكان لبيع الآيس كريم أو أي شي ما في منه قياسات وغير كدا على طول رح يطلع واحد ملم بالتكنولوجيا وحدق وقد حاله

ويا رب يكون حل الواجب صح

شكرا فلاوية على الموضوع الحلو والواجب الجميل

__________________