إزاي تقابلي العريس لأول مرة؟
هناك قاعدة تقول إن "الانطباع الأول يدوم" يعني الفكرة اللي حياخدها عنك الشاب اللي جاي ده في أول لقاء حيترتب عليها حاجات كتير أوووي نفس الشيء بالنسبة ليك الفكرة اللي حتاخديها عنه من أول مرة حيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
*******
الخطوة الأولى
جهزي نفسك نفسيا ومظهريا
1-
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز

شكرا على النصائح وان شاء الله تجيبي كمان نصائح للشباب يوم الخطبة

مشكور أختي وجزاك الله عنا خيرا

نصائح هامة جدا جدا

شكرا اختى وبارك الله فيكى

اجمل تحية

وين هذه النصايح لما كنا نحتاجها :/

هببنا تهبيب
ارتباك على تخبيص بالكلام على خجل زايد

فعلا نحتاج نصايح مثل هذه

شكرا لك

شكراً موضوعك رووووعة والكل محتاجه،، لأن نادر تلاقين بنت

ماخبصت في اول لقاء،، تقبلي مروري