محمد ياوليدي .. إذا ماعليك أمر أبيك توديني المستشفى تعبانه
مافيكِ إلى كل خير .. أكلي بندول وراح تصيرين بخير

ياولدي ماني قادره الالم كل ماله ويزيد
اوهووو .. أقولج اكلي بندول .. والصراحه أنا تعبان ومالي خلق اطلع وسيارتي مافيها بترول


الوووو .. محمد وينك ياخي .. ادور عليك من زمان
هلا خالد .. أنا بالبيت امر تدلل شبيك لبيك محمد بين ايديك

أبد سلامتك .. بس بقيت اشتري كذا شغلة من السوق وبعدها باروح الحلاق
أفاا عليك .. اللحين أجيك .. تامر امر .. مسافة الطريق وأنا جايك ..

أولا افرحني وجود موضوعك هنا عسانا مانعدمه قل آمين
ثانيا اللي افرحني اكثر اللي تسويه لامك عسى الله يديم عليك القوه والصحه وتسويلها كل شي ويطول بعمرها ويحفظها
ثالثا لمست وترا حساسا بكتابتك الرقيقه والمداعبة للحس فاثرت نقطة يغفل عنها الكثير.وناقشتها باسلوب راقي
الف شكر لك اخوي الغالي
وتقبل مني اصدق واوفى تحيه
أخوك/ العكاسي

اخي سفير الظلام
نعم الحق معك هناك الكثير والكثير من الشباب
اللذين يتحججون بالاف الاعذار اذا طلب منهم
احد اوليائهم خدمه هؤلاء موجودن فعلا وكثيرين
بوركت على هذه النصيحه
وعلى ما تقوم به من خدمات لوالدتك
يذكرني مقالك بمثل او حكمه كنت اسمعها من جدي
رحمه الله اذا طلب من احد احفاده طلب
ولم يقوموا بايدائها
كان يقول
عند الصخره مثل النهره
وعند اشغيلي ما لي حيلي
اي عندما يطلب منه الناس شيئا
يقوم مثل الحصان او المهر للمساعده
اما اذا طلب منه احد والديه طلب
فلا قوة لديه لاداء ذلك الطلب
والله يعطيك العافيه
على ما تقوم به لوالدتك

أخي أحمد الصقر..
جزاك الله خيراً على كل ماتفعله لوالدتك .. وأدام الله عليك رضاها ودعواتها ..وبلغك "ونحن معك" الجنة .. بفضل الله أولا ثم بفضل دعوات آبائنا وأمهاتنا .. اللهم آمين..
ملحوظة بسيطة:ولو انه فيها لقافة بس معليش أبغى أسألك ليش اخترت لقب سفير الظلام .. شخص بروحك الطيبة هذه مايركب عليه هذا اللقب!!!!
تقبل مروري واعذر" لقافتي" ولك فائق تقديري واحترامي..

تسلم يمناكم اخوتي الافاظل

(( العكاسي - نينوي طلال - حللو ))

على هذا المشاركه والبصمه الاكثر من رائعه

عن جد فرحت بكلماتكم ورفعت من معنوياتي زود

وهذا أمنا .. ومهما نسوي .. مراح نقدر نوفي بحقها او نرد لها جزء من الي سوته لنا .. واذا احسنا للام عيالنا راح يردون لنا هذا الشي
والله امنا اللحين معانا .. ليش مانبر فيها .. والله الواحد مايحس بقيمة الشي الى لين فقده .. غيرنا ماعندهم أمهات وعايشين وهم حاسين بالنقص

إقتباس

	ليش اخترت لقب سفير الظلام .. شخص بروحك الطيبة هذه مايركب عليه هذا اللقب!!!!

وماهي لقافه يالشيخه .. هذا مجرد سؤال
والف غيرج قالولي نفس هالكلام
بس ياله الى هذا مجرد نك وكان مرتبط فيني من عام 2003
ياله هي كم يوم ويمكن يختفي هالاسم .. كل شي جايز

وسفير النور النور .. مانقدر نقول لا


والله يحفظكم ويرعاكم ,,,