احبابنا ..باحلامنا ....
..
سلطان..
ضايق ..كان ..ومحتار ...من ..البارح ماطلع من غرفته ...سمع دق ..امه على الباب ..وصوت ..قال تعبان ..بينام ....
فيه ضيقه ..ولا يذكر أي شي..صار ...كل الي يذكره انه ..كان متوجه للمزرعه ياقاتل يامقتول ....
اسند يده على ركبته ...وترك ذقنه يشد الظهر باكفوفه ...
فيه نقاش دار بينه وبين الوليد ...
غمض عينه يبي يذكره ..وعجز.....راسه يألمه ....
تنهد ...ومد يده لكاسة مويه بجنبه ....
وقرر ..يطلع من غير محد يحس....

.............................. .................
بالصاله ..قاعدين ....
سمر- وكم يوم بتتنوم؟؟
الوليد- يومين بالكثير ..عمليه بسيطه ماتاخذ وقت !!
رنا- طيب ليه مافكرت فيها من اول ..ياخوي !!
الوليد - ..كنت لاهي ...بغيرها ...الحين مليت من ذا العصا !!!وقلقها !!
سمر- تدري عاد ؟؟احس ..انك ..رايق ..بعصاك ...التفتت لنجلا ...الي تشاغلت ...بهز رجلها ....
سمر- ولا يانجلا وش رايك ؟؟
نجلا- ...يمكن!!ليه لأ!!
توترت اكثر ..وهزت رجلها ..لانه ..كان يناظرها ...بطريقه ...متمرسه ...وقربه ..زاد القلق ...اكثر ..
فجأه ..مد يده ..ومسك...ركبتها ...عشان تثبت ..
الوليد- ليه متوتره ؟؟؟ولا شايله همي!!!ترى ان مابغيتي اسويها بهون!!!
بلعت ريقها ...وبغت تبعد يده ...بس الانظار كانت عليها ...
ام سلطان- والله ان كنت يابوي ...بتمشي عليها زين ..سوها ...!!
تشاغلت ..سمر بالريموت ....
ورنا ...تكتب ...بدفتر بحث ....معها ...
سمر- لا صح !!لقيت بجوال امي رقم ..دكتورتك يانجلا !!!دقينا عليها ماترد ماكلمتكم!!؟؟
انصدمت ..لانها كانت تحسبه يكذب عليها ...عضت على شفايفها ...
الوليد- دقت علينا ....تقول ...نجلا ...صارت ...مثل ...الفرسه !!!ماتحتاج لأي شي !!!..قرب وتكلم بصوت واطي ....
الوليد- الا للي يروضها !!!
ام سلطان- الحمد لله ....راحت ذيك الايام ..!!!
نجلا..بهمس- ...ذيك الايام ..عايشه معي!!
وام سلطان ...-...بروح اشوف سلطان !!الله يهديه ...ماكلا شي ...!!
راحت ام سلطان ...
ونجلا ..تحس بنار ..تسعرها ...بوجوده ..
نجلا بخفوت- ابعد يدك!!!يالوليد !!
ارخى الوليد راسه ...-...نجلا ..انتي تكرهيني ..ليه الناس يهمونك!!!؟؟كان ..ابعدتيها من ضايقتك ..!!ابعديها!!يلا!!
مدت يدها ...بسرعه بتبعدها ...وقبض عليها ..بنفس يده ....شد على اصابعها ....
الوليد- هذا اثبات ثاني ..انك ...تخفين احساسك ..ومشاعرك !!!...
قامت ...
نجلا- يالله تصبحون على خير ...بروح..انام !!!
الوليد- لحظه جاي معك !!!
وقفت ..
نجلا- اسهر طيب مع خواتك !!وش معجلك !!!
ناظرها الوليد وهو يشد نفسه بيقوم ..ونظرته ...رسم فيها جمود ..-...بروح ...تعبان ...!!
رقت بسرعه ...قبل يلحقها ....
دخلت ...غيرت ..بعجل ودست نفسها بجنب نصوري ....
بدقايق...
دخل ...بهدوووء...
وماناظر صوبها ....
مرت ..الساعات ...عجزت تنام ....
الوليد سدح نفسه ....على الكنب ....وغطى عيونه بذراعه ....
النور ..كان ..والع ...خافت كان ....
رفعت ...نفسها ....واستندت ..على ..ظهر السرير ...
تاهت ..عينها ..وكانها تحاسب نفسها ....وتلوم....
التففت ليدها ....ولااثر ....الجرح ...راعي الذكرى الاليمه ...
لمسته ...باطراف يدها .....
وسمعته ...
الوليد...بصوت ....خاوي...-....ليه ...ماتقنعين ..ان ..الي سويته...كان ..اسوء عقاب!!!ممكن تقدمينه!!لي!!!
سكتت...وتركت ....خصل شعرها ...تغطي معالم وجهها ....
الوليد- حتى لو تحطين ....بيني وبينك ..مليون حاجز!!حافظك!!ورسم ملامحك ...ارسمه!!!
لف بظهره....وتركها ....تفكر بكلماته....
.............................. .......
السبت ....
بالشركه..
طلال- ...ايه ..اكيد طبعا ...لو ماعندي صلاحيات ...ماكلمتك من اساس!!!
ارخى تركي عينه-...والنعم فيك ..يالغالي !!بس بصراحه ..متشوق اشوف ...رب العمل من كثر ماسمعت عنه !!!
طلال- ان شاء الله ..تشوفه...قريب ....!!!
تركي- ان شاء الله .....يالله اجل ...اروح لمكتبي !!!
طلال- تفضل خذ راحتك !!
.
طلع تركي ..وعينه ....تناظر هينا وهناك ....يستكشف المكان ....
...................
بحاره.....على نجلا ..مو غريبه ....
فيها ...عاشت ...
وقاست ....وانصفت ....
وقفت ..سيارة الوليد ....عند باب بيت نجلا ....

لمحت نجلا ....شخص نعرفه ....ولا هو غريب ...عادل ...
اخو غاده ...كان معه واحد واقف ..وباب البيت مشرع ....
نجلا- وش يسوي هذا ..ببيتنا!!!؟؟
وقف الوليد وجنب ...التفت لها ...
الوليد- لاتنزلين!!...
فتح الباب ونزل....
واتجه لهم ....وهي ..عينها عليهم ...وقاهرها ..وجود هالانسان الكريه ..عندهم ....
عادل التفت ...للوليد..يرحب ويهلي ..
عادل- هلا والله بطويل العمر ...!!!
الوليد مد يده لليد الممدوده وعينه ..موجهه للشخص الاخر ..وكأنه يسأل ..من هو !!
عادل- اعرفك ..هذا ...جاي يسعر البيت !!
قطب الوليد حواجبه-...على أي اساس..؟؟يسعر البيت !!!
عادل ..تلخبط بالهرج ...وقام يلف ويدور ....
تكلم ..المقاول ....
المقاول- ماعرفتنا ...يااخ عادل!!
عادل- هذا ..الوليد العويضه ...نسيب المرحوم!!!
المقاول – هلا والله وغلا ....مدري تعرف محمد العويضه!!؟؟
الوليد ..وهو يناظره- هذا الوالد ..!!!
المقاول- ماقلتلنا ياعادل ...عن انسباك !!!والله ..انها ..مفاجئه ..تشرح الصدر !!!
الوليد- ماقلتلي ..ياعادل ؟؟وش المناسبه...تسعير البيت ؟؟
عادل- هااه ؟؟لا بس حبينا ...نشوف كم يجيب !!تعرف ..ام ناصر ...خلاص مالها مقعاد ...تبي تاخذ نصيبها من البيت !!!
نجلا ..تناظرهم ...واعصابها متوتره ...اشوى ..مرت البيت ونزلت نصوري وماريتا ....
شافت الوليد مقبل ...
فتح الباب ....
ارخى نفسه ...
الوليد- نجلا انزلي..هاتي الملف !!!
نجلا ..شافتهم يروحون ...بسرعه تكلمت
نجلا- وش يبون؟؟؟
الوليد- بعدين ..انزلي ..هاتي ملفك ...!!!
نزلت ...وقلبها قارصها ....تخاف تشوف ..غاده ..مقابلتها ....
دخلت البيت ...مافيه احد ..وكأنه من من زمان ..غير مسكون ....
دارت بعينها ....لزوايا البيت ..الي جمعها ..مع سعد ..وشافت معه ...اسعد اللحضات واتعسها ...
صوّت الوليد -...انا تحت استنى!!!
رقت الدرج ..بخطوات ...ثابته ..ومتلاشيه ..من ...بطئها ....
راحت لغرفتها ....
دخلت بعجل ....واتجهت ..لمكتبها ...جلست ..بجنب ...دولاب...ابتسمت يوم شافت ..الربطه الي رابطتها في الباب ...عشان محد يفتحه ...
يااااه يابرآئة...تفكيرها ....
في هالدولاب اخفت ..ملفها ..الي جابته شيخه ..وخافت ابوها يشوفه ..ويقطعه لها ....
فتحت الرباط ....
وانفتح الباب ...المكسر ..والمخلخل...
لمحت ..ملفها ....تحت الاوراق ..وشراشف ..عشان تخفيه ...
غصب ..انظارها ..انسابت ...لأالبوم صغير ....
جرت يدها ...وشالته ...
ارتجفت اطراف اصابعها ....وهي تفتحه ....
كات ...صورة ..امها ....وهي شايله سعد ....وابوها بجنبها ..وبان ...الفرح ..على مباسمهم ....
امها ...ملتفته ..وعيونها سارحه بأبوها ...وسعد ملفوف بالمهد ...بحظن امها ....
رجفت شفايفها ....وتلمست الصوره بأصبعها .....
فتحت ...الي بعدها ....وكانت صوره ...جمعت ...امها ....وابوها ...وبس.....
لفت للثانيه ..بسرعه ....وكانت صورتها مع سعد ....
بجيتها اختفت ..بسمة ابوها ...ومعها ...القلب الحنون ....
وبعدها وبعدها .....صور ....جمعتها بسعد ....كان ياخذ كاميرة ...احمد ويصور فيها ....
بدون علم ابوهم ....
ابتسمت ...بوجع ...يحكي ..الم فراقه ..عنها ....
تحدرت ..دمعه ....غريبه ....وهزيله .....وضايعه ....من محجر عينها ....
نجلا بانكسار- ...يااااااه ...ياسعد!!!
سمعت صوت الوليد ....ينادي..
الوليد- نجلا؟؟؟...نجلا ؟؟؟
ردت بصوت مبحوح ...
نجلا- نازله !!!
بسرعه لمت ..ملفها ...والبوم الصور ..بيدها ...وتركت الغرفه ونزلت ....
اقبلت عليه بدون ماتناظره....
نجلا- ...خلصت !!!بس ابي اعرف...عادل ..وش كان يبي!!!وليه معه المفاتيح ..دام مرت ابوي مو فيه !!!؟؟
الوليد ...ناظر ..عيونها الي تحاول تخفيها ...بنظراتها البعيده ...
الوليد- وش فيك؟؟؟ليه الدموع!!!؟؟
نجلا تلبس عبايتها بسرعه ....- مافيه شي؟؟؟ممكن ترد على سؤالي !!
جت تتعداه ..وهي ماسكه الملف والالبوم ....الا مسك يده
الوليد-ليه الدموع يانجلا !!!
سحبت يدها بقوه ...ومع سحبتها ..طاح الملف والالبوم ....
انتبه له اكيد ....
ارخى نفسه ..وهي بعد ..تبي تسبقه ..وتاخذه ..قبل ...يسحبه ..بس سبقها ....
مدت يدها..
نجلا- هااته....!!!
رجع الوليد ...شوي- ايش هذا ؟؟؟؟
نجلا...بصوت ..طفشان – هاته يالوليد!!!لو سمحت رجعه !!!عطاها بظهره ...وتصفح ..الالبوم ...بهدووء...
حمدت ربها انها لابسه نقاب ....
تراجعت ....وتركته ....وطلعت ..من هالبيت .....
حست باختناق....وشي كابس عليها ....يخنقها ...
ركبت السياره ...وسكرت الباب بقوه ..صورت ...قسوة الي تحس...
تكره هالبيت ...وحياتها فيه ....وتكره ....الذل الي شافته ...مع شخص اسمه ..
الولــــــــــــــــــيد....
تكلمت بصوت ...مكسور...
نجلا- وين ارووووح !!!!وين ؟؟؟
ابي ..افر !!!
انفتح باب الوليد ....
وكتمت شهقاتها ....
ركب....وحط الالبوم ....بجنبه ....
جنب عصاه ..وسكر الباب ....
شغل السياره .....اما هي ..ناظرت ...من ناحية ...بابها...
كتمت ...شعورها ....وانقهرت ...من احساس ..الشلل ..الي تحس....
كرامتها ..مع ..الوليد ..مهدوره ...من لها سند ..تتكي عليه ...غير سعد ..!!!الي مات!!!
ناظرها بطرف عينه ....وحس بوحدتها ...واوجعه ...شعوره ..بالعجز ناحيتها .....وانعدام ..المقدره ...انه يحول بين الالم وبينها ....
والاشد ..انه يكون ..
هو صاحب ..
الاوجاع ....بحياتها ...
تحركت السياره ....وهم ساكتين .....
تكلم الوليد ....يبي يكسر الصمت ...
الوليد- ...نجلا ...انا بسافر كم يوم !!!.....سكت شوي ....
كمل
الوليد- تجين ؟؟
نجلا – مابي ..اروح محل!!!
شد ...الوليد بيده ....وماحب يعيد ....ويزيد....
تنفست نجلا ....وهي محتاره ...وش تسوي ....وكيف ..تعيش..مع ...انسان شكاك ....وحتى ..لو !!!
وصل ...التفكير ..هينا ...وعجز عقلها ...يكمل ...الجمله ...المحرمه ...
الوليد...بصوت حاني ...-.....لما يحس ..الشخص ..ان لحياته معنى ...يقدر يستمر ويعيش...!!!ولما يشعر بحاجة ..الي حواليه له ...يقدر يشعر ..بالسعاده ....والكمال !!!اما لما مايكون احد بهالدنيا محتاجه ...يحس...بعدم فايدة وجوده ..بالحياه ...!!ويشعر بغربه فظيعه ...قاسيه يانجلا !!!
سكت ...لما وقف عند اشاره ...حمرا ...
التفت لها ....وشاف بعيونه ..حمار جفنها ..وهي مو منتبه ..لنظراته ....
مد يده ...لحجرها ...ومسك يدها ...المتوتره ...شد عليها ..يوم جت تسحبها ...من بين ايديه ...
الوليد- ...هالصورتين ...متمثله ...فينا!!...
التفتت له ...وتشابكت ..انظارهم ....
الوليد -...انا بحاجتك يانجلا ....انتي بالنسبه لي ...كل شي ..انتي عيلتي ...!!!ونصوري بعد !!...امي عايشه ..صحيح ..واخوان عندي..وخوات !!!بس محد ..قدر ..يعرف ...عمق ..جروح الوليد ..غيرك!!!
ارتجفت يدها ....وحس برجفتها ....
ولعت الاشاره ..نور اخضر ....
وتوجهت انظاره للطريق....
ابعدت عينها ....للطريق ....
وسمعته ...يتكلم بوضوح...
الوليد...-...انا ...جرحتك ...وادري!!!وماعندي ولا لي أي عذر !!!ولا اسمح لنفسي ...اني انزوي ..تحت أي عذر تافهه..وغير مقبول!!!...لكن!!...عشمي ...فيك يابنت الاجواد....تسامحين!!!وتغفرين!!
جت عينها ....على ...اصابعه ..وهو متحكم بعجلة ...القياده ....
الوليد-...صدقيني يانجلا ...لو في قرارة نفسي ..متأكد ...ان فراقي ..هو الي تبين !!كان ..عطيتك ...اياه ..ونلتيه!!!
جت تنطق ....ورفع يده ...عن يدها ...وأشر ..
الوليد-..لحظه ..خليني اكمل!!!...خلي ..عنك ..كبريائك ..المجروح...!!واتركي ...جروحك الي فتحتها انا!!!...وغوصي ..داخل ..خفوقك ....واسئليه!!من هو انا ؟؟؟بالنسبه له !!!
وصدقيني!!!بيكون الجواب غير الي تنطقين!!!!
غرست اضافرها ...بوسط كفوفها .....
وقف ...وماناظرت حتى ..وين ....
نزل ....وتركها ....مشوشه ....ومختنقه ...
بكلامه....صور ..من ...صحة الاحساس ....
فتح الباب ....وركب...
جت عينها ..على يده وهو يترك عصاه بجنبه ....
وابعدتها ....
سمعته ..يفتح الكيس..الي بيده ...
لفت براسها ..عنه ...وجت عينها على ...جمس...فيه ..عيله ...
وثنتين ..لابسات عبايه ...باين يتهاوشون ...
ابتسمت ...بحزن ...وبحسد...
لمنظر العيله ...والي زاد بسمتها ...اخوهم...نزل ..يهدد...
انتبهت ...لموسيقى ...اشتغلت ....
وصوت عذب انساب....
بأحلى ...كلام ...
بصوت ...
عباس...ابراهيم..
&
&&
&&&&&

منت فاهم ....يااغلى من مر بعيون ....
عاشقك ..سلم امره ...للغرام ....
شفت فيك العمر يالقلب الحنون ....
من عرفتك وانا عايش..في هيام ...
انسى هالعالم ....ولو هم ...يزعلون ...
ماعطيت ...اليوم غيرك اهتمام ..
عجزت ..عيوني....على غيرك تمون ...
ماعرفت...انطق لغيرك ...السلام ....
لك انا ...خطوه ..واوصل ..للجنون...
بك ..ترى ..العاقل ..على عقله يلام ...
بك انا بفخر ..على العالم ..واكون ...اسعد الي حب ..واجMAK ..كلام ...
&
&&
&&&&&&

هي تسمع ..وهو يسمع ....
رساله ...ارسلها ..لها ...غير...نظرات العيون ....
شدت عبايتها ...بيدها ...
خلص...الصوت العذب ..من بث الرساله ....
الي ارسلها قلب ..عاشق..وولهان ....
بس ترك ...اثر عميق...بقلبين...
قلب...
عاش...الضيم ...وقلب...عاش..الحرمان ...
رجع الوليد عاد ..الاغنيه ...وكأنه...يقول ..
اسمعيها ...وافهميها ...
هاذي ..مني لك ....ياغلاتي ....
واغلى من العيون ....
....
بقصر الجد....
بالحديقه...
ساره ...وامي نوره ...يفطرون ......
ساره ..-...يمه !!مدري!!وش اسوي !!!انا قلت ..لعمي ..تم !!!
يتبع.....

امي نوره ..ضحكت بفرح -..والله ماقواتس..الا ابو الغالي ..رحمة الله عليه !!!
ساره- يمه !!تتشمتين علي!!!!هذا بدل ماتشوفين ...هالورطه كيف تنحل!!!
امي نوره- خلاص الحين يابنتي ..الموضوع .مو بيدينا !!!اكيد الرجال...بيدخلون بالسالفه ....!!!هذا ان ..ماكلموا....اخوك...ابو سعود !!!
شهقت ..ساره ..وتركت ..الساندويتش..الي بيدها- ياربي!!!كيف انقلبت ..السالفه علي!!؟؟؟
امي نوره- ..هذا يابنتي...المكتوب!!وانا قليبي..مطمن...ومرتاحه ..احس هالرجال ..ماهوب..بعيدن عن اديب!!
ساره ..بنرفزه...قدرت تتحكم فيها ..احتراما ..لامها- يمه ..تكفين ...لا تقارنين اديب بأحد!!!هذا مامثله ...ابد ّ!!ّ
امي نوره- صبي ..شاهي ..طيب...صبي!!!
رن ..جوال ..امي نوره ....
وسحبته ساره بسرعه ..تخاف ..كلام امها تحقق ..بسرعه ...
تنهدت ..يوم شافت اسم الوليد ....
ساره- يمه ..هذا الوليد !!
امي ..نوره ...- هاتي...هاتي...!!
امي نوره- الو...هلا ..بوليدي !!!..
الوليد مد يده ..وقصر الصوت ...- صبحك الله بالخير ...ياجده!!!
امي نوره- ياجعل الخير ...دوم لك ..زوار!!!علومك !!؟؟
الوليد..ابتسم بحلاوه ...-...مشتاق لك ..حيل ..ياريح الغالي!!!
امي نوره بفرحه- ...ياوليدي ..انا مدري..منين تجيب هالهرج !!الله يهديك ...وجهي يقلب ..حمر!!!
ضحك ..الوليد ..وزادته الضحكه...جاذبيه ...-...انا جاي..عشان اقولك من وين اجيبه !!افطرتوا ؟؟
امي نوره- قاعدين انا ..وساره ..نفطر...بالحديقه ...تعال ..وانا جدتك ...الجو يهبل ...افطر معنا!!
الوليد- يلا ..جاي ...اهم شي..حنان الزطيه مب فيه !!!
..............................
بقصر الوليد....
رنا ...بالحديقه....ومعها ...كوره ..ترميها على نصوري....
رنا- هيا ..يابطل !!!ارمها !!!
نصوري- تيب ....تيب ....
يركض ..وهو مبسوط ....
رماها لها بضعف ...ومثلت ..انها تعبت لين مسكتها .....
التفتت ..لماريتا
رنا- ماريتا ؟؟روحي بسرعه ..جيبي..شبس!!!وببسي!!
نصوري- مايتا!!وانا ..زيبيلي!!
رنا ضحكت ..على نطقه للكلام ...
رنا- لأ..انت ...تشرب عصير..طيب!!!؟؟
نصوري..مسك خصره معترض-..اف.....!!!اثير ..اثير ...اثير ...!!!ماهبه!!
رنا -...طب شوف!!اذا ...فزت علي ..اعطيك ببسي!!!وش رايك !!...كيذى ..تمام!!
نصوري..حقرص..بعينه ...يفكر – كلاس...ثمام!!!
ضحكت ....وأشرت لماريتا ...تروح ...


كان ...واقف....ويناظرهم ....بصمت .....لاحظ ..الفرحه ....الي عايشين ...
والاحساس ....الحلو ....الي ..حاسين..
لف بيروح ....
وسمع ..صوت ..ينادي...والعبره ...خانقته .. ...من وراه ...
وقفت رنا ...تشوف ..نصوري..من شاف ....وارتجفت ..لسماعها ..الاسم ...الي يقول ....
نصوري...شاف ..ظهر ..تهيأله ..انه سعد ...- سأأأأأد......قالها ..وهو يركض...بسرعه ....
جت عين ..رنا ..على ...
سلطـــــــــــــــــــــــــــ ـــــــــــــــان
وهو ماشي...بيروح ...بس ..الظاهر سمع الصوت ...ورجع التفت ...
شاف نصوري...يصدم فيه ...تفآجئ...من ردة الفعل ...
واستغرب..اكثر...وهو يشوف نصوري....يشد ...يبي سلطان يحظنه ...
قربت رنا ..وناظرتهم ..بصمت ..وترقب....
من زمان ..ماشافته ....
شافت ..أنحنائه ...لنصوري..الي ضل ..مغبي..وجهه...بثوب سلطان ..وكأنه ..مايبي...يعرف ..هو غلطان ..ولا لأ...
سلطان...ناظر رنا ...مو عارف وش يسوي ...
رنا - ...كلمه ياسلطان يحسبك سعد !!
مسك سلطان ..كتوف..نصوري....بشويش...
سلطان- ...نصوري...؟؟انا عمو !!ماتذكرني!!
رفع نصوري..راسه ...ولمح ..سلطان ...دموعه ...الي ملت رموشه الكثيفه ...
يد نصوري..ارتفعت ...يلمس...شعر ..سلطان ...-..انت ثديق سعد!!؟؟ثح!!
ناظر سلطان رنا ...الي اشرت براسها ...
رجع يناظر نصوري
سلطان- ايه ..سعد صديقي !!
من سمع نصوري...انه صديق سعد ....تشره ....وبقوه ...
نصوري- وينه ؟؟؟وينه ...سأأد؟؟؟ليه مايدي!!نزلا ..تصيح كثير ..وانا بأد!!!
سلطان- ليه تصيح انت ؟؟علمني ؟؟
نصوري..قطب حواجبه الصغيره وبعبره ..-..انت بابا..ثاني!!
ابتسمت رنا ...وعينها ..تدمع ..لبرائة ..هالولد ...
سلطان ...زاره ..شعورن ..جديد....اثر ...فيه ...هالسؤال....
راح نصوري...يركض....وجاب الكوره ..
وناظر رنا ...
نصوري- يلا روهي انتي ..مو رزال!!!هادا رزال...يلأب مأي!!
ضحكت رنا ...بس خافت ..يخيب ..سلطان ضنه ....
والي ...فآجئها ...ان سلطان خذى الكوره ....من نصوري....
وتتالا..اللعب....
بينها وبين ..نصوري..وبينه...
اخوها...
ايه ...اخوها ...الي من امها وابوها ...
اول مره ..تشوفه ..بهالحال ...
فيه شي..غريب...
تمت عينها عليه ...مستغربه ..الي صاير....
معقوله ...تغير؟؟ولا مريض...!!
.............................. .......................
بقصر الجد...
امي نوره- افااااا..ياولد ..الغالي !!!هونت اجل ..عن الحجه!!!اكيييد بسبتي!!!انا عارفه ..ماتبيني ..معك!!!..قالتها وعينها على نجلا ...
ساره- الوليد ...ياويلك من امي....ترى ...ماتنساها !!!
ضحكوا...
الوليد بضحك ..- طيب ..هي تعطيني فرصه ..بس!!!!
امي نوره- مهنا ..فريصه !!!ماتبيني معك !!ترى ياوليدي كانك ماتعرف ...بالحج..ماتقرب..مريتك!!!
هالمره ..حمرت ..خدود نجلا ...وضحك الوليد اعلى من كل مره ..ضحك لين دمعت عينه ...من تفكير جدته ...
الوليد- ..ياجده ..يالغاليه ...انا بسوي...برجلي ..عمليه !!
شهقت ..امي نوره ...-...ليه يامي ؟؟رجلك وش فيها ؟؟؟
الوليد- قبل فتره ...زلقت عليها ....وبعدها قررت ..اسوي ..العمليه ..الي ..اشاروا لي اسويها ..قبل !!
بصراحه ..تعبت ..من ذا العرج ...!!
امي نوره – اييييييه ..تعبت ..هاااه !!!..ناظرت نجلا بمعنى .....
وضحك الوليد اكثر من اول ....
الوليد-...اقول ..يالبى ...هالتفكير ...وراعيته !!!...
التفت لنجلا ...الي ردت النظره بتحدي...
الوليد- يلا مشينا؟؟
ساره- خلوكم ..شوي !!تغدوا عندنا !!!
امي نوره- ايه ..تغدوا ...!!لا تمشون وش معجلكم ؟؟
الوليد..ناظر ساعته ...-..تأخرنا يامي نوره ..وانا وراي ..سفر العصر !!!
ساره- على وين ؟؟
الوليد- ..بروح...كندا ...لي فيها شغل !!
امي نوره- لا يكون وانا امك بطول!!
الوليد وقف...-...والله حسب ..سير الموضوع الي رايح على شانه ...!!
ساره التفتت لنجلا – ماراح تروحين ؟؟؟
نجلا ...وهي تلبس..نقابها- ...لأ...بجلس..نصوري..عندي..!!
الوليد تقدم وباس ...راس جدته ..ووراه نجلا
الوليد- يالله فمان الله !!!
نجلا- مع السلامه ....
امي نوره نطت ..مره ثانيه- بحفظ الله ..وانتبهي ...لرجيلات ..رجلتس!!!
سمعته يضحك ...وهو يتقدمها ....مشت ..بسرعه وتقدمته ....
ساره- يمه ...ليه تحبين تحرجينهم !!!
امي نوره- ..اييه ..يابنيتي ...من فرحتي ..فيهم ...!!شفتي ..وشلون ..يوم ..نجلا ...تحسنت ...كيف ..صار..الوليد ...؟؟؟
سكتت ساره ...وهي متفآجئه ..من ..تفكير امها ....ماتوقعتها ...ترى ..خلف العيون ...

..............................

بقصر الوليد...
ام سلطان ...- ..كانو ..خلاص ..نقلتوا ...كل ملابس..مدام نجلا؟؟؟
كانوا- ايوه مداد ..كلوا ملابس..!!
ام سلطان- ..طيب ..زين ...روحي ..خليهم يركبون ..قهوه!!!..
كانوا- اوكي مدام ...
..........................
الوليد ونجلا ..وهم طالعين ....
قابلوا ...ابو سعود...
ابو سعود- حيالله ولد اخوي ؟؟
الوليد سلم- هلا عم ...هلا والله !!..
ضغط زر ...فتح السياره ..من بعيد ...واشر لنجلا ..تروح تركب...
ركبت ....ورفعت عينها ...تناظره...وهو يتكلم ....
نجلا- اصحك !!ياقلب..ترجع تحن!!!اصحك!!!صاحبك ..ماذقت منه ..الا الجراح ...!!!
..
ابو سعود- والله ...يالوليد ..اني ابيك بكلمة راس؟؟
قطب الوليد – آمرني ياعم ..باي وقت ....بس هاليومين بسافر ...تبي شي ضروري!!
ابو سعود- ..ضروري ...يابوي!!الي عندي ..شابن علي ...وبنزينه خالص..!!!
ضحك الوليد ...على الفاظ ...عمه ..وجدته ...
الوليد وهو فاهم ...ومو فاهم- من هو ؟؟
ابو سعود- سعود ...من غيره !!خلاص سلم !!
الوليد بفرح ...وهو حاسس بكنة الموضوع- ...الي تبيه ..ياعم ...انا حاظر!!
ابو سعود- خلاص اجل لا رجعت ..من سفرتك ..لنا جيه لكم !!!
الوليد- الله يحييك ..باي وقت ..البيت بيتك .واحنا عيالك !!!
ابو سعود- لا هنت ..يالوليد ...ونعم ...بيدن ربتك!!!!
.............................. .......
بقصر...الوليد..وبالتحديد بالحديقه...
نصوري- كلاس تأبت ....!!
سلطان- حتى انا تعبت !!!ياله ...روح ارتاح شويه ..عشان عندي ..شغل ..!!!
نصوري- تروه؟؟؟أند سأد؟؟؟
سكت ..سلطان ...والغريبه انه رجع ابتسم ....
سلطان- بروح اجيب لك سياره ...وش رايك؟؟؟!!!
نصوري- بروه ..بروه....!!!
رنا- لا يانصوري..الحين نزلا تجي ..وتدور عليك!!!
نصوري- طيب ..انا بقأد هينا ..اثتناك !!ياويلك ان مازبتها !!!
ضحك سلطان ...مستغرب ...شعوره ...الي تملكه ....بالشوي الي قعدها مع هالولد....
سلطان- طيب ..استناني ....!!!التفت لرنا ...
ردت النظره ...
رنا- ..وحشتنا ياسلطان...!!..قالتها ...ومو لسانها الي نطق....
قلبها ...تكلم بصوت عالي ....
ناظرها سلطان ....بنظره ...طغى فيها ...الحزن ....والحنان
ومشى .....
.............................. ..........................
وقف الوليد ...عند ...اكسيوم تليكوم....
الوليد- انزلي !!
رفعت نجلا راسها ..تشوف المكان ....
الوليد- بسرعه ...يامهرتي !!!
نجلا- انا لي اسم !!!غير ..ذا الي قلته !!!!
لف الوليد وناظرها ....ابتسم-...انا ..صابر ...والله يعين !!!
نجلا وهي تفتح الباب- محدن جبرك؟؟!!
الوليد-...القلب ..ومايريد!!!..يلا ..تعالي ...!!
تقدمها ....وبعدين وقف ..لين جت ..مقاربه له بس بعيده ...قرب منها ..وهو يناظرها بتحدي ..مسك يدها ..ومشى ....لين دخل ...
جلس يسأل عن الاجهزه ....
وهي تمت ..باصمه ...وساكته ...
حاولت تسحب ..يدها ...
وشد عليها ...
الوليد- وش رايك بهذا ؟؟؟
نجلا- مابي جهاز!!
الوليد- مب لك ؟؟هذا لرنا !!!
سكتت بدون تعليق...
الوليد- يالله عاد !!وش ادراني انا ..بالي تحبون ...؟؟!!
نجلا- ان كان عشان رنا ...طيب ..هات اشوف!!
مده لها ....
نجلا- لا مو حلو ...شوف هاذاك ...!!
الوليد – وينه ؟؟
نجلا- هذا الي لونه ليلكي !!!
الوليد لف براسه ..وناظرها ..- حلو هذا يعني؟؟؟
نجلا- جيبه ..خلني اشوف !!
الوليد- ماتبين اجي معه ...؟؟
نجلا- اففف....
اشر الوليد ...للموضف يجيبه ...
ناوله نجلا ...
فتحته وسكرته ...قلبته ..بين ايديها ...
نجلا- هذا تمتم ..مره حلو بيعجبها !!
الوليد بتهديد..- علا ضمانتك؟؟
نجلا -..طيب ..على ظمانتي ايش يعني؟؟!!
طلعوا ..بعد مادفع الوليد ..ثمن الجهاز ...
بعد ماركبو السياره ...
طلع الجهاز ...وفتح درج السياره ...وسحب ظرف ...
كل هذا وهي مبعده عينها عنه ...
سمعت ..رنة جوال ...والتفتت ..شافته يمد الجهز ..لها ...
الوليد- خذي ؟؟ردي علي!!
فهمت نجلا التمثليه الي سواها ....- مابيه !!
الوليد- آآه ..لو تتركين ..جفاك وعنادك ؟؟كان ..شي ..ثاني!!
نجلا- هذا انا ؟؟ما اتغير !!عشرتي شينه !!
الوليد لف راسه ..وركز عينه عليها ....-...نجلا ...عشرتها ..شينه؟؟؟مستحيل ..!!اكذبي...على ..غير الوليد !!!
وخرت عينها ...وكتفت يدها ...
شغل ..الوليد ..اغنية ..
عباس ابراهيم ..منت فاهم ...مره ثانيه ...
التفت ..لنجلا قبل يحرك السياره ....
الوليد- افهميها ...مثل ..مافهمتيني !!!
تمت تناظر ..بعيد ...
..............................
بمسافه ..بعيده .....
حيل ..حيل ..بعيده .....
مسك يدها ....
وضمت يده ....
رانيا- ..ناظر؟؟هالمنظر ياخالد ؟؟؟
خالد تم خالد عينه عليها ...- ..منظر جنان!!
التفتت له ..وهي مدركه ...تلميحه ...
غطت خشمها بيدها ...
رانيا...سمعته يضحك ..- خشمي كبر عارفه !!
خالد بضحك- كبر وبس؟؟الا صار عماره !!!
رانيا سحبت يدها...وضربت ..كتفه -..يعني .من زين خشمك !!؟؟
خالد- لا خشمي..ولا خشمك ..كلنا ..صايرن المملكه ..والفيصليه ..بس هااه ..انا الفيصليه !!!..قالها ..وهو يضحك
رانيا- طيب ..ياخلووود....اوريك ..ترى كلها ..كم شهر ...واصير احلى من اول ..وان جا وقتها ...بتتمنى قربي !!!
خالد...- خلي يجي وقتها ..ويحلها الف حلال !!!
رمت الفشار الي بيدها عليه ...من القهر ...صايره ..دبى ...وشاينه ...وهالي عندها ...اكيد بيقارنها بذا الشقر ....المماليح ...
.............................. ................
بسويسرا...
بداخل ...جناح ...امتلى فيه الفجور ....والمجن ....
رقص..عز الفجر ....
عين انعمت ...عن ...امهال..خالقها ....
ونفس طغت ...وزاد فيها الفجور ...اشواط ....واشواط....
دق الجوال ....وباليالله انسمع ....
ماجنه موجوده...مدت الجوال ....لصاحبه ....
ابو طلال- الو؟؟؟مين....هاااه ؟؟؟؟....
ابو معتوق..-...الوو...سلام ..ياطويل العمر ...!!!
ابو طلال- وينك ياثور؟؟كل مادقيت عليك ...ماترد؟؟؟؟
ابو معتوق- سامحني ..ياعمي ...!!
ابو طلال- المهم ؟؟وش صار ..بصاحبنا ؟؟؟
ابو معتوق.-..مين؟؟
ابو طلال بحمق- من غيره ..ياثول ؟؟؟سلطان ولد العويضه؟؟؟
ابو معتوق- اااه...الشغل معاه ماشي تمااام ...التمممام....
ابو طلال ..بحقد-..شوف ؟؟ابيكم ..تخلونه ...يلحقكم مثل الكلب!!وعطوه الي يبي...بس المهم ...تكتبونه الاوراق الي قلت !!!ساممممع!!!!
ابو معتوق- سمعت ...ياعمي ..سمعت ...!!!
ابو طلال- اذلف عن وجهي ..دامك سمعت ..ولاعاد تتصل ..لين تقول انكم خليتوه ..يوقع !!!
ضغط زر ...الاغلاق..وحذف الجوال ...واستقبل بحظنه ....
ماجنه ...جعلت ..من ...بعض المناديل ...ساتر لها ...
.............................. .....................
بقصر الوليد ...
لبق الوليد سيارته ....ووراه ..السواق ..ينزل سمر ....
نزلوا ....
سمر- من وين ..جايين ؟؟من المزرعه ؟؟
الوليد- من امي نوره ...!!
نجلا- كيف المدرسه اليوم؟؟
سمر- آآه تهبل ...مثل العاده !!
تقدمهم الوليد ...ودخل ...
بالصاله .....
ام سلطان- هذا الوليد جا ....رنا ..روحي ..عجلي بالغدى ....
الوليد ....سلم وجلس....-...لا تونا فاطرين ..عند امي نوره ...مالي نفس!!وين نصوري؟؟
رنا- نايم ....من جينا البيت مانمنا لا انا ولا هو ....
دخلت سمر ونجلا ...
فصخوا عبايتهم ...
وسلموا ...
رفعت نجلا شعرها ...بيدها ....وجت عينها بعينه ...وابعدها ....
نجلا- وين نصور؟؟
الوليد- نايم ...قام ووقف...
الوليد- يالله ...بطلع ..ارتاح شوي ...وراي سفر اليوم ....
ام سلطان- وين ؟؟
الوليد- ..عندي شغل ..ضروري....بكندا !!
سمر- نجلا بتروحين ؟؟؟كندا تجنن!!!
الوليد ..عشان ..ماتنحرج – مامداني ..اصلح جوازها ...!!مره ثانيه ..ان شاء الله !!!وصح...
فيه واحدن من الجماعه ..خالصن بنزينه !!!يبي العرس!!!
جت عينه على رنا ....الي انحرجت من نظراته ....
ام سلطان- من ذا ؟؟؟يالوليد ؟؟وليه ..قلت المحطات ؟؟
ضحك الوليد ...لأستيعابه ان ام سلطان مافهمت ...
الوليد- الا ...ماكثر الله ..شي غير المحطات ...بس ..مشكلته ..ان المحطه ..اخت الوليد !!!
نزلت رنا راسها ..وسمر ..تشاغلت ...بشعرها ..وقلبها ..حاس....انها راح تسمع ..اسم ..مب غريب....
ام سلطان- وخواتك وش لهم دخل؟؟
الوليد- عمي ..بو سعود ....بيقصدنا ..خاطب ..عن قريب!!!
ارتجفت ..سمر ...وغمضت عينها ...وجت ..بسرعه ..مثل البرق ...ذكرى ..حوار ..دار ....بصغرها ...
ببيت ..عمها ...
سعود ....كان رافع ..بيده ...ثقل ..يتمرن ....
هال ..الصغيره ..منظر ..عظلاته ...قربت منه ..ولمستها ...
سعود يتباهى- ...شفتيني قوي؟؟؟
سمر- أي..قوي ..بتزودك!!اذا صريت كبيره !!
سمعته يضحك ...
سعود- ايش؟؟استحي على وجهك ..يالمفعوصه ..مابقى الا انتي!!
شدت شفايفها ..ومسكت خصرها ..بتهدد- عثبن عليك ..بتزودك!!!
دخل بعده سلطان ..وشاطها شوط ..يوم سمعها ....
فتحت عينها ...لسرعة مرور الذكرى ...
حست ..بالعرق ...يملى ..صفحة جبينها ...
الوليد كان يضظ ان ..المطلوبه رنا ...والكل بعد ....
ام سلطان ..بفرحه- هذي الساعة المباركه ....!!
قامت رنا ...وهي ...رافضه ..الفكره ...ومستنكره كيف ..محدن شارها ....ولا سألها ....
الوليد بضحك – كل ذا حيا ؟؟؟
كلمته ..خلتها ..تعجل ..بالخطى ....
ضحك ....ورجع ....متجه للمصعد ...
راقبت ...مشيه ....وهيبته ....سلهمت عينها غصب ...
رجع التف فجأه ..والتقت ..انظارهم ...
الوليد- نجلا ..تعالي ابغاك !!
يتبع.....

تفآجئت ....
ناظرها ..بهدوووء....وحزم....
نجلا- طيب ..عن اذنكم خالتي ..شوي ونازله ...!!
محدن انتبه لسمر ..الساكته ..والي ماعلقت ابد ..وهذا بحد ذاته غريب ....
مشت نجلا ..وراه للمصعد ....
دخلوا
كان معطيها ظهره ....
انفتح ...باب المصعد ....
انفتح ...باب المصعد ....
التفت لها ومسك معصمها ....
نجلا- ...غرفتي ترى من هيناك ...!!وغرفتك ..هينا!!وين رايح ؟؟
الوليد- ...تعالي اوريك ؟؟
اتجه ..معها ....لقسم ..من القصر ..عمرها ..ماطبته ..او دخلته ....
اقبل على باب كبير ...معتق ...بالخشب ..المذهب ...
فتح الباب ....
وسحبها معه ....
وهالها ...المنظر الرائع الي شافته ....
كانت ...الاسياب ....تحوي ..ديكورات ....تظهر في معالمها ....فن ..وحرفه ...
مشى معها ...وهو يوريها غرفه غرفه ....
الوان ..القسم ...تشع فخامه ....
وصل ...لغرفة النوم ....
الي كانت ....مثل ....غرف القصور الارستقراطيه ....
كأنها داخله ...عالم خارج المملكه ....
بانت ...المفآجئه...على محياها ...
وزادت دقات قلبها .....
شافها الوليد بس ماعلق ...
الوليد- تعالي ...فيه شي هينا ...ابيك تشوفينه ...
دخل ..غرفه ..بجنب غرفة النوم ...
وكانت ..بارده ..ومظلمه الا من ..ابجوره ...تتحرك ...بالالوان ....
فتح الباب ...اكثر ...
وقطبت ..عيونها ...عشان الظلام ...لكنها ...بثواني ....انتبهت ...
الغرفه كانت ...غرفة اطفال...مجهزه ...بكل شي .....الالوان والالعاب ...وكل شي....كل شي....
لمحت نصوري..نايم ...باستسلام ....
بلعت ريقها ....شد الوليد ..على يدها ..عشان يطلعون ...بدون مايصحى نصوري...
رجع ...الغرفه معها ....ترك عصاه ...وقربها ...مسك كتوفها ...
الوليد-...هذا كله ..طوع امرك ....مو لشي ؟؟لأ!!بس عشان احس انك مني قريبه !!!..خذى يدها ..وحطها مكان ..قلبه ...وكمل
الوليد بهمس...- وعشان ..قلبي ..يحس بالامان ...ياقلب الوليد!!!
وخرت عينها ..وهي مرتبكه ....
معقوله ...يحبها كل ذا الحب ؟؟؟
رفع يده ...وتخللت اصابعه ...شعرها ..وسحب شباكتها ....واسترسل...شلال ....اسود...مثل ...سواد ...عيونها ...
ونعومة جلدها .....
الوليد- نجلا ...انا بروح اليوم ...!!وابي اتطمن على احوالك !!منك انتي!!!خلي الجوال معك ...!!سمعتي!!
تراجعت نجلا ....وصوت دوي مثل الطبول ...يهز قلبها ...وتشتت ..زلزل ..كيانها ....
عطته ظهرها ....
حست بقربه منها ....وانفاسه بعد ...
لمها ...لصدره ...وهي معطيته ظهرها ....
سمعت تنهيدته ...
جمدت بلا حراك ...وقدرت ....برغم ...الاحساس ..الي ...صحى .....تخفي ....صحوته ....وانبثاقه من جديد ...تركها الوليد ....
واوقد ..فيها .....شراره ..ضلت ....تحور ....تبي...تصدح ....وتدفي قلوب ....عشقانه...
التفتت مالقته ...لمت كتوفها ....بيديها....
طلعت تستكشف المكان ....الجديد ....
كبير ..واكبر من جناحها السابق ....
راحت ...لقسم ...ملابسها ...
لقته معزول عن ..قسم الوليد ....
مو جامع لهم مثل ..الي قبل ....
بدلت لبسها ...بسرعه .....ورجعت ...الغرفه ....بتاخذ ....شنطتها...
لقته ...منسدح ....وظهره لها ...
مشت بشويش....خذت شنطتها ..وطلعت .....
دخلت على نصوري.....اندست بجنبه ....وحظنته ....واول مره ..ترتسم بثغرها ....ابتسامه ..قبل تغفى ...
...........................
الاثنين .....
مر ..يوم كامل ..على سفر الوليد ....
قضته نجلا ....مع البنات ....ونصوري.....
مادق عليها ....زي ماقال ....
طلعت ..مع البنات ...الفيصليه ....
وتعشت ....معهم ....وجوالها ..تركته ...بجناحهم ....ماتعودت ..عليه ....
رجعوا ..على الساعه ....11
ام سلطان- وينكم؟؟تأخرتوا؟؟؟الوليد يقول ..انه يدق وماتردين ؟؟يانجلا ؟؟
نجلا- اووه ...نسيت جوالي ..خالتي !!!
دق جوال ام سلطان- هااه اكيد هو ...خذي ...
نجلا- الو؟؟
الوليد بعتب- وينك يانجلا؟؟؟
نجلا سكتت ...
الوليد- ليه ماخذتي معك الجوال ؟؟اشغلتيني !!
نجلا- نسيته ...
الوليد سكت ....وشوي وتكلم- ...نجلا ؟؟مره ثانيه لا تنسينه !!
عطتهم بظهرها...
نجلا- ...يكون خير...
الوليد...- اللهم صبرك ياروح!!!....سكت ..بعد ..كلمته ...
وهي بعد سكتت ....
الوليد- نجلا ..انا ..حيل تعبان ....ومشتاق اسمع صوتك ..واتطمن ...لا تتعبيني!!
بلعت ريقها ....ورطبت شفايفها
الوليد- اخبار نصوري؟؟؟
نجلا- ماعليه ..تمام ..
الوليد ...بهمس- وانتي ؟؟اخبارك!!
نجلا- عايشه ...
الوليد- بخير ...دوم...ان شاء الله ...يالله ....انا بسكر ...
ترددت ...بس..لسانها ...سبقها
نجلا- الوليد؟؟
الوليد- لبيه!!
مشت بعيد ..لجل ماتسمعها آذان ...
لسانها ....مايبي...يقول ...ليه ..؟؟ماتدري...
الوليد- قولي يانجلا ..
نجلا- الوليد ...الخميس...الجمعه ..عندنا !!
الوليد- طيب!!؟؟
جف لسانها ...بس ذكرى ...ذاك اليوم انطقها ...
نجلا- بروح لشيخه!!
الوليد- ليه ؟؟مو تقولين ..العيله بتجتمع !!
نجلا..بأصرار- مابي اكون بمكان ...الجوهره فيه !!يالوليد!!
ماسمعت تعليق....ليه قالت ؟؟وانطقت ...؟؟؟ليه ..اصلا طلبت ...؟؟
الوليد- وانتي بتطلعين ....عشانها بتدخل بيتك!!؟؟
نجلا ...بصوت ...يخفي ...كل احساس- ...مابي اشوفها ..يالوليد!!!
الوليد- ماتبين تشوفينها ..اوكي ..فهمتها ..لكن تطلعين ان جت ...لأّ!!
نجلا قطبت حواجبها- ايش؟؟
الوليد- نجلا ...البيت بيتك انتي !!!واي شخص ..ماتبينه يعتب من الباب ...امنعيه!!
جمد لسانها ....من كلامه ...
الوليد كمل ...- ...لكن انتي الي تطلعين؟؟لأ...الي ماتبين تشوفينها ...تخسا ماتدخل البيت !!!
نجلا حست ..ان الارض...حارت فيها ....
الوليد – سمعتيني ...ياام محمد!!..ماترك لها فرصه ترد ...وكمل
الوليد- يالله ..تصبحين على خير....سمعنا صوتك وارتحنا !!
نجلا- وانت من اهله !!
سكرت منه .....ويدها ....تحركت ....بلا شعور .....وحطت ..الجوال على قلبها ....وتاهت ..بفكرها ...
غمضت عينها ....بعمق....
لكن بدل ..ماتتحدر الدمعه ....
غزتها ابتسامه ....نورت ...مبسمها ...الي ..وحشته ...
بسماتها ....
.......
نجلا ...
منسدحه بجناحها ....والجوال بيدها ...
تقرى وتعيد ....
رساله ....
ارسلها ...
فحواها ..
&&
هذا مكانك .....لو يروح ..عنك الدفى...
لو تهاجر ...طيور الوفا...
هذا مكانك داخل القلب ...
هذا مكانك...
&&&&
الثلاثاء...
مر ...مثل الي قبله ...
وراح كله ....بتمشيه ....
حنان مرت ...نجلا ورنا ...اما سمر عندها امتحان ...
راحوا ...لصحارى....وخريص....يتمشون ....
حنان خذت لها كم غرض...
وبخريص..شافت ..نجلا ....جوري..بنت الجازي....
نجلا- رنا لحظه ..هالبنت اعرفها !!بس وين امها !!؟؟
رنا- شوفيها ...بنعومي !!
نجلا – بروح لها ...استني ...ولا تعالي ...هاذي الجازي ....اخت مرت ابوي....بسرعه بسرعه ..!!!
نجلا دخلت ...- وحشتيني ...ياحلوه!!
التفتت ...الجازي
الجازي بشهقه- هه...نجلا؟؟؟...وبسرعه ..جت عندها ..
الجازي- وينك ؟؟؟ياقاطعه ؟؟؟لا تدقين ولا تسألين ؟؟؟
نجلا ماتقدر تقول الرقم ...ضاع ...او ...تحكي الي صار ....
نجلا- احترقت الشريحه ..!!انتي بشري عنك ؟؟؟
الجازي- ماعلي ....مبسوطه ...انتي ..الي اخبارك ؟؟..كل ماسألت ..غاده تقول...العقل راح !!صدق مهبوله ...الظاهر عقلها الي راح !!!
ضحكت نجلا ...وانتبهت لرنا ..
نجلا- هاذي رنا اخت الوليد ...!!
الجازي- هلا ...اخبارك ؟؟
رنا- بخير الله يسلمك ؟؟!!
دق جوال رنا ...
رنا- هاذي ..حنان ...!!اكيد جا السواق ...
نجلا – الجازي عطيني رقمك ...وبدق عليك الحين ...خلاص الوقت تأخر ...!!وبنرجع !!!
..........................
بالسياره ...
رنا- وش حليلها ...خويتك ...
نجلا- عسل ..هالبنت ...فرق عن ..اختها !!
دقت رساله ....
حنان- يارب من جوالي ..يارب ..مدري ورى الناس..مقاطعيني !!!
رنا- مو من جوالي ؟؟منك حنان؟؟
حنان طلعته من شنطتها- مالت على هالجوال ...مو منه !!
التفتوا ..لنجلا
حنان- انجيل ؟؟طلعي خلنا نشوف من مين الرساله ؟؟تقولين الرقم جديد !!
رنا- يمكن دعايه ...
حنان- اسكتي بس ..بنشوفها بنشوفها ....
طلعت نجلا الجوال وعارفه من وين رسالتها ....كل ...3 ساعات تجيها رساله ....
وصاحبها واحد ...
مافي غيره ...
خذت حنان ..بلقافه الجوال ...
حنان- امون ..امون ..يارنا لا تعلقين !!
قرتها بصوت عالي....
حنان-
اشعل ....شموع ....الحب ....وارسل لك .....اشواق....
واكتب ...على العنوان ....
لعيونك انا مشتاق ..
...
حنان- ياعيني ...على ولد اخوي.....يعرف يهرج !!!
ضحكت نجلا ...وسحبت الجوال ...
رنا- ...اسحبي كلامك حنان ولا ..ان شفته ..علمته !!
مدت حنان يدها ..وقرصت ....فخذ رنا ....
.............................. .............................. ......
الاربعاء.....
عدى مثل غيره ...والفرق...ان نجلا ..ماطلعت ..من البيت ....
تمت ...مع ...سمر وصديقاتها ...
لبست ...فستان ....مزكرش....بجميع الالوان ...الزاهيه ...خذته ...من ...صحارى ....
وصل لين ....حد الركبه ....
ماخلت سمر عليها كلمه يوم درت انها بتلبس..اسود....
وترجتها تغير ....وتلبس غيره ...
سوت رفعه خفيفه بشعرها ...ومكياجها ..جمع ....الوان الربيع ...الخافته ....
ابدعت ....وخلت عيون ...الغير ....تستدير ....لوجودها ....
سهام...صديقة سمر- ..مشاء الله ...تهبل ..مرت اخوك!!!ياسمر !!
سمر ابتسمت- زينه ..بس مب احلى مني !!!
سهام- الا يالغيره ..!!
سمر- انا ؟؟اغار؟؟؟لآلآ الفيوز ضارب عندك ....اسأليها !!!
بتقول ..سمر ...تاخذ العقل ...
نهال ...قربت منهم ..- سمر نبي مسجل ؟؟؟!!!
سمر- لآ...كل شي الا المسجل ...مرت اخوي ....ماصدقت تحظر هالحفله ...كلوا....ايسكريم ...او بطاطس....لازم يعني ..ترقصن !!!
نجلا قربت منهم- سموره حياتي ....لا ...ترفضين ..اي طلب ...لخوياتك !!
ناظرتها سمر ...عرفت انها سمعتها ....قربت نجلا تهمس..بأذن ....سمر ..
نجلا-...بروح انا ...انام ...شوفي الساعه...ولا تنسين بكره الجمعه هينا !!!
انهلكت نجلا .....من ذا الحفله ..من الصبح وسمر ..مقلقتها ...غابت ..وحطت حيلها ...بالتزين لها الحفله ...
الوليد ماكلمها بعد ...ذاك اليوم ....بس رسايل ....
يرسل ...وما وقفها ...
راحت ...خذت روبها ....وقميص...نوم ....عشانه ..مو موجود ....تلبس ..الي تبي...بدون أي ...استعداد لوجوده ..او خوف ...
اغتسلت ....ونشفت جسمها ...
لبست ...قميص...حرير ...بحري .....لين ...فخذها ....سرحت شعرها بسرعه ...
ودها ..ترمي نفسها على السرير ....
مرت ...على نصوري ....باسته ...وتنهدت ....ماتدري هي تعيش ..حلم ...
الدنيا ليه ....احلوت ...كيذى ...من جديد ....
رمت ..بغصنها ....عالسرير ....بدون لحاف ....سحبت الجوال تدور رساله ..مالقت ....تركته ....
لأن ....سلطان ....اسمه النوم ....
غلب صحوتها .....
غمضت عينها .....بتعب .....واستسلمت ....
............................
الساعه ....4.....الفجر .....
لبق سيارته ....ونزل .....
حاول يضغط على نفسه ....وعلى شغله ..عشان يجي قبل ...الخميس....
يبي يكون بجنبها ...ويبي...يتصرف ...وموقفه الي تأخر ...لا زم يبان ....
سكر الباب ...بعد ماسحب عصاه ....وجاكيته ...بيد..مع الاب توب ...
دخل ...قصره ....ومر عالصاله ...الي كانت ....مثل ...صاله ..بكازينو.....لا الزينات ..ولا ...الرسمات ..ولا ...الصور ....
قطب ..بتعب ....ابعد بعصاه ...الزينات ...ومشى ...
دخل المصعد ...
وبقلبه لها شوق ....
ماقدر ..يسمع صوتها ..بعد ...مكالمته لها ....يمكن لو سمعه ...رجع وترك شغله ....
غمض عينه ...وهو يتمنى ....رجوعها ....الريم ...الي ..عشق ...
تنهد ....بصمت ..وفتح الباب ....
اتجه ..لجناحهم ....
دخل بشويش..لجل مايزعجهم ...
مر على نصوري ...وهو متوقع يشوف نجلا ..نايمه ..وهو بحجرها ....
جت عينه على نصوري وبس...
هز راسه ..مو مستغرب ...
فيه امهات ..مثل امه ....بهالدنيا ...
حتى ماكلموا يسألون عنه ..يكلمون عشان ..الصرف ..والولد عنده ....بس لجل عين تكرم مدينه ..
راح لجناحهم ..واشاف الانوار مفتوحه ...

دخل..متوقع هجوم....منها ...
لكن
شافها مستلقيه ....
قرب ..من ...الكراسي المتقابله ...رمى .جاكيته ...وسند الاب توب ..
ناظرها ..بحنان ....كبير ....من اغمص...رجلها ..لين ...نهاية اطراف ...شعرها ..الكاسي....
مثل الحوريه ...ويمكن اجمل ....
قرب ....وترك عصاه ...عشان الصوت ....
ادرك انها من التعب ....ماطفت الانوار ....ولا تلحفت ...قرب ...منها ...
واتكى على السرير...
بيسحب اللحاف ...عليها ....
وخانه ...احساسه ....
اقترب ..وطبع ...بوسه خفيفه ...على ..جبينها....
فتحت ..نجلا عينها ...
وفيه غشاوه...قدامها ....
ياربييه ....حتى بأحلامها لاحقها ....
ابتسمت ....ورفعت يدها ....تلمس ..سوالفه ....
مرت ..بطرف اصبعها ....على حاجبه ...
هي تدري انها بحلم ....دوم تشوفه ....وتتكلم ..معه ....
لسانها ....تكلم ...عن مكنون ....صدرها ..المخفي ...
نجلا- وحشتني!!...
ارتجفت ..شفايف الوليد ....وقربه منها ....اسقط ..كل ...حصونه ....
الوليد بهمس-...نجلا...انتِ....
رفعت يدها ..وشدته ....لحظنها .....
نجلا ..بشجن ....-...خلاص ..يالوليد !!...سامحتك!!!بس لا تروح وتتركني!!!!...امممم......حتى دهن وردك ......وحشني !!!!قالتها ..وهي ..تتنفس ....من هواه ........وتبتسم....بتسلهام.....
ضمها الوليد ...بشوووق.....وصدرت منه ..تنهيده ..توصف مدى ...شوقه لها .....
ابعد نفسه عنها ....مايبي ...يستغلها بأحلامها ....
شافها ...غمضت عينها ....ومبتسمه ....
لثم ..بسمتها ...وسحب نفسه بعجل .....
يكفيه ....انه عرف ....من هو ....بعمق ..احلامها .....
اسمه ...قالته ...وشوقها ....بلسانها ..تكلم ....
سحب اللحاف من تحتها ....ولحفها .....
غطى وجهه بكفوفه ....
الوليد بهمس- يالله ....تراجع .....وطلع .....والابتسامه ...غزت ....شموخ الملامح .....الي تمثلت فيه ....
&&
&&&
&&&&&&
بطلتي...
و
بطلي...
هل ....ياترى .....
سيجتمعان من جديد ؟؟؟
بفصول ...قصتي
....وبالخصوص.....ابطالي....
انــــــــــــا
الوليد ....و....نجلا ....
شخصان ....اوجدهما ....وصفان ....
الحرمان ...
الظلم...
اتسآل واسئل قرائي ....
هل سيلتحمان ....
ويقفان ....بوجه المصاعب ...
؟؟؟
وهل ..ستكون ..بطلتي .....
امرأةٌ عظيمه ...
خلف...
رجلٌ...عظيم
هذا ..
ماسنعرفه ...
خلال ....
الاحداث ...
القادمه ...
محبتكم..
قال ..الزهر آآآه....وعيونها...نجلا...
قرآئه... ممتعه...
.............................. .............................. ...................

نهاية الفصل

السلام عليكم

اعذروني على القصور و التاخير بس مو مني الكاتبة لسا ما نزلت الفصل الجديد و انشاء الله اول ما تنزله راح اجيبه لكم على طول لا تزعلو مشكورين