خذني بقايا جروح .....ارجوك داويني؟؟؟...رواية روعة

تسلمين ياأختي على القصه الأكثر من رااائعه

ولا تتأخرين علينا بإتمامها وننتظر منك المزيد

صراحة قصة روعة من حيث الإبداع




مشكووووورة أميرة الفل

الجزء الرابع
الفصل الاول

بعد ..ماتركته نجلا ....
تاهت ...عيونه .....في الفراغ.... ...واصبح كل الي يشوفه ...احساس يصرخ....بالانهزام...

ويستجدي الروح...لاتنهزم...
الي سواه ...كسر شي في نفسه...
رجولته ..ماتتقبل ..انه....انه....
احتار..في وصف المشاعر ..الي تحتويه ...
مب هو !!..الوليد ...وش الي حصل ..؟؟؟
وجوده معها ..كفيل ..بأنه يعمي بصيرته ...
رغبته ...فيها ...زادت عن اولّ.....فتح ازارير ثوبه ...حاس باختناق...
وصورتها ....
ماتفارق عيونه
.......
اخوك ؟؟..........اخوك؟؟
قدر ....يطعنك!!!!
صرت لعبه بين ايديه....ذكر الوليد ..كلمات اخوه ...له عن نجلا ...قبل يسافر...


ثارت نار الغيره .....واعمته ...
مسح ذقنه بكفوف ايدينه...
تسرعت....وماكسبت .....
الا زدت ...
الكره ...كرهن جديد...اسدل ..السِتار...على ..حياتن ..ماابتدت...
ليه ..كل ..الشواهد ضدها؟؟؟
انسها ...
انسها ..
انسهــــــــا!!
وانسى ..الامل...
غمّض ..عيونه .........
بعد الي صار ...
مُستحيل ...يقدر ...يعيش معها.....
مُستحــــــــــــــــــــيل... ........وعده لبوها .....كبّل ايدينه ....
صعب ..يتركها قريب!!..وصعب.....يقربها بعد!!
مسك عصاه ...وحذفها...بآخر مدى....
وانفاسه....تحرق حتى الهوى الي يتنفسه...
قام ..وفي قرارة نفسه ...عارف ان ماله الا.....مكان واحد ..يروح له ...
يمكن؟؟؟يهدّي ..روحه ....
طلع من الغرفه .....واتجه لغرفة الملابس ....
وغير لبسه ....ولبس تي شيرت ..ابيض ...كم قصير ...وانتبه لأثر..اناملها ...على ذراعه
وبنطلون بيج...زاده ...جاذبيه ...وبانت معالم جسمه ...الرياضي....وعرض ..كتوفه......
راسه بدى ..يألمه ....حتى الحبوب الي كتبها ..له ..الرجال الي اسعفه ..ماخذها منه ..ولا وصى عليها....
تقدم من غرفة النوم ووقف...عند الباب لازم يدخل ..ياخذ الجوال ..والمحفظه ..
دخل بشويش ..
واول مادخل ..التفت للريم الي احيت كل المشاعر ..الي دفنها ...
مشى بشويش لانه كان يعرج ..وعصاه تاركها في الغرفه الثانيه ...
وصل للكمدينو...
مثل الحوريه كانت ...
ملامحها ...ورسومها ...
ابدع قي رسمها المنان ...
دمعه كانت حايره ..
لمح يدها ... ونعومة اطرافها ..وتذكر ...الم انغراسها ..في صدره ...
تنهد .....وزاد احتقاره لنفسه...اكثر!!!!
ليه ..يمشيك...قلبك؟؟دوسه...!!!

.وبسرعه خذى الجوال والمحفظه .....
وطلع ..
...............

الساعه ..8.5صباحاً
يعقوب والعمال قاعدين يفطرون ...في ..ملاحق ...امام كاراج البيت ...
رن جوال يعقوب
يعقوب- هلا طال عمرك؟؟
الوليد- هلا فيك ..وينك؟؟
يعقوب –موجود طال عمرك ..آمرني ...
الوليد- جهزّ الهمر ...انا طالع الحين ..
يعقوب – ابشر طال عمرك ..
الوليد- وجهز نفسك ..بعد ..انت الي بتسوق بي ...
يعقوب- تم !!اعتبرني جاهز ياعمي...
سكر الوليد منه ...ومشى للمصعد ...
واستاقفه...صوت رنا ...تكلم...
قطب حواجبه ...
مين تكلم رنا بها الوقت ..
كانت قاعده بالصاله بالدور الثاني ..ولا انتبهت ...لوجود الوليد...
رنا- والله مدري وش صار ...من رقت ماشفناها...
الجوهره – ياترى وش سوى ؟؟
تتوقعين شاف الجوال ...؟؟
رنا- يمكن شافه ...انتي تركتيه ..مفتوح على الرساله ...
الجوهره ..-ايه ...انشاله نسمع طلاقها قريب...
رنا- والله ..انا خايفه ..تدري امي ..
الجوهره – ليه انتي خوافه ؟؟محد شافنا ..
رنا- ونجلا ..يمكن تشك ..فينيا؟؟
الجوهره –مستحيل ..وحتى لو شكت من بيصدقها ؟؟
رنا –صادقه مين بيصدقها ؟؟الوليد مايبيها ..اصلا..
الوليد ..بهدووء – رنا؟؟
رنا خافت ..وابيّض وجهها من الروعه ...
قفلت وفي وجه الجوهره ..
والتفتت للوليد...
كان عرق فيه ينيض ...وعينه ماترمش ...
ارتجفت رنا ...ماتدري بالمصيبه الي اوقعت نفسها فيها ...
الوليد يناظرها ..بنظره ...لو تموت ماتقدر تكذب عليه منها ..
الوليد- وش الي سمعته ؟؟عن نجلا ؟؟
رنا –هاااااه ..ولا شي ..كنت اسلوف مع صديقتي ..
الوليد قاطعها – تكلمي!!!
رنا نزلت راسه الارض ...وهي خايفه ..وبتموت من ..الخوف...
رنا بصوت يرتجف ...
رنا – ابد ..ان...الجوهر...
الوليد ..تنرفز...
الوليد- بتتكلمين ...ولاّ...؟؟
رنا- الجوهره تسأل عن نجلا ؟؟
تقدم الوليد ...منها ....وسحب ذراعها ..
الوليد- والجوهره ..وش دخلها بحياتي!!عشان تتكلمين عنها .. معها؟؟

رنا –ولاشي ..بس نسولف ..
الوليد حمق من ..استغبآئها ..- رنا!!!
انهبلت رنا ..
رنا- طيب ...طيب ..بقول ...
زادت انفاس الوليد ...لانه ..خاف يكون ظلم نجلا ...
الوليد- تكلمي!!!!!!!!تكلميّ!!
رنا- الجوهره امس ..كتبت رساله من جوال نجلا وهي ما تدري ..وارسلتها ..... ترددت ..
وكمل الوليد بصوت فاحم ..
الوليد –لسلطان!!!!!!
رنا سحبت نفسها ..وابعدت ..
رنا –ماردت ..عليه ..
الوليد –تكلمي ..لسلطان؟؟
رنا – ايه لسلطان ..بس صدقني يااخوي ..انا مالي شغل ..هي ..الي ...
الواليد مامسك نفسه ..وصفعها كف ...رمها على الكنب ...
الوليد- وشلون تتجرأين ..؟؟
رنا –مو انا ..
الوليد- وكيف مو انتي ؟؟كيف ؟؟ماكنتي مها يعني؟؟؟
رنا- الجو
الواليد- اسكتي!!مسكها من شعرها ...
الوليد- وشلون تتهميين انسانه ...بريئه بشرفها!!!وشلون ؟؟؟انتي صاحيه ؟؟
رنا- والله ياخوي ..الجوهره هي ..اي...
نفضها من يده ....
الوليد- لا تقولين لي الجوهره!!!وانتي مافيك..عقل تفكرين فيه؟؟؟
رنا صاحت –سامحني ياخوي ...سامحني ..والله اسفه ..
ناظرها بقهر ..ومسكها ..مره ثانيه ...ومشّاها قدامه لجناحها ...
دخلو الجناح ..وهي ترتجف من الخوف والوليد ..بحور الدنيا ماتبّر ..حر جوفه...
يتبع.....

رماها ..على الارض...
الوليد- الحين تقولين كل شي..؟؟وبدون ماتكذبين ..سمعتي؟؟
رنا ..سحبت نفسها وقعدت على الارض ..وفي بالها ..
وش ذا المصيبه الي طاحت على راسها ...
رنا تسرد له كل ..شي ..ابتداء من ..دخولهم الجناح ...لين ...اليوم ...
الوليد كان واقف ...حس ان الدنيا ..ضاقت به ...مشى ...لين قعد ...على اقرب كرسي مقابلها ...
وعينه ...مركّزه عليها ...وإحساس ...القهر يهزه ...هز...
شد على اصابع يده ...وهو يذكر ..آهآت الم ..القهر...وترجيها ...له ..بأنه يتركها ....
وارتجف لذكرى كلامها ...واصرارها على انها شريفه ....وصدق ..كلامها ....وهذا شيّ هو اكتشفه ...بس وشلون يبرر الرساله ...الي جت ...والسي دي ..؟؟
معقوله هذا كله من تخطيط الجوهره ..وسلطان؟؟!!!!!!!معقوله فيه ناس ..قلوبهم خبيثه..لهالدرجه ...
ونجلا؟؟؟يعني ظلمها مرتين ....وظلمه هالمره ...كسر ..كل ..الوعود ...
قام الوليد .....وهو.حاس ...ان الجدران ..شوي وتكتم انفاسه ...
ناظر رنا ...بحقران ...
الوليد بصوت ..بان فيه ...عمق الاحساس ..الي يحس فيه ..
الوليد- الغرفه هاذي ..ماتطلعين ..منها .والجوال انسي ..انكِ في يوم ملكتيه...وان شميت خبر ..انكِ ..تعديتي الباب ..ماتلومين غير نفسكِ...
رنا –تكفى يااخوي سامحني ..الله يخليك ..سامحني ...
ماناظرها الوليد ..ان التفت لها ..سيّح دمها ...
مشى وطلع وهو يجر ..رجوله ...
التفت لباب ..جناحه .....وتنهد ...بعجز...... ظلمك لها اكبر...من انها تتحمله ...يالوليد ...... .....؟؟طب ليه مانكرت ...؟؟؟
لانها مازالت تحبه!!!
ومو انت يالوليد الي تعيش..مع انسانه ..تخونكِ حتى بتفكيرها...
وليه تعيش ؟؟موانت اتفقت معها ؟؟
تتركها بعد 4شهور؟؟؟
ولاهالوعد ...بتخلفه مثل غيره..بعد الي صار..
ذكر انه ماعطاها فرصه ...تتكلم ...وهو يعرف نفسه لما يثور ...
مايشوف الي قدامه ...ولسبب تافه ...وشلون لو كان ..السبب ...خيانة ...اول ..ورده غرست نفسها ..بقلبه وبدون استأذان...
سأل نفسه ..
وحتى لو تنكر ؟؟
انت تدري .شفت كيف ثارت !! واتهمتك ...بأنك قصدت ..تكتب عليها ....
راح للمصعد ..مايبي يقابل أي احد ....
وخصوصا ام سلطان ...
.............................. ......
يعقوب يفطر ...مع ..حراس الامن ...
رررررررن....ررررررررررررن
يعقوب رد بسرعه ..
يعقوب – هلا طال عمرك ..
الوليد- هلا فيك ...وينك ؟؟
يعقوب –موجود طال عمرك ...
الوليد – جهز ت السياره؟؟
يعقوب – جاهزه ..انا ستناك...ياطويل العمر..
سكّر الوليد منه ...
.........................
ام غاده – وينكِ ..امس ماتردين على الجوال ؟؟
غاده –والله يمه بعد مارحتوا ...حطيت راسي ونمت ...ولاعاد ادري عن شي ...حتى الباب دق ..ولا دري من جا ..
ام غاده – الله يهديتس ..يمكن هاذي المنحوسه رجعت ..
غاده – لا تذكريني يمه ...؟؟وينكِ متى بتجين ....؟؟؟
ام غاده- بعد شوي ...اخوتس ملزم علينا نتغدى عنده ...
غاده –لاتتأخرون يمه تراني طفشانه ..
ام غاده –انشالله منا متأخرين ...
غاده- طيب يالله مع السلا مه...خلني اشوف نصوري قام ..
ام غاده – مع السلامه ...
.................
الوليد – رح انت جيب الحبوب المكتوبه .بالورقه..وتعال..
كان راكب الوافي ...بدون مايلبس لبس الركوب ...
الوليد ..- لاتخاف روح انت بس وجيب ..الحبوب ...الي بالورقه ...وتعال ...
يعقوب –ابشر ...
لبس الوليد نظارته الشمسيه ....ماركة ارماني ....
وبدا يحث خيله ...على المشي ......وشوي شوي ..بدت سرعته تزيد .....وتزيد ...وبدا ..الهوى ...يصفق ملامح ...كلها اعتزاز وعنفوان...وشموخ....من زمان عن الوافي ....
مشتاق له ...وهو بعد مشتاق.......
ماقد ركبه بعد الحادث.. .له عنه سنه وزياده... ...
كان حريص على رجله ..المصابه ...
والمره هاذي نسى ..كل الحرص ...
ونسى كل الناس ...
.............................. ......
الساعه ...11 الضحى ...
رانيا –خالد؟؟خالد ؟؟يلا قوم ...خلنا نصلي الظهر في الحرم..
خالد ..محطي المخده ..على وجهه ...
خالد- همممم ...
رانيا سحبت اللحاف ..منه ...
رانيا- قوووووووم؟؟؟بسرعه ...ترى بكب في وجهك مويه ...
مارد عليها ...
قربت منه ...وبحركه سريعه ..ومباغته لها ..
سحبها ..
شهقت رانيا ...
خالد- بتكبين في وجهي مويه ..هاااااااا؟؟
رانيا- امزح ..امزح...
خالد..حظنها ...
رانيا وهي تضحك ...
رانيا- وخر وخر ...تراني ..متوضيه ...
خالد- مو مشكله ...توضي مره ثانيه ...
رانيا- يووووه ..احنا جاين انتعبد ...مو..نلعب ..
كشر ..بوجهه..
خالد- الي اسويه لكِ لعب؟؟
رانيا- ياربيه ...لا مو لعب ...الا حبن في حب
خالد- مافيه قومه ...انا تعبان ..من العمره..ريّحيني..
رانيا- سلامتك ياعمري من التعب ...
خالد- لا تصرّفين ..السالفه ...
ضحكت رانيا ...-والله ما اصرف
ضمها خالد بقوه ...
وبهمس- خلاص وريني ...
^-^
.............................. ...........
ام سلطان- ..كانو ..؟؟جهز الفطور ؟؟
كانو- ايوه مدام ..
ام سلطان- ..روحي شوفي سمرورنا .. قاموا ولا لأ
كانو –طيب مدام ...
راحت ..ام سلطان ..لغرفة الطعام...
يتبع....

وهي فرحانه ....العرسان مابينوا لين الحين ...الله يهنيهم ...
جت كانوا- ..مدام ..في نوم ..ورنا مافي فُكي باب ..في نوم ممكن ..
ام سلطان- يعني بفطر لحالي ...
سمعتها نجلاالي كانت توها نازله ... ..كلامها وقالت
نجلا- وليه ياخالتي تفطرين لحالكِ..وانا وين رحت ؟؟
ام سلطان انصدمت ..
ام سلطان- وش مقوّمكِ ياامي ...ورجلكِ وينه ..؟؟
نجلا ارتبكت..واخفت ارتباكها ...
نجلا- والله مدري ..ياخالتي ...قمت ولا لقيته ...يمكن راح الشغل؟؟
ام سلطان.-.الله يهديه ..مايرتاح ..ابد!!


..ناظرت نجلا تدور في وجهها...اي كلام ..او حتى معالم..
لكن نجلا على قد ماتقدر حاولت..تخفي الام و آثار ضرب الوليد لها....
وكرهته بهالحظه..بالذات...
فطروا ...وعينو خير ..وطلعو ..الحديقه ..
ام سلطان...كانت تبي تفرج نجلا ...علا لحديقه الخلفيه للقصر...
ورتها ..اهم شي ..الزراعه...والثيّل...
ام سلطان- امي نجلا؟؟
نجلا- سمي خالتي؟؟
ام سلطان-بتردد- بشري يابنيتي عسى اموركم زينه ؟؟
رمشت نجلا ...بالم ...مخفي...
نجلا- الحمدالله ....وسكتت ...
ام سلطان- الحمدالله على كل خير ...انتي تستاهلين ..وهو بعد يستاهل .....قعدت ام سلطان تحكّيها ...عن الوليد ..من يوم جا عندهم الين ..زواجه منها ....
ام سلطان ..تتكلم ...ومن ..حماسها ...
ماانتبهت ...للمراره الي ...انرسمت على ..ملامح نجلا....كل ..الي سواه ..فيها ...ووحشيته ...تمر امام عينها ...مارحم توسلاتها...ولا رحم ..ضعفها ...
اصحكِ ياعيوني تدمعين !!اصحكِ!!!...
يامشاعر ...اسكتي.....ولاادفني...
لاتظنين ارتجيه....ولا انحني!!.
لاوربي...
يامشاعر....اكتمي....انتي انكتب..لكِ ..
طعم الشقى ..ذوقي.....وذوقي...
بس!!
لاتنحني...!!!!!!!
عيونها ...ترمش بسرعه لجل ...تتدارى دمعتها قبل لاتنزل ...
ابد!!ماراح انساها لك يالوليد...
خاطبتها نفسها ..
ومين انتي عشان تنسين؟؟؟انتي بحياته نكره ...يلعب فيها هو واخوه....
تنبهت ...لكانو ...جايه ناحيتهم..
كانو- مدام؟؟؟مدام؟؟
ام سلطان- بسم الله علينا ...نعم ..روعتنيني..وش عندتس؟؟
كانو-..صابر ابغى انتي...
ام سلطان – يووه والله ونسينا غدانا.....التفتت لنجلا ....وهي مبتسمه ...
ام سلطان- بروح يامي ..لجهة المطابخ ..تجين؟؟ولا اقعدي ..هينا احسن .....تفرجي...وش لتس ..والشقى..
نجلا ابتسمت ..من كلمها ...- روحي خالتي ..بقعد هينا ....
ماتدري نجلا الصوت ..منين طلع ....زين انها قدرت ...تتكلم!!...
مازالت تحتاج تقعد ...لحالها...تجمعت عبراتها ....وبدى صدرها يرتفع ويهبط...
رفعت اناملها ...لشفايفها ....تكتم آهاتها....
احاسيسها متلخبطه....مابين ..غربه ..وكره ...وخوف...محدن ..معاها ...ولاحد ..تحس انه ..ممكن يحس فيها مثل ماكان اخوها سعد....
آآآآآآآآآآآآآآه ياسعد!!
وينك؟؟؟ووين اراضيك؟بهالسهوله نسيت ..اختك؟؟؟نسيت نجلا؟؟؟
لو كت موجود ..محدن مسني ...بكلمه ...
تلمّست خدها ...مكان ظربة الوليد....الى الحين ..حرتها موجوده....
ماراح اقعد ...مااقدر اقعد!!..وهو يتهمني بأغلى ما املك...
..ياترى يانجلا ...بتتحملين ...الذل؟؟
والظلم؟؟
اطلعي الحين ..قبل لا يخونكِ...احساسكِ...
انزلت يدها لقلبها ...الي...عيّت الدنيا تبتسم له
احساسها ..غير!!! ...شي غير الظلم ....يجتاح ..الخفوق....
احساسها احساس الكسير ...الي انعدم ...عنده الامل!!
بي تختفي وبس ...هذا الي تبيه ...
وتنسى ..
كل الوجوه ..الي مرت عليها ..

.............................. .......................
احمد- هاااه يمه وش سويتوا ؟؟؟رحتوا...
ام عبد العزيز محتاره- والله ياوليدي ...رحت لهم البارح ...ودقيت الجرس ...ولاردوا
احمد تنهد- ..والسواة؟؟؟سعد الى الان ماقام ....وانا مقدر اترك ..وظيفتي ...ولا ابغى اتركه بعد!!
ام عبد العزيز- يعني مالقيت رقم رجلها؟؟؟
احمد- وصيت واحد ...يسأل ويجيبه ...والى اليوم مارد علي...هو واعدني خلال هالاسبوع...ومابين ..
ام عبد العزيزتنهدت -..ياوليدي ...اوقف معه في محنته ...هذا مثل اخوك...
احمد- لاتوصين حريص ...يمه ...طيب واخته ..؟؟؟مارجعت ..ولاسألت عنه ؟؟
ام عبد العزيز –ومين تسأل..يمكنها مسافره مع رجلها ...
احمد- ايه صح ....وشلون راحت عن بالي!
ام عبد العزيز –وانت اخبارك هيناك؟؟؟وسعد...مافيه تحسن من صار الحادث ؟؟؟
احمد بلع ريقه -..مافيه تحسن....بس الامل في الله كبير...اييه ..الله ...يعين ...يمه تكفون حاولوا مره ثانيه ؟؟
ام عبد العزيز- ابشر ياوليدي ..مايكون خاطرك الاطيب..
احمد- تسلمين ...اجل بسكر انا ..يمه تامريني بشي ؟؟
ام عبد العزيز- لاياوليدي ..انتبه لنفسك ...والله يريح بالك ...
سكر احمد ...وهم سعد شايله ...صديق عمره...كان معه في جميع مراحل حياته ...يشاطره بكل مشاكله ...ويشيل معه الحمل ..الثقيل ....ومستحيل يتخلى عنه ...والي مضيق صدره ...ان اخت سعد ...الي هي بالنسبه لسعد..
نور العين ..
ماتدري عن حاله ...ومايدري وشلون يوصل لها ..

ياشين حظك ...ياسعد ...الدنيا ..عنيده معك
لكن مابعد ..الضيق الا الفرج...
.............................. .........................
الساعه ...10 الليل..الوليد مارجع البيت ...من طلع ....خلّص من المزرعه وراح للاسطبلات ...
وقضى وقته هيناك ...لجل يبعد ..كل افكاره ...
في الاول كان يقوم بنفسه ..بترويض الخيول لكن الحين لا ...بس يشرف ..عليهم ..ويوجه ..المدربين ...الي عنده ...
ارهق نفسه ولا 1ذاق طعم النوم ...ولا ارتاح ...ولا غمض له جفن ....واستكان ...
...................
ام خالد قاعده تصيح ..
ام خالد- ياويلي على وليدي ....وين راح ؟؟؟
التفت لها ابو خالد ..
ابو خالد- يامره وحدي الله ...الولد كبير ..موصغير...
ام خالد- اول مره يقفل جواله ولا يرد ...ومرته بعد ...يمكن صار لهم شي من امس مابين لهم خبر !!!
ابو خالد خايف بعد...بس مايبي يوضح شي ..
ابوخالد- بنستنى اليوم ونشوف بكره ..اذا مافتحوا الجوال ..ولا ردوا ..بنتصرف..
ام خالد اعترضت –وليه بكره مايكفي يوم كامل ماسمعنا عنهم حس ولا خبر .......
ابو خالد- مب انتي الي طيرتيهم ؟؟
ام خالد –انا؟؟؟وانا وش سويت ؟؟
ابوخالد- انتي الي تبين تزوجينه ...من هالسالفه ماعينا خير ...
ام خالد- الحين صرت انا السبب ؟؟يوم اني ابي اشوف عيال ولدي ؟؟؟الا قول هي الي انانيه ...مافكرت الا بنفسها ..
ابوخالد- انتهينا ...سكري الكلام في الموضوع ...لين نشوف وش صار ...
ام خالد- حسبي الله وعم الوكيل ...الله يحفظه لنا سالم ...
.............................. .............................. ..................
رنا ماطلعت من الغرفه ..من تكلمت مع الوليد ..وقلبها امتلى غل على نجلا ...ولامتها على الي صار..جتها امها ..وقالت مالي نفس تعبانه..وماتركتها ,,ام سلطان....الا بعد ماعجزت فيها ...
وشافت انه مافيها فايده ..وعنيده ..
في الصاله ..الي بالدور الثاني ..
سمر ونجلا ...
سمر- ايوه قوليلي ...بعد ؟؟
نجلا تبتسم- خلاص معاد فيه بعد ...
سمر- كملي ...وش صار لشيخه بعدين ...
نجلا –ابد خذت لها علقه محترمه من اخوها احمد ..
سمر- وانتي ؟؟
نجلا..تكلمت ..والي يسمعها يقول تتكلم ..عن ..ملاكها الحارس
نجلا- انا اخوي عمره مامد يده علي ابد!!
سمر- الا وين اخوك ِ..ماجا ولازاركِ..
نجلا –سعد في دوره بفرنسا ..الله يرده لي بالسلامه ...
سمر- رهيبه شيخه ..ودي اشوفها ....فكرت سمر ..وقالت بسرعه ..
سمر- نجلا ..وش رايكِ ..تسجلين معي ..بمدرستي؟؟
نجلا –والله ودي اكمل ...بس بكون بثاني ثانوي ..
سمر- طيب وش فيها ...خليها علي ...بقول لامي . تسجلكِ معي.وبتوافق...
_-تسجّل مين؟؟؟؟؟
سمعو صوت الوليد ..والتفت سمر بسرعه ...
سمر- هلا اخوي ....قامت باست راسه ...
اما نجلا مارفعت راسها ...
الوليد.اختلجت مشاعره ...بغى يتجاهل وجود نجلا ..ولا بيي يحسس سمر بشي ...
الوليد- وانتي..يانجلا مافيه سلام؟؟؟..ناظرها ...بتركيز..
نجلا ناظرت الارض....ولا ردت....

ام سلطان- الوليد؟؟؟
التفت لها ...الوليد- هلا بالغاليه ...
ام سلطان تعاتبه- وينك ..من اليوم ؟؟ولا خلاص ..ماتبينا؟؟
احمرت خدود نجلا ..وطرفت عينه عليها ...
الوليد- والله يالغاليه...كان لازم اروح للاسطبلات...عندنا خيول ..يبيلها ..ترويض قبل ..نسلمها ..لاصحابها ...
سمر..ساكته ..ولا كأن فيها لسان....
ام سلطان- كان قلتلنا..كان رحنا ..وورينا نجلا...المزرعه...
سمر- نجلا ترا حتى احنا ماشفناها ..
الوليد ناظر نجلا
الوليد- تبين تروحين ؟؟
مارفعت نجلا عينها .....ردت ..بصوت ..ميّت..
نجلا- كيفك...
ام سلطان- الله يهديك ياوليدي هي فيها سؤال...لا تحرج ..البنت ...تستحي..توها عروس...
شال الوليد عينه عنها ....لانه مو قادر يتحمل ..اللوم الي بعيونها ...وخصوصا انه علرف ...بظلمها.....


الوليبد- اجل ..لا جا يوم ...حددنا ...ورحنا...وناظر سمر ...
الوليد- ايوه؟؟؟وين بتسجلين نجلا؟؟
سمر ارتبكت ..نادراً ما تكلم الوليد- اييييه كنت اقولها سجلي ..معي بالمدرسه ...هي انقطعت ولا كملت ..
ام سلطان- ..مو مخالف الوليد ...بالعكس...
الوليد ..مايناظر نجلا ابد ..
الوليد- فيها حلاّل...لجا موعد الدراسه ...فكرنا؟؟
رفعت نجلا حاجب ...وابتسمت ...شبه ابتسامه ....انتبه لوجودها الوليد..ولا علّق...
لانها ..تدري ..انها ماراح تكون موجوده....
ام سلطان- ..اقعد ياوليدي,,ارتح ...شكلك مانمت...اليوم ..من طلعت ..
الوليد- لا والله مانمت ...الا وين رنا ...؟؟؟
سمر- ماشفناها اليوم تقول راسها يعورها ..
الوليد- آه..
ام سلطان- كله من السهر ..ما استفدنا منه ...ولا جاب لها الا وجع الراس ...
الوليد- ..انا ..عاد بدخل اريح ...
ام سلطان- ماتبي تتعشى ؟؟
الوليد- تعشيت ...يالغاليه ...
ام سلطان- بالعافيه ...
المحاوره تمت ..بينهم ...ونجلا ساكته .....بس غصب...بان ضيقها ..من وجوده ...
مشى الوليد وشكله فعلا مُجهد ...
ناظرت ام سلطان نجلا ..كأنها تحثّها ..تلحقه ...
نجلا تجاهلت نظرتها ..لكن اصرار ام سلطان ..قوي...
ام سلطان- نجلا؟؟ روحي يابنيتي...شوفي الوليد...يمكن يبي شي؟؟؟
بلعت نجلا ريقها وابتسمت .....
لانها ..هي تبي ..تروح ...تبي ..تنهي وجودها ...بهالبيت ....وتبتعد ....
مالها مكان .....بينهم...
بعد الي صار...