KinG^MazZoNY

قاموس شامي -عربي

--------------------------------------------------------------------------------



دشرو : يعني حل عنو.



ماني غضران: يعني لست بقادر وهي بالميداني.



يو تشكلو آسي: تشكلو آسي( بعيد الشر الدعاء بالموت) يعني ........تعبير يفيد
شدة حب المتكلم للمتكلم عنه.



الواه الواه : تعبير نسائي يفيد التمسخر على شيء ما.



معبا ببنطرون: يعني واحد أجدب وجاية يحكي.



ولا: أداة تستخدم في النهر والشتم.



وخنان: مسبة موحلوة بس وضعتها للضرورة اللغوية.



دشرني: أي حل عني...وحل عني يعني اتركني بحالي.



ايدي بزنارك: تعبير يستخدم للتعبير عن الرجاء.



دخيل الله: أيضا تعبير والمقصود به هو الاستغاثة بالله.





وضراب السخن : وهي ومسبة وتعني ......مابعرف بس مسبة وبنفس المعنى كلمة وضريب.



يو الواه الواه: مفردة شهيرة جدا عند النساء وتفيد المألسة – المهزأة-.



عم يكوكش: يعني يفتش-ملاحظة: ليس لها علاقة ببيت كوكش-.



بحبش: أيضا مفردة تعني البحث مع التمحيص.



ينمحئ: ... و يعني ينضرب على قامتو .. يسطفل.



يتحورق : كمان متل يبعتلو حمى.



يتقوص : بنفس المعنى.



و في كمان كلمة تتأمع: (هيك شي) وهي مسبة.



عود يقعد رزك: ... يعني خيلتنا حاجة تحوص .. المعنى الادق يقعد رزك يعني تموت و
الناس ياكلو رز ... لانو لما حدى بيموت من العادات انو بتصير عزيمة وبيطعمو
الناس اوزي على روح الميت و الاوزي اكله معروفة بالشام.



وين غاطط :يعني وينك مو مبين.



و السبع تنعام: ..يعني النا الشرف.



ما بيعرف الخمسه من الطمسه: عن الرجل اللي ما عندو ثقافه.



سري مري:عاللي بيخفق برات البيت لسا رايح و جاية سري مري.



شروي غروي او شندي يندي :عالحكي اللي بلا طعمه .



مجنط: يعني مفلس و صفيان عالحديدة.



فايت بالحيط: يعني وضعو مخربط ومو على بعضو وبيقولو كمان عالبشعين هيك.



طاقين فيوزاتو: يعني جانن وفي كمان مصيف و مأجر الطابق الفوئاني.



مأنشح:- كحته و بيحب الشحته -ايدو ماسكه على البخيييييييييييل.



شاطط و ماطط : يعني مدلع زيادة.



نعيان: ... يعني هيك قلبو بارد.



وفي سهيان: يعني نعسان ونايط.

-نايط = نعيان = بارد-



شأضومه: ... يعني بنت مجلوئة ...يعني كيف بدي الكن .. قليله ادب و مصبينه.



شرنة: يعني فوضوية ووسخة.

-وخمة= وسخة-



شحاطة: ... ما انشرحت معي .....مايلبسه المرء في قدمه عندما يكون في المنزل.



مسرسبة : يعني بتحب النظافة كتير.



اسيييييييييع: - اوعى الزيت بمعنى ممكن تاخد طريق.



اغيييييييييي :هي للابضايات وبس وهي تعبير عن القوة.



تاكلك الدودة العميا:الدودة العميا هي دودة القبر .. يعني الواحد يموت و ياكله
الدود بعيد الشر.



يبعتلو اتلو شو سمج: و يبعتلو اتلو .. كمان يعني يموت و سمج يعني غليظ .



موسوس: يعني مهووس بشغله.



و في كمان .. عقلو جوزتين بخرج: .. يعني عقله صغير وأقل هزة برجو عقلاتو.



متل الاطرش بالزفة :... يعني مالو علاقة بالموضوع.



حاج تحوص و حاج تلوص: يعني حاج تفتل و تدور.



شوية رخار: = بعد شوي.



بنت عمي: = يعني مرتو وطبعا والعكس.



مأنزع: يعني شايف حالو ورافع مناخيرو للسما.



ألعلي: يعني ألي عقلي.



لئوي: يعني شوي شوي.



عم لوب: يعني عم دور ........ عم ابحث.



خوش بوش: يعني عالفاضي ملاحظة(بوش ليس لها علاقة بالرئيس الأمريكي).



شنو: بتجي بمعنى لأن.



حباكل حببشرب حبروح:......كلمة حب بتجي بمعنى التسويف سوف افعل كذا.



شيت: تستخدم للملكية بمعنى تبع



جبللة: يعني سئيل ودم بيتقطع بالسكاكين.



يئبشني : هي دعوة متل تأبرني بس معناها انو الواحد لما بيموت بيلفو متل السكرة
يا لطيف ايه وهي اللفة من كل طرف اسمها أبشة.



سحنوكة: يعني نحيفة (جلدة وعضمة).



سرنوة: هي مسبة بس لحد هلق ماعم اعرف شو المعنى الحرفي الها.



مجولئة: يعني حلئها عريض وبتمط بالحكي.



كتار غلبة : يعني حشري وبيدس منخيرو –انفو- بكل شي.



-لتات= كرار او غرار = بيلعي = علاك = ثرثار-



عم يترغل انكليزي: يعني بيحكي منيح هاللغة.



صخام النني وعكر الزيت: صيغة تعجبية وتعني شدة الوساخة.



الدعاء باموت المروع –خاص - : 1- يأوصوك ما يصيبوك تموت رعبة.

2-يدبحوك بقزازة –قطعة زجاج مكسور-.

3- ياكلوك الكلاب.

4-انشاله بيدعس التور بكرشك.







الإصدار الأول من القاموس الجاء تزويدنا بأي UPDATE أو اقتراحات أو تعديل

اخوكم مازن


منقول

---

rhl,s ahld -uvfd

__________________

عبدو

__________________

ورد محمدي

ههههههههههههههه
خوووووش قاموس!!!
لازم يتدرس!!
مشكور مازن على الموضوع..
تسلم لنا و يعطيك العافية

سالم السعايد

مشكوووووووووووووووور

سمسمة الشقية

قاااااااااااااااااااااموس
عـــــــــــايـــــــــــ ـــز
قاااااااااااااااااااموس
علـــشـــــــــــــان
يــــــتــــــــفــــهــم ... مرسيه ياميزو على مجهودك ..

__________________

•