اقدم لكم مجموعة نكت باللهجة المصرية من ذاكرتى وارجو ان تعجبكم ومنتظر تعليقاتك وهى متجددة دائما ان شاء الله

* قزم عطس خبط راسه فى الأرض

* دكتور سنان اشترى عود قصب لقاه مسوس حشاه ومصه

* حمار شاف حصان بيجرى فى السبق قال آآه لو كنت كملت تعليمى

* تاجر مخدرات راح يخطب واحدة سألوه بتشتغل ايه قال لهم فنى تكييف

* شحات مر على عجلاتى بخيل قال له اعطنى مما اعطاك الله قال له خد لك لفة

* عروسة جديدة بتقول لجوزها مبروك هنبقى تلاته فى البيت قال لها وهو فرحان فى حاجه جايه فى السكة قالت لأ دى ماما هتيجى تعيش معانا

* واحد بخيل اوى دخل مع ابنه السوبر ماركت الولد قال لأبوه بابا بحب الشيكولاته اوى ابوه قال له حبها ورجعها مكانها

* ماهو إعراب كلمـــة صرصـــار ؟



مش عارفين




مرفوع ع الحيط مضروب بالجزمة


اتمنى انها تكون عجبتكم

* مسطول عجلة عربيته نامت نزل صحاها

* مسطول حب يغرق واحد صاحبه خرم له المايوه

* غبى جت له فاتورة المحمول بألفين جنيه حرم يلعب الدودة

* واحد اشترى عطر جورج قرداحى رش منه رشه طلع له سؤال

* غبى خلى بنته تشترك فى برنامج من سيربح المليون عشان يعرف مين صديقها

* اتنين مدرسين رياضيات اتجوزا خلفوا ولد شبه منحرف وبنت دايره على حل شعرها

* واحد متجوز ماسك عقد جوازه وبيدور فيه على حاجة مراته قالتله بتدور على ايه فى العقد قال لها بدور على تاريخ انتهاءه

* واحد غبى حب ينتحر من الدور العاشر مالقاش عمارة عشر ادوار رمى نفسه من الدور الخامس مرتين

مهندس كمبيوتر حلل دمه طلعت فصيلته HP


مذيعة عملت عملية فى ضهرها شالواها فقرة وحطولها برنامج


اتنين كدابين قوى واحد بيقول للتانى انا جدى اللى بنى الأهرامات التانى قال له


انت عارف البحر الميت قال له آه قال له جدى اللى قتله