هذي قصيدة حزينة عجبتني ونقلتها لكم

ان شاء الله تعجبكم

راحت تعالج من مرضها ولا جـت
معقول ما ترجع وهـي أوعدتنـي

ماني مصدق لـو يقولـون ماتـت
وشلـون وهـي البارحـة كلمتنـي

قالت أكيد إنـك لصوتـي تشوقـت
قلـت آهـ كلـك يالغـلا شايقتنـي

اشتقت لك ولنضرتك حيل اشتقت
ولهمستـك ولبسمـة ساحرتـنـي

ولمعانقك يا بعـد عمـري تولهـت
وكلمة هلا حبيبي وربـي أوحشتنـي

قالت أحبك قلـت أنـا فيـك ميـت
واللي يحفضـك بالغـلا مالكتنـي

قالت وتنسى صورتي قلت لا كنـت
ينسـانـي الله كانـهـا فارقتـنـي

وهلت دمـوع الغاليـة ثـم قالـت
قالـت أحـس إن المنيـة لفتـنـي

قاطعتهـا استغفـري الله يـا بنـت
وعجزت أكمـل عبرتـي أخنقتنـي

قالت أبي منك الوعد لو أنـا غبـت
تحفظ مشاعر حب فيـك أجمعتنـي

قلت أحفظه وأحفظك ما دام أنا دمت
بس إرجعي فرقاك موت أرهقتنـي

قالت كذا يا نور عيني أنا ارتحـت
والوعـد باكـر بعدهـا ودعتـنـي

ياخوي قلـي صـدق هـي توفـت
وشلـون وهـي البارحـة كلمتنـي!! !!!؟؟؟؟؟؟؟؟؟؟!!!

من يلوم العين لو هلت دموع
ومن يلوم القلب لو صفق وصاح

لي حبيبٍ سافر ما طرى الرجوع
ليتنى ودعت زوله يوم راح

آه من قلب كفخ بين الضلوع
مثل كفخ الطير مكسور الجناح

ليتني وسط الخلا و أعطش و أجوع
ولا سمعت اللي نعى هاك الصباح

ساهره يا ... و العالم هجوع
ليت منهو مات قبلك و استراح

<< من أشعار البندري بنت عبد العزيز

---------------------

اسمحلي يا اخوي على هذي الاضافه

لانه من قريت اللي الشعر طرت على بالي هالابيات

وحبيت اكتبها

مشكور يا اخوي

صح لسان قايلها و تسلم لنا على نقلك الحلو

لا تحرمنا من جديدك

أختك

دلع

الفاضل / ابو نايف .... ابيات جميلة قى التعبير عن حزن الفراق وما اصعبه ... سهير