حكاية العمر كله

بسم الله و الحمد لله والصلاة والسلام على رسول الله، اللهم افتح علينا حكمتك و أنزل علينا رحمتك يا أرحم الراحمين
النهار ده.. يمكن هانسيب السيرة شوية.. لأن فيه مناسبة مش قادر أعديها.. لأنها بتثير في الواحد كم من المشاعر.. صعبة التجاهل..كل واحد فينا.. وسط ماهو بيشق طريقه في الحياة.. بيحاول يتعرف على الناس حواليه.. ويفهمهم و يفهموه..
و لكن.. غالباً.. وسط الرحلة دي.. فيه ناس بيتنسوا.. شيء مؤلم.. إنك ماتبقاش عارف أقرب الناس لك..
إحنا عارفينهم كشخصيات متواجدة في حياتنا.. لكن ماحاولناش نقرب.. و نعرفهم كبشر.. كمشاعر.. كأحلام..
عشان كده..
معي النهارده حكاية..
حكاية العمر كله..


حكاية .. تبدأ باثنين.. و هي دوماً بتبدأ باثنين.. شاب.. بأحلام الشباب.. و طموح الشباب.. و بنت.. بأحلام البنات.. و طموح البنات..الشاب.. كان زي أي شاب عايش سنه.. شيك جداً.. مثقف جدًا.. و حلمه.. زي أي شاب.. و طبعاً كل الناس عارفين الشباب عايزين إيه.. عايزين يتجوزوا.. و البنت.. كانت زي أي بنت.. عايشة سنها..شيك جداً.. مثقفة جداً.. طموح جداً.. نفسها تحقق ذاتها.. و نفسها تنطلق و تشتغل و تثبت وجودها و توصل لأعلى المراكز..و طبعاً.. كل الناس برضه.. عارفين.. أن ماحدش عارف إلى الآن البنات عايزين إيه بالضبط .. و يمكن دي أكتر حاجة بتخوف فيهم الشاب أُعجب بالبنت.. وتقدم

و قضى ربك

حكاية النهارده طويلة..
بس الأصل.. إنها مابتنتهيش..
لأنها حكاية العمر كله..
أنا بدأتها بحلم اثنين.. شاب.. و بنت..
لكن يا ترى.. هل البداية من هنا؟
وألا البداية من النهاية..
حكاية عجيبة.. بدايتها نهاية.. و نهايتها بداية..
لأن في الحقيقة.. لا البداية هي البداية..
ولا النهاية.. هي النهاية..
البداية الحقيقية.. كانت من عند .."و قضى ربك.."
" وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا (24)" (سورة الإسراء)
آيات عجيبة جداً..
قليلون جداً.. من يستشعرون مدى عظمة المعاني التي تحتويها..
تعالوا نبدأ الحكاية من البداية..
من أول .."و قضى ربك.."
" وَقَضَى رَبُّكَ أَلَّا تَعْبُدُوا إِلَّا إِيَّاهُ.."
قضى.. يعني حكم.. وأمر.. وانتهى الأمر.. أمر نهائي نافذ الوجوب و الطاعة.. أمر ربك.. ألا تعبدوا إلا إياه..
توحيد الله سبحانه و تعالى.. توحيد العبودية...
" وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا.."
شئ عجيب جداً..
بحرف واحد.. يرفع الله سبحانه و تعالى منزلة الإحسان إلى الوالدين.. إلى منزلة توحيده والعبودية له..
بحرف العطف "و"..
ألا تعبدوا إلا إياه... و ... بالوالدين إحسانًا..
إن الذي خلقك و أوجدك.. يستحق العبادة... و إن الاثنين اللذين ربياك.. عندما كنت طفلاً لا حول لك ولا قوة.. يستحقان الإحسان..

تعالوا نتكلم عن الواو الأول..
إزاي دي ترفع المنزلة؟
كلام الله سبحانه و تعالى في منتهى الدقة و الروعة..
في اللغة العربية.. لما أستخدم أداة عطف.. زي "الواو".. فأعطف شيئاً على شيء آخر.. لابد و أن يكون هناك تناسب و تجانس بين الشيئين..
يعني أقول.. اشتريت قطعة أرض و بيتاً.. اشتريت عربية..ويختاً.. اشتريت كتاباً.. و مجلة..
لكن ما حدش بيقول اشتريت قطعة أرض و سكينة.. أو اشتريت عربية وعلبة كبريت.. لأنك عادة في الحالة دي بتتغاضى عن ذكر الشيء الصغير.. و بتذكر الكبير فقط..
عشان كده.. كان عطف الإحسان للوالدين على العبودية لله يدل على عظمة هذا الأمر..
" وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا.."
الله سبحانه و تعالى.. خالق الكون.. بديع السماوات و الأرض.. يوصيك.. يا إنسان.. بالإحسان إلى الوالدين..
و العجيب.. أن هذه الوصية .. اقترنت دائماً في القرآن.. بتوحيد الله وعبادته ..
" وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا الله وَبِالْوَالِدَيْنِ إِحْسَانًا.." (سورة البقرة)
" وَاعْبُدُوا الله وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا.." (سورة النساء)
" قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ أَلَّا تُشْرِكُوا بِهِ شَيْئًا وَبِالْوَالِدَيْنِ إِحْسَانًا.." (سورة الأنعام)
" وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِالله إِنَّ الشِّرْكَ لَظُلْمٌ عَظِيمٌ (13) وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14)" (سورة لقمان)
إيه سبب التكرار ده كله؟
عشان ربنا سبحانه و تعالى.. يلفت أنظارنا إلى عظمة هذا الأمر و أهميته..
الموضوع ده مش غريب شوية؟
الأب.. و الأم.. بشر مثل باقي البشر.. إيه سبب عظمة الأمر ده.. و تأكيد الله سبحانه وتعالى على برهم مراراً و تكراراً.. وربط المسألة دي بتوحيده وعبادته؟
حد فكر في الموضوع ده قبل كده.. و تساءل؟
الحقيقة.. الواحد كلما تأمل في المسألة دي.. استشعر مدى عظمة.. ورحمة.. وكرم الله سبحانه وتعالى..
الله سبحانه وتعالى أنعم على الإنسان بثلاث نعم.. من أجلّ النعم..
النعمة الأولى.. نعمة الإيجاد..
أنه أوجدك من العدم..
" هَلْ أَتَى عَلَى الْإِنْسَانِ حِينٌ مِنَ الدَّهْرِ لَمْ يَكُنْ شَيْئًا مَذْكُورًا (1)" (سورة الإنسان)
هذه النعمة.. ربنا سبحانه و تعالى أنعم بها عليك.. عن طريق من؟
الأب و الأم.. جعلهما سبباً لوجودك..
النعمة الثانية.. هي نعمة الإمداد..
يعني إيه؟.. يعني الله سبحانه و تعالى ما خلقناش.. وسابنا كده لا حول لنا ولا قوة
الإنسان لما بيتولد.. بيبقى كائن لا حول له ولا قوة..
فجعل برضه سبب هذه النعمة.. الأب والأم.. فكانت محبة الله.. و رحمة الله سبحانه وتعالى.. متمثلة في محبة الأب والأم لك..
والنعمة الثالثة.. هي نعمة الهدى والرشاد..
ودي برضه. جعلها الله سبحانه و تعالى.. عن طريق الأب والأم..
من الذي يربي؟.. ومن الذي يعلم؟.. الأب والأم..

يعني أعظم نعم أنعم الله سبحانه وتعالى بها على الإنسان.. جعلها الله سبحانه وتعالى كائنة عن طريق الوالدين..
طيب هل الوالدان اختارا هذا؟
يعني هل الأم اختارت أن يكون مركباً في فطرتها هذا الكم العجيب الذي تحتار فيه العقول.. من الحب و الرحمة و الشفقة؟
و هل الأب اختار أن يكون مركباً في فطرته إحساسه بالمسؤولية تجاه أولاده لدرجة أنه يضحي بعمره و شبابه لأجلهم؟
لم يختر أحد هذا.. الله سبحانه و تعالى هو الذي حMAK تلك المسؤولية.. وهو الذي اختار لهم ذلك الدور..
هو الذي زرع هاته الرحمة في قلوبهم.. و لو لم يفعل.. لما عاش طفل أبدًا..
الأم التي تنام الساعة 12 بالليل.. و جسمها مهدود.. تعبانة جداً.. و يبكي طفلها الرضيع بعد ساعة.. فتقوم تجري عليه و كل عظمة في جسمها تئن..
طبيعة جسمها و تركيبته.. يقتضي أنها تنام وتستريح.. إيه اللي صحاها؟ رحمة وضعها الله في القلب..
إيه اللي يخلي الأم تجوع.. و يشبع ابنها؟
إيه اللي يخليها تمرض هي.. عشان يشفى هو..
إيه اللي يخليها تسهر.. عشان هو ينام..
و لعل الله سبحانه و تعالى أراد أن يرينا ما الذي يمكن أن يحصل لو نزع هذه الرحمة من القلوب في الدنيا.. فجعل من الحيوانات.. من يأكل أولاده..
و من عظمة و عدل الله سبحانه وتعالى.. ومن كرمه الواسع.. أنه يعوض الوالدين عن تحMAK المسؤولية العظيمة هذه.. بأنه يكرمهم.. ومن رحمته الواسعة .. أنه لا يمكن أن يترك إنساناً ينكسر قلبه.. بسبب واجب ما اختاروش.. ولكن كلفه به الله سبحانه و تعالى..
و يمكن نشوف مثال بسيط على هذه الرحمة بقلوب الوالدين.. قول الله سبحانه و تعالى في سياق الحديث عن سيدنا نوح و ابنه..
" وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ"
حال بينهما الموج.. رحمة بقلب سيدنا نوح.. عشان مايشوفش ابنه بعينه.. و هو يغرق.
رحمة الله الواسعة..
عشان كده كان عقوق الوالدين من أكبر الكبائر..
و عشان كده كان برهم وشكرهم.. من أعظم القربات إلى الله سبحانه وتعالى..
لأنه كما قال :صلى الله عليه وسلم "من لم يشكر الناس لم يشكر الله ."
لذا.. لعل الله سبحانه و تعالى أراد.. أن يعرفنا على رحمته التي ليس لها حدود.. وعلى عفوه الذي لا حدود له.. و على رأفته التي لا حدود لها.. من خلال مثلين أمامنا.. و هما الأب والأم..

"..وَبِالْوَالِدَيْنِ إِحْسَانًا.."
الإحسان.. في اللغة.. فعل "أحسن".. فعلٌ متعدٍ.. لا بد له من مفعول.. يتعدى به.. و بيكون التعدي بـ "إلى".. لو فتحت أي معجم.. و بحثت عن فعل "أحسن".. ستجد مكتوباً :" يُقال أحْسنَ إليه"..
إنما في القرآن.. الإحسان إلى الوالدين تكرر كثيراً جداً.. و معه حرف ثانٍ غير حرف الجر "على".. معه حرف الباء.. "بـ" الوالدين إحساناً..
أي إحساناً بالوالدين..
برضه نقطة عجيبة جداً.. تبين روعة القرآن..
الباء.. تفيد الإلصاق.. يعني الإحسان إلى الوالدين لا يُقبل إلا إذا كان شخصياً و بالذات من ابنهم.. مش عن طريق التليفون.. ولا عن طريق واسطة.. ولا عن طريق رسالة.. لابد أن تذهب إليهم بنفسك.. وتخدمهم بنفسك.. إذا كنت مستطيعاً طبعاً.. يعني مقيماً معهم في نفس البلد..

بالوالدين إحساناً...
تعالوا كده نقف شوية مع المعنى ده.. مع الإحسان إلى الوالدين..
هذا المعنى.. الذي لا يقف عند حد الذوق العام و الأخلاق والآداب.. بل يصل إلى حد الجهاد..
عارف إصرار وعزيمة المجاهد في سبيل الله.. ومدى تمسكه برسالته وإيمانه بها؟..
لازم نفسية البار بوالديه تجاه قضية البر والإحسان بالوالدين.. تبقى بذات الشكل..
هل أنا أبالغ؟..
إذن اسمع..
جَاءَ رَجُلٌ إِلَى النَّبِيِّ صَلَّى اللَّهم عَلَيْهِ وَسَلَّمَ يَسْتَأْذِنُهُ فِي الْجِهَادِ .
فَقَالَ: صلى الله عليه وسلم أَحَيٌّ وَالِدَاكَ ؟
قَالَ: نَعَمْ .
قَالَ : فَفِيهِمَا فَجَاهِدْ
فيهما فجاهد.. أحسن إليهما..
ده جهادك..
ده استشهادك..
و عَنْ عَبْدِ اللَّهِ بْنِ عَمْرٍو قال :
" إَنَّ رَجُلا أَتَى النَّبِيَّ صَلَّى اللَّهم عَلَيْهِ وَسَلَّمَ فَقَالَ : إِنِّي جِئْتُ أُبَايِعُكَ عَلَى الْهِجْرَةِ وَلَقَدْ تَرَكْتُ أَبَوَيَّ يَبْكِيَانِ .
فقَالَ: صَلَّى اللَّهم عَلَيْهِ وَسَلَّمَ ارْجِعْ إِلَيْهِمَا فَأَضْحِكْهُمَا كَمَا أَبْكَيْتَهُمَا "
يا الله..
لهذه الدرجة الحرص على مشاعر و قلوب الوالدين؟
لأن النبي صَلَّى اللَّهم عَلَيْهِ وَسَلَّمَ يعلم مدى رقة هذه القلوب و مدى تعلقها بالأبناء.. التعلق الذي قد ينفطر القلب بسببه و ينشق الكبد..
بكاء الوالدين .. من عقوقهما..
من أبكى والديه.. فقد عقهما.. فقد ارتكب كبيرة من أكبر الكبائر..
و دموع القلب أحياناً.. أشد من دموع العين..
كسر الخاطر...
ولو لأبسط سبب..
أم.. نفسها تطبخ حاجة جديدة للأولاد.. صنف جديد من الحلويات مثلاً..
فجابت كتاب.. و دورت فيه على حاجة جديدة تجربها.. وعملت الصنف..
عارف مدى الحماس و الإثارة التي يحس بها الإنسان وهو مقدم على تجربة جديدة؟.. ده إحساسها.. لأن دي مملكتها.. وده عالمها و المجال الذي تبدع فيه..
تخيل بعد اللي عملته ده كله و نيتها الطيبة من الأصل.. أنها ما أقدمت على هذا العمل إلا لتدخل السرور على البيت.. بشيء بسيط.. أكلة جديدة..
و بعد ده كله.. يقابل الجهد ده.. بالتجاهل.. أو بالتريقة.. "إيه اللي أنتِ عاملاه ده.. أنتِ بتجربي فينا؟"..
أو يقابل بأنه شيء عادي.. ماتستحقش حتى تُشكر عليه..
ده مايكسرش الخاطر؟..
ده مايحزنش القلب؟..
أو أب أحب أن يدخل السرور على ابنه.. فجلب له هدية.. هدوم جديدة مثلاً.. و ذوقها ماعجبش الابن.. يقوم يتريق عليه.. أو برضه يقابلها بالتجاهل..
دي ماتكسرش الخاطر؟
مشكلة كبيرة قوي.. لما ننسى أن أهالينا بشر.. و لهم مشاعر.. بل قلوبهم تجرحها النسمة.. حتى ولو كانوا أمام عينينا متماسكين و أقوياء..
من الحاجات الأساسية للإنسان.. الشعور بالتقدير.. أنك تحس أن الناس سعداء و يقدرون ما تعمله.. و أنك لك لازمة في الدنيا.. وأنك تحدث أثراً طيباً في الآخرين..
هما يا ما أدوك التقدير ده.. من أول ما كنت لسه بتتعلم الكلام.. كان يعني لما تنطق كلمة.. يبقى يا سلام.. كأنك أنت اللي فتحت القسطنطينية..
وألا يوم ما تعلمت تمشي.. كان يوم عيد..
و هما.. هما مالهمش غيرك.. أنت لك دنيا تانية كبيرة.. أصحاب.. و أحباب.. و دراسة.. وشغل..
لكن هما مالهمش ابن غيرك.. مين اللي يحسسهم بالتقدير تجاه دورهم كأب و أم.. إن ماكانش أنت؟
شيء بسيط جداً.. ممكن يتحقق بكلمات بسيطة.. بس تكون صادقة ومن القلب.. ولكن بالرغم من ده بننساها..
لأننا بننسى أنهم بشر.. ولهم مشاعر.. ولهم احتياجات..
جاء رجلٌ إلى النبي عليه الصلاة والسلام فقال : " يا رسول الله شَهِدُّتُ أن لا إله إلا الله ، وأنك رسول الله ، وصلَّيت الخمس ، وأدَّيت زكاة مالي ، وصُمت رمضان ، ما ليَ من الأجر؟
فقال عليه الصلاة والسلام : مَن مات على هذا كان مع النبيين والصديقين والشهداء يوم القيامة هكذا ، وشابك بين أصابعه ، ما لم يعقَّ والديه .
ما لم يعق والديه..
شيء خطير جداً.. قبول عملك كله.. بما فيه صلاتك.. متوقف على بر الوالدين..
فمن عق والديه.. لا هاتنفعه صلاته.. ولا صيامه.. ولا حجه.. ولا زكاته.. ولا حتى شهادته..
و قال صَلَّى اللَّهم عَلَيْهِ وَسَلَّمَ: " كل الذنوب يؤخِّر الله منها ما شاء إلى يوم القيامة .إلا عقوق الوالدين فإن الله سبحانه وتعالى يعجِّله لصاحبه في الحياة قبل الممات " .
و قال صَلَّى اللَّهم عَلَيْهِ وَسَلَّمَ: ((مَا مِنْ ذَنْبٍ أَحْرَى أَنْ يُعَجِّلَ بِصَاحِبِهِ الْعُقُوبَةَ مَعَ مَا يُؤَخَّرُ لَهُ فِي الْآخِرَةِ مِنْ بَغْيٍ أَوْ قَطِيعَةِ رَحِمٍ قَالَ وَكِيعٌ أَنْ يُعَجِّلَ اللَّهُ وَقَالَ يَزِيدُ يُعَجِّلُ اللَّهُ وَقَالَ مَعَ مَا يُدَّخَرُ لَهُ)) .
يعني الذنبين اللي يعاقب عليهم الإنسان في الدنيا قبل الآخرة.. الظلم.. و عقوق الوالدين..
و قال صَلَّى اللَّهم عَلَيْهِ وَسَلَّمَ(رَغِمَ أَنْفُ ثُمَّ رَغِمَ أَنْفُ ثُمَّ رَغِمَ أَنْفُ.. قِيلَ مَنْ يَا رَسُولَ اللَّهِ؟.. قَالَ مَنْ أَدْرَكَ أَبَوَيْهِ عِنْدَ الْكِبَرِ أَحَدَهُمَا أَوْ كِلاهُمَا فَلَمْ يَدْخُلِ الْجَنَّةَ)) .
رغِم أنف.. يعني حُكِم عليه بالذل و المهانة و الصغار والخيبة..
حديث خطير جداً..
يقول لك ببساطة. عاوز تدخل الجنة؟.. بر الأبوين كافٍ أن يُدخلك الجنة..
فكما كانت الأبوة المثالية و الأمومة المثالية سبباً لدخول الجنة.. كذلك كانت البنوة المثالية.. سبباً لدخول الجنة..

و قال صَلَّى اللَّهم عَلَيْهِ وَسَلَّمَ: ((مِنْ الْكَبَائِرِ شَتْمُ الرَّجُلِ وَالِدَيْهِ قَالُوا يَا رَسُولَ اللَّهِ وَهَلْ يَشْتِمُ الرَّجُلُ وَالِدَيْهِ قَالَ نَعَمْ يَسُبُّ أَبَا الرَّجُلِ فَيَسُبُّ أَبَاهُ وَيَسُبُّ أُمَّهُ فَيَسُبُّ أُمَّهُ)) .
يعني أي إساءة أو عمل من الابن.. يتسبب في شتم للأب.. أو استهزاء به.. أو تقليل من شأنه.. هو من العقوق..
أبسطها.. أن الابن يتصرف تصرفاً.. يراه أحدهم فيقول :"أصل أهله ماعرفوش يربوه"..
دي شتيمة للأهل.. الابن هو اللي تسبب فيها..
لذا.. كان من بر الوالدين.. حفظ سمعتهما.. بأن تستقيم فلا تكون سبباً في الإساءة إليهما.

أيوه يا ما يا حبيبتي

ما أنت شكلتِ ملامحي من زمان
لما كان العمر بذرة
آه يا بحر من الحنان
كنت حاسس بين إيديك
أني وأنت ظغننين
كنت بأشعر بالأمان
تحدفيني هُبّه فوق
ألقى قلبك
نصه لهفه ونصه شوق
أندفن جوه في حضنك
وأنت مستنية أضحك وابتسم
لأجل كل طريق في عمرك يترسم
كنت أشوفني في نني عينك
ألقى نفسي بقيت كبير

إما يبلغنّ عندك الكبر

" وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا.." (سورة الإسراء)

الأب الشاب.. الواعي.. اللي عارف اللي له و اللي عليه.. المحسن لأولاده.. بره سهل جدًا..
لكن لما يكبر في السن.. لما يصبح مريضاً و له احتياجات كثيرة.. و ضعفت ذاكرته و بقت أسئلته كثيرة.. و قد يتدخل فيما لا دخل له فيه في رأي الابن.. بر الوالدين في الحالة دي.. حاجة تانية تمامًا..
لذا.. أجره عند الله سبحانه و تعالى أعلى بكثير..
" إِمَّا يَبْلُغَنَّ عِنْدَكَ الْكِبَرَ.."
و مازلنا مع روعة الأسلوب القرآني العجيب..
كلمة واحدة.. و معانٍ واسعة جدًا..
كلمة "عندك"..
زمان.. الأب و هو شاب.. كان يقول أنا عندي ابن.. أو عندي أولاد..
النهار ده.. بقى هو اللي عندك.. مش أنت اللي عنده..
هي دي الدنيا..

فلا تقل لهما أفٍّ

"".. إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ..."
لو كان يوجد في اللغة العربية.. كلمة أقل من "أف".. لذكرها الله سبحانه و تعالى في هذه الآية..
أُفّ اسم فعل مضارع ، بِمَعنى أتضجَّر ..
"أف".. و هل "أف" دي كلمة؟
دي ما وصلتش حتى إلى أنها تبقى كلمة.. مجرد نفس..
و لكن النفس ده.. يعبر عن قمة الضيق و الضجر..
فإذا كانت الكلمة البسيطة دي.. حرام.. فما بالك بما هو أكبر منها؟
ما بالك برزعة باب..
ما بالك بتريقة...
ما بالك بنظرة حادة..
النبي صلى الله عليه وسلم يقول :" ما برَّ أباه من شدَّ طرفه إليه " .
من شد طرفه إليه.. يعني اللي ينظر لأبيه بحدة.. يبرق له يعني.. ينظر إليه شذراً..
القضية مش بسيطة أبداً...
قضية بر الوالدين يتوقف عليها مستقبل الإنسان في الدنيا والآخرة.. لعظم حق الأب والأم.. فظلمهما .. ليس ببسيط..
يقول صلى الله عليه وسلم: "إذا ترك العبد الدعاء للوالدين فإنه ينقطع عنه الرزق ".
و قال صلى الله عليه وسلم:" من هجر أحد والديه ساعةً من نهار كان من أهل النار حتى يتوب " .
الذي يهجرهم.. يخاصمهم.. مش يوم.. مش أسبوع.. مش شهر.. لأ.. ساعة واحدة... ساعة ممكن يموت فيها.. يقبضه الله سبحانه و تعالى وهو على هذه الحالة.. فيكون من أهل النار..
والنبي صلى الله عليه وسلم يقول : " أَلا أُنَبِّئُكُمْ بِأَكْبَرِ الْكَبَائِرِ ثَلاثًا ... "
هناك صغائر..
وهناك كبائر..
وهناك أكبر الكبائر..
قالوا : " ... قَالُوا بَلَى يَا رَسُولَ اللَّهِ"
قَالَ : الإِشْرَاكُ بِاللَّهِ وَعُقُوقُ الْوَالِدَيْنِ وَجَلَسَ وَكَانَ مُتَّكِئًا فَقَالَ أَلا وَقَوْلُ الزُّور " .
إيه موضوع الكبائر ده؟
إيه هي الكبائر؟
الكبائر مهلكة... تستحق دخول النار لأجلها..
و يقسمها العلماء إلى ..
أربعةٌ في القلب : الشرك بالله تعالى ، والإصرار على معصية الله تعالى ..( الشرك والإصرار) والقنوط من رحمة الله تعالى ، والأمن من مكر الله تعالى ( هذه كبائر القلب )
وأربعةٌ في اللسان : شهادة الزور ، وقذف المحصنات الغافلات المؤمنات ، واليمين الغموس ، والسحر . ( هذه كبائر اللسان )
وثلاثةٌ في البطن: شرب الخمر ، وأكل مال اليتيم ، وأكل الربا ..
واثنتان في اليدين: وهما القتل والسرقة ..
واثنتان في الفرج: وهما الزنا واللواط
وواحدةٌ في الرجل : وهي الفرار من الزحف
وواحدةٌ في جميع البدن :وهي عقوق الوالدين
أربعةٌ في القلب ، وأربعةٌ في اللسان ، وثلاثةٌ في البطن ، واثنتان في اليدين ، واثنتان في الفرج ، وواحدةٌ في الرجل ، وواحدةٌ في جميع البدن .
لذا كان عقوق الوالدين أكبر الكبائر.. فهو عقوق بسائر البدن.. بالعقل والقلب والجسد والروح..
ولأنها أكبر الكبائر.. كانت عقوبتها يوم القيامة من أكبر العقوبات..
أن يحجب المرء عن الله سبحانه و تعالى..
قال صلى الله عليه وسلم: " ثلاثةٌ لا ينظر الله إليهم يوم القيامة ..."
يحرم من النظر إلى وجهه الكريم.. ولا ينظر الله سبحانه و تعالى إليه.. ولا يشمله برحمته..
لأنه لم يرحم من رحموه صغيراً..
" ثلاثةٌ لا ينظر الله إليهم يوم القيامة العاق لوالديه ، ومدمن الخمر ، والمنَّان في عطائه".
و يقول صلى الله عليه وسلم:" أربع حقّ على الله تعالى ألا يدخلهم الجنة ولا يذيقهم نعيمها.. مدمن خمرٍ وآكل ربا وآكل مال اليتيم بغير الحق والعاق لوالديه ".
لذا يقال لمن أصرّ على العقوق و لم يتب.. يقول له النبي صلى الله عليه وسلم: " ليعمل العاقُّ ما شاء أن يعمل فلن يغفر له" .
قال صلى الله عليه وسلم:" ثلاثةٌ لا ينفع معهنّ عمل ، الشرك بالله وعقوق الوالدين والفرار من الزحف ..وثلاثةٌ لا يقبل الله منهم صرفاً ولا عدلاً عاقٌ ومنانٌ ومكذبٌ بالقتل ".

الخلاف مع الآباء

و هنا نأتي لنقطة مهمة جدًا..
و هي أننا نطبق هذا الكلام كله على أرض الواقع..
يسألني واحد بعد الكلام ده كله.. و يقول لي.. سمعنا المثاليات هذه كثيراً..
أنت بتكلمنا عن الأب و الأم و كأنهم ملائكة.. معذور.. ماتعرفش أهلي..
دول عاملين فيّ كذا و كذا و كذا..
أنا ماقلتش أنهم ملائكة
بالعكس.. أنا قلت أنهم بشر.. لهم مشاعر واحتياجات..
وزي مالهم مشاعر و احتياجات.. لهم عيوب.. ولهم أخطاء..
بس أنا في رأيي.. أنه في أغلب الأحوال.. إن لم يكن في كلها.. المشاكل بين الآباء و الأبناء و خصوصاً المراهقين.. المشاكل التي بينهم و الفجوة التي بينهم.. سببها الأبناء لا الآباء..
الآباء أعطوا وأعطوا وأعطوا ولم يتوقفوا عن العطاء..
والأبناء.. عايزين ياخدوا و بس.. مش عايزين يعطوا أي شيء..
ولا حتى بيخطر في بالهم أنهم المفروض يعطوا.. بيتعاملوا مع الأب و الأم على أنهم الفرخة اللي بتبيض لهم ذهب..
و هم معذورون الحقيقة.. لأن دي مش مشكلتهم وحدهم.. بل هي مشكلة أمة بحالهم.. أمة .. أصبح كل فرد فيها عايش في دوامة لوحده.. و مش فاضي أساساً يعطي للغير.. أو حتى يقدر مشاعر الغير..
أنا حابب أركز على النقطة دي جداً.. لأني عشت التجربة دي وتعلمت منها..
و معلهش.. هادوشكم بأني أحكي عن تجربتي... وهي تجربة تكسف الحقيقة يعني.. بس لعلها تنفع أحداً..
لما أرجع بذاكرتي للماضي.. مش قادر أفتكر أبعد من أيام المدرسة .. من بدايتها..
اللي فاكره أننا كنا مقيمين في بلد عربي.. ووالدي ووالدتي بيشتغلوا..
و فاكر كويس أني تعودت أعتمد على نفسي تماماً في كل شيء..و كأني عايش في الدنيا وحدي..
يعني.. من أول يوم مدرسة..
أهلي كانوا يصحوا الصبح يدوروا عليّ.. مايلاقونيش..
فين أحمد؟
صحي وجهز فطاره وكوى هدومه وجهز شنطته وراح يفتح المدرسة
وأرجع من المدرسة.. لسه طبعاً مارجعوش من الشغل..
أخلص واجباتي..
ولو جعت.. أجيب كتاب الطبخ بتاع والدتي.. و أشوف أي تركيبة مكوناتها موجودة في البيت وتتعمل بسرعة ومايكونش فيها أي عناصر مشعة نادرة الوجود زي البيكينج باودر والخميرة.. ولا محتاجة مفاعل نووي.. زي فرن البوتاجاز .. ولا محتاجة تتعمل في أكتر من حلة واحدة.. وأطبخها بسرعة.. وأتغدى و أنام..
وفضلت على المبدأ ده على طول.. وتخيلت أن هي دي الدنيا وأن الدنيا ماشية كده.. كل واحد مع نفسه.. انجليزي.. متخيل أني مسؤول عن نفسي تماماً.. و بالتالي.. ماكانش بيخطر حتى في بالي.. أن فيه حد في الدنيا ممكن يشيل همي.. أو يقلق عشاني أو بسببي..
لدرجة أني فكرت في يوم أبات بره البيت لأني تأخرت بره.. وماخطرش في بالي أن أتصل بأهلي أعرفهم.. كان تصوري للموضوع أنه عادي.. تأخرت.. ماجيتش.. هايدخلوا يناموا.. مافيش داعي أقلقهم..
لكن فوجئت باللي حصل تاني يوم... أنهم ماناموش طول الليل!
من لهفتهم.. وسعادتهم أني بخير.. وماحصليش حاجة.. تعلمت درساً كبيراً..
أن فيه حد في الدنيا دي.. بيقلق على حد.. و أنهم في الغالب بيكونوا الأهل..
ده كان أول درس..
درس تاني..
يوم نتيجة الثانوية العامة..
الثانوية العامة كانت شيئاً عادياً بالنسبة لي.. امتحان زي أي امتحان.. و رايح أشوف نتيجته.. و جبت نفس المجموع اللي كنت عاوزه حسب خطة عبيطة كنت حاططها .. مش سياقها دلوقت
المهم.. شفت النتيجة.. و كملت بقية يومي عادي بره البيت.. ولا اتصلت بحد في البيت أقول له ولا حاجة..
برضه لما روحت فوجئت..
السعادة العجيبة اللي هما حاسين بها لأني نجحت.. و كأني فتحت عكا!
يومها ما أنساش حضن أمي لي..
لأني كنت مستغرباً.. هما فرحانين قوي كده ليه؟.. أنا لما أفرح.. طبيعي.. إنما حد غيري يفرح لي ليه؟..
أول درس.. كان أني غالٍ على حد.. و الحد ده شايل همي لدرجة أنه ممكن ماينامش الليل.. لغاية ما يطمئن علي~..
و ثاني درس.. أن فيه حد ممكن يفرح لي أكثر مني..
ثالث درس.. و أعمق درس.. و أكثر درس علم فيّ..
في يوم لسبب من الأسباب.. قررت أنزل من الكوكب اللي أنا عايش عليه إلى كوكب الأرض.. و أخرج أتفسح مع والدتي وأخواتي..
يومها على غير العادة.. لعبت معهم كثيراً وضحكنا معاً كثيراً. كنت مندمجاً معهم جداً.. ماكنتش في ركن وحدي كالعادة قاعد أقرأ مثلا..ً
يومها.. لقيت أمي سهمت شوية...
فسألتها خير؟..
قالت لي كلمة عجيبة قوي.. لما سمعتها.. كنت عاوز الأرض تنشق و تبلعني..
قالت لي.. أصلي.. أول مرة أحس أن لي ابن.. اسمه أحمد..
أنا بصراحة سمعت الكلمة... هنجت..
لأني خدت بالي من حاجة عمري ما استوعبتها قبل كده..
ألا و هي.. أن سكان كوكب الأرض.. عندهم مشاعر وأحاسيس..
الكلمة دي الحقيقة.. كانت بداية تغيير عميق جداً في حياتي.. أخذ يزيد بالتدريج مع الوقت..
كان تغييراً مرعباً الحقيقة..
شيء مرعب لما تعزل نفسك عن العالم سنين طويلة.. وتتعود على ده.. و فجأة تكتشف أن كل الناس حولك.. بشر مثلك.. لهم مشاعر.. حساسون جداً تجاهك.. خصوصاً كلما كانوا أقرب لك..
المرعب هو إحساسك بمدى التقصير تجاه احترام المشاعر تلك.. وتقديرها..
المرعب.. هو أنك تكتشف قد إيه جرحت ناس بتصرفات عادية بالنسبة لك.. لأنك ما كنتش تعرف أن لها تأثيراً عليهم.. لأنك ماحاولتش في يوم من الأيام تحط نفسك مكان حد و تحس بمشاعره..
و يشاء الله سبحانه و تعالى.. أنه يعمق التجربة دي أكثر.. لأني مهما حاولت أحس بمشاعر الغير.. لا يمكن أقدر أقرب بس .. مجرد أني أقرب.. من مشاعر الأب أو الأم..
الإنسان مايقدرش يفهم أي شعور أو إحساس .. إلا إذا أحسه بنفسه..
ربنا رزقني بأخت صغيرة.. على كبر.. الفرق بيني و بينها يمكن 21 سنة..
الحقيقة.. أنا قبل كده.. كان لا يمكن أتخيل أني أتعلق بطفل بالشكل ده..
كم المشاعر اللي الواحد بيحس بها تجاهها.. و مدى الحرص والخوف والقلق عليها.. لدرجة أني فعلاً ما أقدرش أشوفها زعلانة.. وإن ده حصل لا يمكن أسيبها أبداً إلا لما أحل لها مشكلتها.. لو شفتها بتبكي بأبقى بأتقطع من جواي فعلاً بدون أي مبالغة..
و دي مشاعر أخ..
أمال مشاعر الأب و الأم تبقى عاملة إزاي؟
يا ترى هل قدرت أوصل الشعور اللي أنا حاسس به؟


و يا ترى هل حسينا بمدى المشكلة اللي إحنا عايشينها؟
أتمنى..
لأن.. كوننا حطينا إيدينا على المشكلة.. فالحل بإيدينا زي ما قلت..
الحل ببساطة.. هو قلب الأدوار..
يعني إيه؟
يعني .. و كلامي ده موجه لكل الأبناء.. يعني أن تخرج من إطار الشكوى.. ودور الضحية.. وأن تضع نفسك موضع المسؤولية.. فتصبح أنت الأب والأم.. وهم الأبناء..

ده حوار دار بيني و بين أخ عزيز..
لعله يوضح قصدي..

اقتباس:



سلام عليكم
: إزيك يا أحمد
: وعليكم السلام
: الحمد لله
: موضوعك عن ايش بالضبط ؟
: أي موضوع؟
: حكاية العمر كله ..
: هو مش واضح؟
: يعني فهمته
: بس هو عن مين
: الأم ؟
: ولا الحياة عموماً ؟
: لأ طبعاً
: ولا إيه ؟؟
: عن أنفلونزا الطيور
:
: لا بجد ؟
: عن الأم يعني ؟
: أيوة
أوك عشان أنا كنت محتار بس
: طب مالكش أي تعليقات
: لي..
: بكتبه دلوقتي وهتقراه
: اوكيك
: تعليق واقعي وشديد
:
: شديد على مين؟
: هههههههههههههههههه
: علي؟
: ههههههههههههههه
: لا متقلقش ههههههههههه
: الله يسعدك
: لا على نفسي
: طيب خير
.
.
.
.
أنا رديت على فكرة
أيوة مانا جالي إحباط
: الله يعينك بقى
: بس وحش الرد ؟ لو عايزني أمسحه وأكتب وأكذب عادي
: يعني ..
: الأم والأم والأم ...
: لأ بالعكس
: أنا مش عامل الموضوع عشان كده خالص
: أنا عامل الموضوع عشان أتعرض للنقاط دي و نحاول نعالجها بالفعل
: بالنسبة لك عاوز أتأكد من حاجة
: هل فعلاً في الخليج عمومًا.. جو الأسرة مش موجود أصلاً؟
: لا بالعكس موجود
: صحيح مش زي مصر يعني
: لكن في كتير ميبقاش موجود
: أصلي بصراحة ماشفتوش
: حاسس أن كل فرد من العائلة عايش في عالم لوحده
: في الرياض نادراً جداً
: لكن في المدينة الجو موجود
: وجميل جداً
: طيب
: بص يا سيدي
: أنا يمكن نموذج خاص .. بس موجود مني
: أنت يعني حاسس أن فيه مشكلة يعني وألا مش تعبان؟
: مش تعبان أزاي يعني ؟
: آه
: لا .. هو أكيد في مشكلة
: الوضع مش عاجبني !
: العلاقة بيني وبين أبويا وأمي بقت مادية
: جميل
: زي المدير والموظف
: أنا شايف أن الحل بإيدك أنت
: رغم أني ما أتوقع .. بس أقول لك كيف ؟
: ده سؤال وألا جملة خبرية؟
:
: الاتنين ..
: بس الحل (قد) يكون في يدي
: الحل أكيد في إيدك
: و الحل دايما في إيدك
: المشكلة أنك منتظر أن هم اللي يبدؤوا
: لكن هم كفاية عليهم قوي لحد كده
: آن الأوان أنت اللي تتحرك
: أنت اللي تبقى الأب و الأم
و هم الأبناء
: امممم
: ممكن أسألك سؤال؟
: والله احتمال كبير
: آه تفضل
: هم قدموا لك أي شيء في حياتك؟
: بيدوني فلوس آه
: والدتك عمرها ماعملت لك أي حاجة؟
: تخيل لو خلفوك و سابوك في الشارع
عشان تعرف إذا كانوا قدموا حاجة وألا لأ
: بصراحة باعترف بجحودي
: بس ده يمكن ناتج عن حاجة
: لأ هو مش جحود
: هو عدم خبرة في الحياة
: وعدم معرفة لمعادن الناس الحقيقية
: لو اتحطيت في محاك الحياة
: و لقيت نفسك في يوم وحدك
: و الكل تخلى عنك و نسيك
: و مافيش حد فاكرك غير أمك.. بتدعي لك في كل صلاة
: ساعتها هاتعرف قيمتهم
:
: أنا شخصياً.. ماعرفتش قيمة أهلي غير لما سافرت و بعدت عنهم
: و كل اللي أعرفهم قالوا لي كده
: ما حسوش بقيمتهم إلا لما بعدوا عنهم أو بعد ما اتجوزوا
: الغريب
: واللي هيجنني !
: أني مشتاق لأخواني أكتر من أمي وأبويا !
: !!!
أيوة
: لأنهم أقرب لك
المشكلة أن أنت منتظر والدك ووالدتك يقربوا منك
: صح
: و أنا بأقول لك.. ابدأ أنت و قرب منهم
: خد زمام المبادرة و كن سيد الموقف
: اتصل بهم
: اسأل عليهم
: بدون مناسبة
: قل لهم وحشتوني
: خد لهم هدايا معاك ولو بسيطة
: اعزمهم في يوم على العشاء مثلاً
: أنت وهم بس
: اسألهم عن صحتهم
: هههههههههههه
: عن أخبارهم
: سوري
:
: هو والدك ووالدتك من المريخ وألا حاجة؟
: لا آسف والله
: بس بجد ضحكتني
: طب يا سيدي فهمني
: اعزمهم !
: اللي بأقوله لا يتناسب مع ثقافتكم؟
: يعني ...
: ساعدني و فهمني
: ايوة يا سيدي
: اعزمهم على فول و تميس برة البيت
: لا .. يعني هو شيء جميل طبعاً
: في بيتزا هت مثلاً.. عندهم تميس يجنن
: بس معتقدش أن هم هيستسيغوه أساساً
: ههههههههههههه
: ماهو هاييجي بالتدريج يابني
: مش فجأة يلاقوك داخل عليهم و تقولهم يلا نخرج
: لازم تبني أساس من الألفة الأول
: و ده ييجي بالسؤال و الهدايا و الاهتمام
: هدايا بسيطة جداً
يكفي تسألهم.. مش عاوزين حاجة من الرياض
: أجيب لكم برج المملكة معايا و أنا جاي
: كده يعني
: ههههههههههههههههه
: والله عندك حق
: هزر معاهم
: ضحكهم
: افهم شخصياتهم
: اها
: والدتك بتطبخ؟
: آه .. حريفة
: عمرك قلت لها ده؟
: يعني عمرك كلت و بينت لها قد إيه الأكل عاجبك؟
: امممم .. يعني ...
: ابدأ مهد
: لما تتصل بها
: قل لها وحشني أكلك جداً
: ساعات بيكون جوايا مشاعر فياضة يعني بسسس أخجل أنطقها وده بيسبب لي إحباط
: هاتها بضحك
: الضحك و المزاح بيكسر الخجل
: آه صح
: ابدأ
: و مش هاتخسر حاجة
: هايتبروا منك يعني؟
: هههههههههههههه
: صح والله كلامك رجع لي الأمل
: تبقى حسمت الموضوع و ارتحت من الحيرة
: ماهو يا بني والدك ووالدتك دول بشر
: عاMAK على أنهم بشر عاديين عاوز تكسب ودهم
: و ماتفترضش أن المودة هاتيجي من الهوا لمجرد قرابة الدم اللي بينكم
: الحب و المودة محتاجة فعل يبينهم
: صح
: فعلا والله ..
: ربنا يكرمك
: أنت عارف ممكن مثلاً مع والدتك تفتح الموضوع إزاي؟
: الله يخليك ويجعلك من خير الناس لأهلهم
: أول ما ترجع البيت
: اها أزاي ؟
: مش بتسلم عليها؟
: طبعا وببوس إيدها ورأسها
:
:
: طب ما أنت كويس اهو
: ههههههههههه
: كنت فاكرك بتتكسف فكنت هأقول لك تعملها أزاي
: لا بص أنا مش عاق
: بس مش حاسس بعاطفة
: فاهمني طبعاً
: وإن شاء الله هتبتدي تتصلح
:
: يا بني أنت مش لسه قايل لي عندك مشاعر فياضة بس مكسوف؟
: يبقى أزاي مش حاسس بعاطفة
: يعني ... ساعات بتخنق .. لأن العلاقة بيني وبينهم مش ولا بد للأسف يعني
: أيوة
: لو جيت تتأمل
: بس ده ميعنيش أني عايز أصلح
: هاتلاقي دايماً ورا مواقفهم نية حسنة
: فخليك أنت الكبير و استحMAK
: و خد ثواب برهم
: ما أنا بأقول لك
: سر الموضوع .. أنك تعكس الأدوار
: كن أنت الأب و الأم.. و هم الأبناء
: هي فكرة هايلة
:
: ربنا يكرمك
: جزاك الله خيراً يا أخي
: فعلاً فتحت قلبي على شيء مهم في حياتي
: ربنا يكرمك
: الله يثيبك ويجعلك من خير الناس لأهلهم
:
: الله يكرمك