ساره : غااده شفيك ..؟ غااااااااااااااااااااااااااده غاده !!!!
غاده انتبهت هي وين والتفتت لساره وبكت وساره استغربت شفيها حتى صندلها صار مرمي بعيد ..؟ : شفيك ياغاده تكلمي ..؟.
غاده لمت نفسها ومسحت دموعها : لا بس طحت وعورتني رجلي وانكسرت تحفه .. ياربي من عمتي فشيله وش اسوي
ساره : ماتهم التحفه المهم ماصار لك شي يالله خل ندخل كلهم يسألون عنك ..
غاده : طيب ..
• • •
في سيارة راكان : يالله انا شسويت كيف ضعفت كذا .. يالله ياغاده وش كثر احبك ليه ماتحبيني ..!! ليه ثامر ..؟ وش فيه زود عني ..؟؟ انا اللي كنت اداريك واخاف عليك ووين ماتناظرين تلقيني قدامك ياغاده ..؟؟
طاحت دموعه وهو يتذكر ووصل بدون احساس للبحر نزل وجلس عالرصيف ووجهه للبحر وماسك ايده اللي انجرحت من التحفه ..
:: (( هذا جرحي العميق بداخلي صار يظهر )) ::
كان صوت ال fm واصله ..
من دونك شو بتسوى الدني
لو عشتا لو مية سني
ايامي كلها ولدني
من دونك
شو بتسوى سنيني بهالعمر
لو مرئو ايامي ضجر
من دونك
حبيني مره بهالعمر
وانسيني لو مره عمر
يكفيني لو حبة امل
او نظره مليانه خجل
مش محسوب عليي اللي مرء
من عمري من دونك مرء
دخلك انا قلبي احترء
من دونك
رح انطر عمري كلو
عيونك حدي بيطلو
يبئوا حدي ولا يفلوا
عيونك
رابط الأغنيه
آآآآآآآآآآآآآآآه ياغاده
• • •
نرجع لبيت ابو محمد :
جتهم لولوه عمتهم الثانيه ومعها دلال بنتها ..
السلام عليكم
الكل : وعليكم السلام ورحمة الله وبركاته ..
ام محمد : هلا والله باللولو هلا بالدكتوره اللي ماعاد نشوفها ..
دلال : والله ياخاله الدراسه وماتسوي بس خلاص اللحين صرت دكتوره ومو ناقصني غير العياده وأصير رسميه
ابو محمد : افا وانا خالك ازين عياده تجهز بظرف شهر لأحلى دكتوره عندنا
لولوه : ايه ايه دلعها عاد مره هي ناقصه من دلع ابوها ..؟
دلال : يمه شفيك ابو يدلع بنته الوحيده كيفه
ام محمد : اقربي لولوه لا يصكون راسك هالعيال ..
ساره تنغز غاده : مانتي معلمتني وش صار لك قبل ساعه وغيرك كذا ..؟
غاده بارتباك : خليها اذا رجعت البيت علمتك ..
هنا : دلال وين ثامر ..؟
غاده بصوت واطي : اسكتي تسألين عن ولد عمك انتي ماتستحين ..؟
هنا : يوووه خليك كووول هي از ماي بيست فريند
دلال : هههههههههههههه لا يسمعك بس ويشوف نفسه ..
موضي : انتم وش تقولون ماسمعكم ترى ..
ساره والباقي : هههههههههههههههههههه ياشين اللقافه ..D:
دلال : ثامر قرب موعد السباق الكبير وهو معطينا اقنور كلنا وماهمه غير سيارته ..
هنا : ياليتني ولد كان اللحين اسابق معه يابخته
ساره : حشى ماهي بنت الله يعينه بس
هنا وموضي : منهوووو
ساره : رجالك يعني من بيكون الله يعينه عليك ..
هنا : ههههههههههههه ضحكتيني انا اتزوج ؟؟ بعيد عني اعوذ بالله
موضي : اجل شكلك الأولى بيننا ..
دلال : اشك صراحه
ساره هنا وموضي : هااااااااااااه لا يكون ..؟
دلال : ايه انخطبت واليوم امي جايه تاخذ شور عمي ياربي يابنات لو تشوفونه يـــــــــهبل ياربييييه
ساره : هييه منهو ذا وش هالتطورات اللي مانعرفها ..؟
دلال : دكتور يصير اخو صديقتي نجود تعرفونها ..؟
الكل : ايه
دلال : ولا شي هي نجود خطبتني لخوها والموضوع للحين حكي وماصار رسمي
هنا :وخرووو خل اغطرف $%^^
ساره : اوووووص فضحتينا ..
موضي : مبروك دلوله والله تستاهلين والفال لي ان شاء الله يارب
ساره : مبرووك دلولتي والفال لختي ان شاء الله ههههههههههههههههههههه
هنا : مباركين عرس الاثنين تر م ترم ترم
ابو محمد : شعندكم انتم اصواتكم طالعه ؟؟
ساره ودلال : لا خالي نمزح هذي هنا المزعجه كالعاده ..
ابو محمد : طيب اطلعوا الحديقه شوي عندي موضوع مهم ..
هنا : آي آي سير كمان قايز
وطلعوا البنات وغاده جالسه وسرحانه
ساره : غيوده قومي .. انيت شفيك علميني ..؟؟؟
غاده : هاه .. وين شفيكم ؟؟
هنا : لا عايشه بالعسل الاخت هي غيدووو انطردنا مشينا الحديقه ..
• • •
بعد ماطلعوا البنات تواجهوا مع عمهم عبد المجيد ابو غاده وهنا وسلم بعدين دخل على الكبار بالمجلس
عبد المجيد : السلام عليكم
الكل : وعليكم السلام ورحمة الله وبركاته ..
عبد المجيد : كيفكم وش اخباركم ماعليه تأخرت اليوم بس كان عندي شغل في مكه وتوني اللي واصل والله
ابو محمد : لا ياخوي لا تهتم المهم انت وش اخبارك ..
وبعد ماتقهوا الكل :
ابو محمد : تدرون اني كنت عند عبد الله في دبي ..
عبد المجيد : أي اخوي خير ان شاءالله
ابو محمد : مافيه الا كل خير انا اقنعته يجي جده ويرجع يعيش بيننا ..
مضاوي : والله هذي الساعه المباركه..
لولوه : غريبه وافق بهالسهوله ..!!
ابو محمد : عاد صار اللي صار (( ابو محمد وعد عبد الله مايقول لحد عن مرضه وهذا كان الشرط الوحيدعلشان ينقل جده ))
المهم ماقضت الاخبار الزينه ..
انا خطبت حلا لولدي سعود والبنت وافقت
موضي : ماشااااااااء الله ماشاء الله هذا الخبر اللي يفرح اخيراً حلا بتعيش بيننا انا هالبنت كنت شايله همها من يوم امها توفت الله يرحمها
ام محمد :أي والله الله يذكرها بالخير منيره ويغمد روحها الجنه ان شاء الله
لولوه : الله يرحمها كانت صدق مره سنعه صانت اخونا بغربته
عبد المجيد وابو محمد : الله يرحمها ..
عبد المجيد : وسعود ..؟ موافق ..؟
ابو محمد : ايه موافق .. المهم فيلا عبد الله يبيلها شغل واجد وترميم وفرش جديد علشان كذا انا افكر استقبله عندي الين يجهز بيته ..
مضاوي : ابو محمد وسامي وش بيصير فيه انت عارف ان عبد الله مربيه حسبة ولده
ابو محمد : سامي والنعم فيه مانسيناه بيقعد هناك يزين امور شركة عبد الله ولو بيعيش معنا حياه الله ماشاء الله عليه صدق هذا الولد اللي ينشد به الظهر نسخه من اخوه خليفه ..
:: (( خليفه كان صديق عبد الله بالخارج ورجعوا دبي وبدوا شركتهم وعاشوا مع بعض سوا وخطب عبد الله اخت خليفه منيره بس توفي خليفه بحادث قبل العرس ومن وقتها عبد الله اعتبر سامي ولده وتزوج منيره ورباه مع بنته حلا )) ::
عبد المجيد : الله يكتب اللي فيه الخير .. ان شاء الله
مضاوي : دام الدعوه عرس وخطوبه لولوه عندها سالفه بعد ..
عبد المجيد : هاه اللولو بشري
لولوه : دلول بنتي جاها عريس من عايله معروفه ودكتور يصير اخو صديقتها وانا اعرفهم واعرف امه زين ناس اوادم وطيبين ماعليهم قصور ..
أبو محمد : ماشاء الله دلال تستاهل كل خير وش راي يعقوب ..
لولوه : موافق وموصيني اشاوركم قبل نوافق ..
ابو محمد : مبروك ياللولو على خير ان شاء الله ..
• • •
بعد ثلاث ايام :
في بيت عبد المجيد (( أبو راشد ))
ام راشد : حيالله وليدي تو الناس مابغيت تترك البر وطلعاته ..
راشد : ابد يمه بس تدرين وناسه البر بهالوقت وبراد ملينا من حر جده .. انتي بس شلونك بشرينا عنك ..
ام راشد : طيبه اسأل عنك ياقلبي ..
هنا : مين قلب مين ..!!
راشد : اعوذ بالله يالله يمه مشينا ان حضرت الشياطين ... نقط نقط نقط الخ ..D:
هنا : مره فرحان ونقط نقط نقط لا والخ كم لك يوم تحفظ فيها بالله ؟؟ هااه ؟؟
راشد : هذي والله اللي بتذينا . وخل اطلع اليوم سباق الرالي اللي مشارك فيه ثامر ومزعجني اتصالات مابي اتأخر عليه ..
هنا : وااااااااو وناسه هات موبايلك بتصل عليه موبايلي مفصول
راشد : يمه امسكي بنتك ترى والله لكسر الجوال على راسها ..
هنا : اللحين انا شقلت غلط يمممممممممممممممممممممممممممه
ام راشد : خلاص عيب يابنت مايصير ترى كبرتي وثامر ماعاد هو صغير فيه حدود ..
هنا : يممممه راشد ماني قايله شي بس يقوله يدعس بليز بليز ثويمر ماهو غريب ..
راشد : هنا من جد عيب بابا مايصير ..
عبد المجيد دخل وسمع الصوت : هااااه وش عندكم تتناقرون ..؟
راشد : يبه هنا مافي وجهها حيا تبي تكلم ثامر وتسأله عن السباق الليله ..
هنا : يبه يقولون عيب وش شايفيني اكلم الهندي راعي البقاله هذا ثويمر لا قام ولا قعد ..
ابو راشد : هاك تلفوني دقي عليه بس لا تطولين ..
راشد : يبه وش ذا
ابو راشد : اقول اذلف هذي مافي راسها حركات وهذا ولد عمتها ماهو غريب يالله خذي دقي عليه ماعرف رقمه ..
هنا : انا حافظته عطني ..D:
راشد : لا لا لا لا لا زودتها هالبنت كمان حافظته ..
ام راشد : ههههههههههه بس اذيتونا ابي اسمع الاخبار انتي وياه اطلعوا
راشد : انا اطلع ازين لي مافيني يجيني الضغط من هالبيت ..
وهنا اخذت موبايل ابوها وطلعت غرفتها ودقت وهي متحمسه ..
ثامر : الوو ؟
هنا : احلى ياسريـــــــــــــــــــــــــ ــــــــع بصراخ
ثامر : ههههههههههههههههههه لسه توني مادعست كيفك يامنسمه ..
هنا : منيحه ياسريع هاه بشر كيف المعنويات ..
ثامر : ميه ميه ياليتك ولد والله ماسوق الا وانت جنبي
هنا : آآآآآآخ لا تذكرني والله ودي
المهم ابيك تحطم الرقم مالها الا السريـــــــــــع ثمور.
ثامر : لا يهمك وهالرقم الجديد اهداء لك استاذ هاني
هنا : ههههههههههههه حلوه ياسريع يالله اخليك بالتوفيق
ثامر : ان شاء الله ومشكور ياهاني سي يا ..
هنا .. تشاو
• • •
قفل منها وبعد عشر دقايق وصل راشد ..
ثامر : هلاوين رويشد
راشد : اهلين
ثامر : افا معصب ابو جاسم
راشد : لا تقهرني وتقول ان هنا دقت عليك ..
ثامر : ههههههههههههه هنا مادقت بس هاني دق قبل عشر دقايق
راشد : ياخي هالبنت تبي تقهرني مدري ليه ...
ثامر : وانت من جدك تبي تمنعها عني ؟؟ ياخي لا تخاف هاني واحد من الشباب
راشد : هيه احترم نفسك تراها اختي ..
ثامر : اقول خل عنك وتعال بس اوريك وش سويت بسيارتي ..
• • •
في بيت ابو محمد ..
سعود توه راجع من الشاليهات له 3 ايام هناك ودخل الصاله ولقى امه جالسه ..
سعود : يمه شلونك
ام محمد : هلا سعود وينك يايمه طولت الغيبه
سعود : يمه تكفين مابي اعرس ..
ام محمد : وانت وش فيك ماتبي العرس ياوليدي عطني سبب واحد مقنع
سعود : يمه عمري ماتخيلت اعرس كذا وابوي اسلوبه كان بزياده بعدين هو كبرها بمخي منهي حلا ذي علشان تربيني رجال طول وعرض ماني عاجبه .. يبي وحده مدلعها ابوها تربيني .. والله يايمه لو يغصبني على هالعرس اني لطفش البنت واوريها نجوم الظهر وبتشوف وقتها .. من يبي يربي مين ..
وطلع من الصاله وراح غرفته ..
: انا يبه تربيني بنت !! انا وتقولي هالحكي قدام اخواني اللي اصغر مني لهالدرجه انا طايح من عينك ..؟
بس دامك تبيها كذا بعطيك اياها ولكن بغير في خطتك يبه
هالمره انا اللي بربي البنت سعود بيربي حلا راح اخليها تندم وتكره اليوم اللي فكرت فيه تجي جده راح اخليها تجيك لحدك وتطلب الطلاق وانت اللي تتحايلني وتطلبني اطلقها ووقتها بتعرف منهو سعود ..
بهاللحظه رن جواله
سعود : هلا والله بالقمر
امل : ياعيني عالدلع ماقدر
سعود : وانا اقدر مادلعك ..؟
امل : وينك طلعت من الشاليهات ..
سعود : ايه من الصباح طولت على اهلي
امل : افا والليله في حفله اروح مع مين ولا تبيني اروح بروحي
سعود : افا عليك وانتي تهقين تفوتني حفله وماروح راجعلك ياقمر
امل : ايه اشوى احسب
سعود : لا تحسبين ولا شي يالله حبيبي بايو
امل : طيب لا تنسى تجيبلي الملابس من المحل ياحبيبي يالله باي
سعود : طيب طيب باي
• • •
يوم الأحد :
في بيت مضاوي وخالد :
ساره تحاول تتصل بغاده لكن محد رد عليها فدقت على رقم الصاله تحت ورد راشد : الوو
ساره : الو السلام عليكم
راشد : هلا وعليكم السلام
ساره : شلونك راشد ان شاء الله طيب
راشد : طيب بخير انتي شلونك
ساره : طيبه مادري غاده موجوده ..؟
راشد : ايه موجوده فوق بالصاله اللحين احولك عليها ..
ساره : مشكور
غاده : هلا سوسو
ساره : اهلين ست الحسن اللي بالمره ماهي معطيتني وجه
غاده : اعوذ بالله انتي شفيك علي وربي معطيتك مو بس وجه عشره
ساره :ايه ايه بس حكي كالعاده ..
غاده : طيب كيف نراضيك يعني ..
ساره : تعلميني شفيك ولا انتي تحسبيني ناسيتك ..؟؟
غاده : اعرفك ماتنسين طيب ماينفع الحكي بالتلفون ياتجيني يا اجيك ..
ساره : لا انا اجيك ماله من البيت جهزي القهوه والكت كات بس .
غاده : ان شاء الله عمتي ..
طلعت ساره من غرفتها معاها عباتها ومرت امها واستأذنت منها ولقتها بالصاله مع موضي ..
مضاوي : على وين العزم ان شاء الله ..؟
ساره : لبيت خالي عبد المجيد غاده دقت ونادتني وانا ضايق صدري بروحلها ومابطول
موضي : لا ياشيخه ولا كأن لك اخت تاخذينها معك مضاوي : قومي موضي تجهزي وروحوا ولا تطولون وسلمولي على نوف ام راشد
ساره : يوووه اللحين هذي بتعطلنا اخلصي علينا ..
موضي : هوىىىىىىىى فايف منت واكون عندك
طلعت موضي ولبست احسن ماعندها وحطت قلوز وماسكارا خفيفه على امل تلتقي براشد بالصدفه ..
دخلت ساره وموضي بيت خالهم ومروا عمتهم نوف بالصاله وسلموا عليها
وطلعوا لغرفة غاده ..
ساره : السلامووو عليكووو
غاده : هلا والله وعليكم السلام ورحمة الله وبركاته .. حيالله بنات عمتي
موضي : ازيك يا أوخه منيحه ..؟
غاده : طيبه ياقلبي انتي شلونك
موضي : تماتم وين هنو ..؟
غاده : عندها مشروع واعتقد خلاص بس تطبعه في مكتب ابوي تحت ..
موضي : خلاص انا بخليكم بروح انغص عليها ..
غاده :طيب حطي عباتك وشوله للحين قاعده فيها ..؟
موضي : وه عيب ياختي فرضاً قابلت راشد وش تبيه يقول مافي وجهي حيا ولا شلون
غاده : لا ياشيخه طيب احلفي .. عموماً ريحي عمرك راشد ماهو موجود توه طلع
ساره : هههههههههههههههه حرام عليك غاده ليه التحطيم
موضي : ياشين البياخه بس انتي وياها هاك العباه وعلقيها لا اخليك تكويها ..
وطلعت من الغرفه ووقفت عالدرج تناظر باب غرفة راشد المقفل وعيونها تدمع تخيلي ياموضي يفتح الباب اللحين وتتجرأين لو مره وحده بحياتك وتقربين منه وتنطقين الكلمه ترمينها عليه وتنتهين من هالحمل .. تقدري ؟؟ .. لا طبعاً لو اقدر كان من زمان قلتها له ولا اتعب بيني وبين نفسي كذا .. ياراشد شسوي علشان تحس فيني وتلتفت لي وتشوفني هذا انا موجوده وقلبي مليان مشاعر لك والله قلبي هالكبر .. وتأشر بيدها
يالله حبيبي كفايه طالت هذي الحكايه
انا محتاجك معايا
ياحبيبي وانا ناطر حبيبي
وانسجمت مع الأغنيه وعلى صوتها وغمضت عيونها وتتخيله يبتسم لها : المشكله انه حلو وبريء وضحكته تجنن يووووه وش مسوي فيني ياراشد ..؟؟؟
وفجأه انفكت الكلبسه اللي ماسكه شعرها ووعتها من حلمها ضحكت ضحكه مكتومه ونزلت راسها ولمت شعرها ولفت تبي تنزل الدرج وصدمت فيه .....
كان هو راشد واقف بطوله وبضحكته وبعيونه يناظرها وماينزل عينه واقف قريب منها ووجهه مرسومه عليه ملامح غريبه لأول مره تشوفها ..
راشد : تحبيني ؟؟
موضي : ......
راشد : موضي تحبيني ؟؟
موضي تلعثمت وماعرفت شتقول ارتبكت ونزلت عيونها تحت : راشد لو سمحت ممكن انزل ؟؟
راشد : آها .. اجل انا غلطان كنت اظنك تناظرين غرفتي ووخر عن طريقها ونزلت درجه ووقفتها كلمه منه وهي معطيته ظهرها ..
راشد : بس وش اتوقع من وحده صغيرونه مثلك !!! مراهقه ..
صدمتها هالكلمه مشاعري ياراشد مراهقه .. لو تحط ايدك على قلبي اللحين وتحسه كان عرفت شلون مشاعر المراهقه .
نزلت درجه بعد والتفت له ووجهها مافيه أي مشاعر
وقالت : على قولك مراهقه يالله باي
ونزلت بثقه وعيونها مليانه دموع لدرجة انها ماتشوف الطريق اما راشد فدخل غرفته كان راجع ياخذ نظارته اللي نساها وماكان متوقع يشوف موضي بس اللي صار صار
ابتسم وصار يدندن
تغيب وتتغلى يعني دلع ولا بالقلب تتسلى
ياويل قلبي ياويله ياويلك من الله
مجنونه ياموضي بس احبك ..
اخذ نظارته ونزل من الدرج الي ورى لانه مايبيها تشوفه ..
اما موضي فدخلت المكتب على هنا وشافتها
هنا : وه وه وه وه مضاوي عندنا لا وزعلانه لا وتبكي يالهووووووووووي شفيك يابنت العمه ..؟
موضي : يعني شفيني غير اخوك يالله ياهنا تتخيلين انه يعتبر مشاعري مشاعر مراهقه
هنا : ييييييه انا مدري وش اللي مطيحك في رشود عاد من زينه
موضي : خلاص عاد لا تبدين تراني ماني ناقصه فكينا من سوالفك
هنا : مضاوي حبيبتي كم مره علمتك انه يحبك ونهايتكم مع بعض بس هو يبي له وقت وانتي بعد الين تتخرجين ..
موضي : ومن قال لك اني ابي اعرس اللحين انا ماطلبت شي ولا ابيه حتى يحبني بس ليه يتمصخر فيني
هنا : طيب هو طلع اللحين ..؟
موضي : مدري عنه
هنا : طيب صبر بس اتأكد انه طلع بوريك شيD:
وقامت ودقت على تلفون غرفته ومارد
اخذت موضي وطلعوا ولقتها مقفله تأكدت انه ماهو فيه ودخلت غرفة امها واخذت مجموعة مفاتيح وفتحت باب غرفته ودخلت موضي راحت جهة مكتبه وفتحت اخر درج وطلعت منه صندوق صغير مقفل برقم سري طبعاً حطت الارقام هنا وفتحته ؟
موضي : انتي متربيه مع حراميه ولا وش قصتك بالضبط ؟
هنا : اووووص
وطلعت صوره قديمه وعطتها موضي
شافت موضي الصوره لقتها صورتها لما كان عمرها 14 في طلعه للبحر كانت لابسه عبايه وحاطه طرحتها على كتوفها ولابسه بندانا ومبتسمه
قلبت لها هنا الصوره ولقته كاتب : ام جاسم
هنا : وهو ابو جاسم مثل مانتي عارفه وهالصوره عنده من زمااان ومخبيها لك بس هو مايبي يسوي شي غلط وهو عارف انك تحبينه وتموتين فيه علشان كذا متطمن من جهتك ..
موضي للحين ماهي قادره تستوعب اللي صاير
: خل نطلع قبل يجي
رجعت هنا كل شي مكانه وطلعوا الحديقه وهنا ماشيه قدامها مسكتها موضي والتفت هنا : والله احبه ياهنا والله اعد الأيام والدقايق بس اشوفه مشاعري لراشد مره قويه وماهي مراهقه ماهي مراهقه وبكت ..
هنا حظنتها وقالت : مضاوي والله قالها يمزح ويغثك اخوي واعرفه ماعليك منه ولا يزعل هالحلو ..
الا تعالي تدرين ان ثامر بيطلع بكره على ال tv ؟
موضي : والله ..!! ليه ؟
هنا : وش ليه هذا السريع بعد مافاز وكسر رقمه القياسي بيستضيفونه في برنامج على الرياضيه ..
موضي : احلا ياثامر وبنصير عايله مشهوره ..
الا تعالي هنو احس بشي من فتره بس ماقد قلت لك ..
هنا : وشو وشو وشو ؟؟
موضي : احسك تحبين ثمور
هنا : وااااااااااات ..؟؟؟؟ انا احب هذا ثويمر لو اخر واحد في الدنيا ماحبه هذا ماي بيست فرند بعدين هو مايسميني الا هاني طيري بس
موضي : مجرد احساس والله أعلم ..
هنا : يوووه من هالبنت هي تحب وتبي الكل يحب مثلها
تعالي بس خل نطامر بالملعب ابي اشم هوا
موضي : حشى وش تشمين اجل اللحين اخاف شي ثاني ..
هنا : ايه ثقالة طيبنه امشي بس ..
• • •
وفي غرفة غاده :
ساره : ياختي كل مره اذوق هالحلا عندكم احس طعمه يتغير واحلا بعد
غاده : بالعافيه ياقلبي
ساره : غادوه يالله علميني ذاك اليوم وش صارلك ..؟؟
غاده : والله مادري شقول لك بالضبط .
ساره : من البدايه خليتك عند المدخل اللين رجعت لك وش صار بالتفصيل ..؟
وقالت غاده لساره كل اللي صار مع راكان ..
ساره : وشو !!!!
غاده بدت تبكي وماسيطرت على مشاعرها لانها اصلاً رقيقه وماتستحمل شي : ياساره مدري من يومها لا اقدر انام زين ولا اكل زين احس بشي بداخلي بدا يتغير شعور صعب يخوف كل دقيقه واعيد اللي صار في بالي ويزيد الم معدتي علي تاخذني افكاري عنده مستغربه كل اللي صاير ومن مين من راكان ..
تذكرين الدفتر اللي اهداني اياه وكتبلي احبك ..؟
ساره : أي دفتر ؟
غاده : ياساره الدفتر الوردي اللي ضاع من عندي وزعلت عليه فتره اللي كنت اقول انه كان عند هنا وصارت هوشه بسبته ..
ساره : اهااا ذكرته أي والله صح لا يكون يحبك من زمان وماعلم احد ..؟
غاده : حتى مره اذكر من زمان سألني مره وكان مره مهتم قال لي لو قالولك لازم تتزوجين احد من قرايبك ..
ساره : ايه وش رديتي عليه ..؟
غاده : قلت له اصلاً ماني متزوجه واحد يقربلي من زينكم كنت امزح معه بس هو أصر علي فقلت له والله لو بختار بختار ثامر مو لأني احبه ياساره بس ثامر اقربهم لي لانه صديق هنا مره ودايم معنا ..
ساره : ياذكيه [
FONT=Wingdings]
غاده : تتوقعين ؟؟ بس ليش انا ..؟؟ معقوله راكان يحبني ؟؟
ساره : ايه عاد من قدك اطخم واحد بالعائله يحبك
غاده : خلاص ساره وربي استحي قفلي الموضوع ..
ساره : بما اننا بنقفل الموضوع ,, انتي قد شفتي حلا بنت خالي عبد الله ؟؟
غاده : أذكرها من زماااان شفتها مدري كم سنه بس ليه ؟ وش الطاري ..
ساره : متحمسه اتعرف عليها تعرفين كلنا يابنات العائله اصحاب الا هي لانها ساكنه بعيد واحسها مسكينه يكفي انحرمت من امها واللحين بيزوجونها سعود والله يعينها
غاده : أي والله سعود هذا لعاب وماينفع يتزوج الله يستر عليها ماتستاهل
ساره : طيب شرايك نطلع بكره ونشتري لها هديه علشان نرحب فيها بيننا
غاده : انتي ام الأفكاار خلاص بكره نطلع ونشتري لها هديه بسم البنات
ولمحت هنا وموضي داخلين الغرفه : الا هنا وموضي توهم مراهقات ..
الكل ضحك الا موضي : .. انتم شسالفة المراهقه معكم اليوم
•
•
•
يوم الثلاثاء في الامارات في دبي خاصه :
حلا كانت بالمطبخ تزين لبوها عصير ودخل عليها سامي ..
سامي : والله عاد لو ابي اتزوج مابي اتزوج الا وحده نسخه عنك .
حلا : ههههههههه انت بس أشر وتشوف ازين البنات عندك .
سامي : اقوووول ياكلمتي عودي محلك ماصدقتي حضرتك ..!! وش اللي تسوينه ..
حلا : عصير لباباتي توني نزلت من عنده .. والله ياسامي متعبني وضع أبوي مره وبكت ونزلت كاسة العصير عالطاوله ..
سامي قرب منها واخذ العصير : ياحلا ياحبيبتي عمي يحتاجك جنبه مو نصيح ونضيق خلقه بس يمكن هو متضايق لانه يبي يرجع جده خلاص ..
حلا : طول عمري كنت اظن ابوي مبسوط هنا ومرتاح .. أشمعنى اللحين اللي يبي يرجع محيرني هالوضع وماني قادره اسأله واثقل عليه ..
سامي : خليه على راحته ياحلا بعدين بيني وبينك انتي تحتاجين تعرفين اهلك وتعرفين طبيعتهم وتعرفين الزوج المقرود بعد .
حلا : أي والله مقرود دامه طاح فيني هههههههههههه
سامي : ياعساها دوم هالضحكه
حلا : سامي ماقلتلي انت شلون بتمشي وضعك هنا بروحك ..
سامي : اصلاً نص هالوقت هنا ونصه عندكم خصوصاً ان الشركه لها فرع كبير في جده ويحتاج اداره بعد يعني ولا يهمك بتعذر بأي عذر المهم اكون معكم ..
حلا : الله يستر والله ان قلبي منقبض مدري ليه ..
سامي : تعوذي من ابليس وماراح يصير الا اللي كاتبه ربك بس انتي خلصي امورك وامور عمي وانا بطلع معكم جده الين تستقرون بعدها برجع دبي ونشوف وش بيصير ..
وابتسمت له حلا واخذت العصير وعدلت نفسها وطلعت لغرفة ابوها ودقت الباب .. ودخلت لقته لابس نظارته وجهه مصفر ويتفرج على البوم صور ..
قربت منه وهو ماحس فيها لانه كان سرحان في اللي يشوفه باست خده التفت لها وابتسم
حلا : هاه باباتي اللي ماخذ عقلك يتهنى فيه ..
ابو حلا : مالي غيرك ياعيون باباتك علشان ياخذ عقلي ..
ضمته حلا وبعيونها ألف دمعه : الله لا يحرمني منك ابوي الله يقدرني واسعدك واخليك دوم راضي عني ..
عبد الله : ياعمري انا راضي عنك بدون ماتسوين شي في احد في هالدنيا عنده بنوته جميله ومؤدبه وحنونه مثلك ومايتحمد ربه ليل ونهار ..؟
باسته حلا وانتبهت للألبوم اللي كان معه لقت صوره لأمها وهي حاظنه أبوها عورها قلبها على أبوها وانتبه لها ..
عبد الله : الله يرحمها كان نفسي تعرفينها أكيد بتحبينها وهي كانت بتحبك وبتحمد ربها على هالبنت ..
حلا : امين الله يرحمها .. أبوي للحين تحب أمي ..؟
عبد الله : آآآه ياحلا كيف ماحبها وهي كانت الهوى اللي اتنفسه انا شفتها مره وحده بس ومن لحظتها انكتبلي حبها ماغابت عن بالي من ذاك اليوم لليوم امك ياحلا غير عن كل الحريم امك كنت احس من كثر ماهي مميزه حرام تعيش بهالدنيا وكلي رجا من ربي اني التقي فيها بالأخره لانها كانت دنيتي وهي جنتي ونزل وجهه وبكى ..
حلا الدنيا كلها سودت بوجهها : يبه تكفى لا تبكي ماتحمل أشوفك كذا تكفى علشاني ..
عبد الله : ........
حلا : يبه رد علي لا توقف قلبي عليك يبه تكفى مالي غيرك لا تسوي فيني كذا وبكت
رفع راسه ولمها بحظنه وباس راسها بعد ماهدوا اثنينهم قال لها : حبيبتي انا مدري ليه صاير حساس كذا يمكن احتاج ادخل الفرح في لحياتي
ومافي اكبر من فرحتي فيك ياقلبي وانتي عروس ولا سألت عنك ولا سألت عن حاجاتك ...
حلا : يبه خلاص مابي اعرس ابي اكون معك وعندك أصلاً مابي غيرك
عبد الله : ههه لا ياشيخه وسعود ؟؟ لعبه الرجال امداه اللحين طاير من الفرحه لأنه بياخذ ازين وأعقل البنات حلا بنت عبد الله .
حلا : ماينفع اتزوجك انت [
عبد الله : ههههههههههه ضحكتيني حسبي الله على ابليسك قومي اطلعي برا
حلا : افاااا وانا بنت عبد الله تطردني ::!!
عبد الله : حلا (( وبصوت هادي )) ممكن اطلبك طلب وماترديني فيه ..؟
حلا : لو تبي عيوني يبه ماتغلى عليك ..
عبد الله : وتسلم عيون حلا ياااااارب ... ملكتك بعد عشر ايام ولا أكثر شرايك نخلي العرس بعد اسبوعين ..؟؟
حلا : يووووه يبه وش ذا لهالدرجه تبي الفكه مني ..
عبد الله : لا يابنتي بس أبي افرح فيكي في اقرب فرصه بعدين انتي وعدتيني ماترديني بأي طلب ..
حلا : بس يبه ..
عبد الله : لا بس ولا شي اذا على مقاضيك وتجهيزاتك من اليوم تطلعين وتشترين اللي تبين وتكملين من جده والباقي اتفق مع متعب عليه ..
تكفين ياحلا ماترديني قد ايش بفرح لو بتوافقين
ابتسمت حلا : اللي تبيه يبه انا من يدك ذي (( وباست ايده الثانيه )) ليدك ذي انت تفصل واحنا نلبس وش بعد يقولون
عبد الله هنا ابتسم وباس راسها : يلوموني فيك ياحلا يلوموني الله يوفقك دنيا واخره ويقدملك الخير يابنتي .
باسها واستحت وقامت بتطلع من الغرفه لما وصلت الباب ناداها أبوها ,, : حلا
حلا : هلا يبه
عبد الله : فستانك انا اللي بجيبه لكي وبتلبسين على ذوقي طيب ؟
حلا : يبه والله استحي خلاص عاد .. وطلعت تركض غرفتها ..
أبو حلا نزلت دمعه من عينه وهو للحين يناظر الباب اللي طلعت منه بنته ..: مو كاسر ظهري ياحلا الا اني بتركك وبتصيرين يتيمه استغفر الله بس لا حول ولا قوة الا بالله يالله يارب ساعدني وطول بعمري الين ماتطمن عليها ..
• • •
ومرت اليومين بسرعه وصار وقت السفر عبد الله وحلا وسامي في مطار جده توهم نازلين من الطياره ..
وفي صالة المطار كان موجود متعب وعبد المجيد ومحمد وسعود وراشد ..
متعب : هذول هم ياحيالله عبد الله وسامي وحلا تو مانورت جده ..
عبد الله : منوره بهلها ياخوي
عبد المجيد : ابو حلا حيالله حيالله هلا والله بهل الامارات ياكثر شوقنا عليكم .
عبد الله : الله يحييك ابو راشد والله مو كثر شوقي تسلم يالغالي
وقرب محمد وسعود وراشد يسلمون على عبد الله وسامي وقرب متعب وعبد المجيد من حلا اللي وقفت بعيد شوي لانها استحت شافت رجال كثير .
متعب : هلا والله بحلا هلا والله في ديرتك يابنت عبد الله
حلا قربت وباست راسه : هلابك عمي وباست راس عمها عبد المجيد ..
عبد المجيد : والله وكبرتي وصرتي اطول مني ياحلا منوره جده بقدومك ..
حلا: شدعوه عمي هذا وانت أطول عمامي والظاهر طالعه عليك ..D:
قرب ابوها منهم وسمعها : تعايبين بقصري يالشينه هين خلاص اللحين بتصفين مع اعمامك ضدي ..
قربت حلا من ابوها واستحت لما شافت الشباب جايين صوبهم ..
محمد :حيالله حلا منوره جده بقدومك ..
حلا : هلابك .. ماكانت تعرف منهو بس الأكيد مو سعود ..
راشد : شلونك حلا انا راشد ولد عمك عبد المجيد ..
حلا : طيبه الله يسلمك راشد ..
سعود كان واقف بعيد شوي مع سامي يتعذر فيه مايبي يقرب هو كرها قبل يشوفها كيف يبي يناظرها يحس بأشمئزاز من هالتفكير ..
ابو محمد : سعود
سعود التفت له : هلا يبه ..
ابو محمد : تعال قرب سلم على بنت عمك ..
قرب سعود : شلونك حلا .. بدون مايناظرها
حلا ضاعت الحروف من عندها ومسكت طرف ثوب ابوها مثل الصغار وتخبت وراه حست بغصه وحست بضيق وماتدري وين تروح حست بمشاعر كثيره مليون فكره وفكره طرت في بالها وطول سكوتها ..
ابو حلا : حلاتي سعود يسلم عليك ماتبين تردين عليه ..
ابو محمد : خلها عبد الله البنات يستحون وياله لا نتعطل خواتك يحترونك في بيتي ... مشينا ..
• • •
في بيت ابو محمد :
كان الكل موجود .. ام محمد وغاليه مرة محمد والعنود مرة عبد العزيز ومضاوي ولولوه ونوف ودلال وغاده وساره وموضي وهنا وشوق
هنا : شواقه انقزي المطبخ جيبيلي بيبسي
شوق : لا ماني رايحه ..
هنا : قومي لا ازين علومك اللحين قدام الحريم
شوق : يمه شوفي هنا ..
هنا : يالشينه هين اوريك خل نرجع البيت بس
موضي : اللحين ليه ماتتركينها بحالها بتموتين بدون بيبسي انتي ..
هنا : مادري بس طفشت انا متحمسه اشوفها وعمامي تأخروا ..
موضي : تتوقعين حلوه ؟؟
هنا : ايه ممكن تطلع حلوه بس اقل جمال مني طبعاً ..
موضي :هذا وانتي اخت ملكة جمال العائله .. هاه
هنا : اقول خلي عنك انا اشوف اني اجملكم بكيفي عاد ..
• • •
حلا وصلت مجلس الحريم ووقفت قبال الباب تاخذ نفس وتزين شعرها شوي وكانت ميته من الحيا لقت مرايه وارتاحت راحت لها وشالت الشيله ونثرت شعرها البني وعدلته شوي وتعطرت وسمت باسم الله ودخلت ..
حلا : السلام عليكم ..
الجميع وعليكم السلام
ام محمد : هل والله بحلا ادخلي
راحت لها عمتها مضاوي ولولوه
ضمتها مضاوي : تو مانورت جده يابنت الغالي
ولولوه بعدين باستها وباستهم حلا على روسهم وسلمت على عمهتا نوف مرة عبد المجيد ..
مضاوي : حلا هذول بنات عمامك وعماتك ..
وكانوا كلهن متجمعات بركن واحد مبتسمات لها ..
دلال : هلا حلا انا دلال بنت عمتك لولوه وهذول ساره وموضي بنات عمتك مضاوي وهذي غاده وهنا وشوق بنات عمك عبد المجيد
سلمت عليهم كلهم وكان وجهها احمر وميته من المستحى قربت منها ساره : هاتي عباتك بعلقها لك ..
حلا : لا حبيبتي لا تعبين نفسك
ساره : شدعوه لازم ندلعك شوي
ابتسمت حلا وعطتها الشيله والعباة كانت لابسه فستان اصفر من الشيفون الناعم مكشوف من الكتف وواصل لنص ساقها ولابسه صندل بني محروق واساور كبيره ذهبيه كان شكلها طالع اوربي عكس بنات عمها اللي يشبهون بعض بشكل كبير اما هي فوجهها ناعم وملامحها بريئه وعميقه وعيونها عسليه وشعرها بني فاتح وبيضا فمميزه بينهم ..
طلعت غاده ورى ساره : ماشاء الله عليها جميله ولا كأنها بنت عمنا
ساره :ايه ماشاء الله عليها طلع فيها العرق السويدي من جدتها بس شكلها بنوته مره طيوووبه
غاده : أي والله حاستها مره مستحيه يالله خل نجيب شي نضيفها فيه ..
وفي مجلس الحريم :
تغطت ام محمد ونوف ام راشد ودخل عليهم عبد الله ومتعب وعبد المجيد
عبد الله : السلام عليكم
الكل وعليكم السلام
وسلم عالكل وكالعاده مضاوي اكلته بالمعاتب وجلس جنب حلا اللي ارتاحت لما شافت ابوها موجود
وبعد السوالف قربت مضاوي لعبد الله : اقول اخوي
عبد الله : سمي مضاوي
مضاوي : شرايك تخلي حلا تجي تسكن معنا في البيت وتقعد مع ساره بغرفتها الين مايجهز كل شي لانه ماراح تاخذ راحتها هنا البيت كله شباب وخطيبها بعد هنا وصعبه عليها
عبد الله : والله حلا بنتك وانا ماعندي مانع لو هي موافقه ..
حلا فكرت في كلام عمتها ولقته فرصه علشان تاخذ راحتها هي اكثر شي كانت شايله همه انها بتقعد بنفس البيت اللي فيه سعود ..
مضاوي : هاه حلاتي شرايك بالفكره ترى مو بس فكرتي البنات قايلين لي خصوصاً ساره
حلا : اللي تشوفينه عمتي على راحتكم ..
مضاوي : خلاص زين اليوم ناخذك معنا ..
وبعد العشا راحت حلا بيت عمتها مضاوي واكثر وحده فرحانه ساره لانها حبت حلا من اول ماشافتها
مضاوي : يالله يابنات خذوا حلا وخلوا ساني ترتب اغراضها في غرفة ساره ولا تزعجونها تراها تعبانه ..
حلا : شدعوه عمتي ماتعب وانا معهم ..
وطلعوا للغرفه ودخلت ساني ترتب الاغراض ودخلت معها حلا تاخذ شاور وتبدل ملابسها وفي صالة البنات جلست ساره مع موضي يسولفون
بعد ساعه جتهم حلا لابسه بجاما لونها بيج ورافعه شعرها وجلست معهم ..
موضي : هلا والله بالفرد الجديد بالعائله ..
حلا : عاد فرد جديد ؟؟ هذا وانا اكبركم ..D:
ساره : ماعليك منها هي تحسب دمها خفيف ..
موضي : ياختي لا تقلليين من اهميتي بكره اتزوج وتشتاقين لي ..
ساره : يالله من هالبنت مو ذابحها غير الزواج
حلا : ههههههههههه يعني انتي ماودك تعرسين ساره ..
ساره : اعوذ بالله شايفتني كارهه عمري لهالدرجه ؟؟
حلا : مشكوره على رفع المعنويات هذا وانا بس بعد اسبوعين بتزوج وحدي خايفه ..
ساره : ايه والله تصدقين نسيت اللحين امداك تتقضين ..؟
حلا : اشتريت من دبي اشياء قليله والباقي بحاول اشتريها من هنا ..
ساره : الله وناسه فيها طلعات للسوق كل يوم خلاص من اللحين اقول لك في كل طلعه وانا معك ضروررررري
موضي : وانا يعني مالي رب ابي اطلع معكم ..
حلا : يالله تصدقون شلتوا كثير من همي كنت خايفه ماتاخذوا علي او ماتحبوني ودمعت عيونها
ساره : شدعوه حلا اصلاً من شفتك وانا مرتاحه لك وان شاء الله نقدر نعوض اللي فات ولا يهمك لا بعد بتاخذين على غاده وهنويه اكيد بيحبونك وبتحبينهم
حلا : اصلاً باين عليكم الاربعه اصحاب مره حتى بينكم شبه كبير الا دلال ماحسها تشبه لكم
موضي : دلول حبوبه وطيبه بس دراستها اخذتها مننا كثير بعدين هي اقرب لبنات خوالها اللي هم بنات عمامنا بعد
حلا : اها علشان كذا ..
وكملوا سوالف الين ماصلوا الفجر بعد راحت موضي غرفتها وساره وحلا ناموا بغرفة ساره ..
لما صارت الساعه 12 وعتهم مضاوي للصلاه وبعدين نزلوا للصاله وبعد الغدا دق ابو حلا على بيت مضاوي وكلم حلا ..
حلا : هلا يبه
عبد الله : هاه بنيتي شلونك ..؟
حلا : طيبه باباتي انت شلونك تغديت ..؟
عبد الله : ايه تغديت لا تحاتين ترى سامي بيمرك العصر طلعلك جوال وبيسلم عليك
حلا : يابعد عمري ياخالي الله يسلمه
عبد الله : انا اليوم معزوم على العشا انتي خذي راحتك مع البنات لو تبون تطلعون اطلعوا عادي طيب حبوبتي ..؟
حلا : طيب باباتي بس سامي يدل البيت ..؟
عبد الله : اكيد يدله كل البيوت على نفس الشارع ..
حلا : خلاص يبه انتبه لنفسك وبكلمك بالليل بايو بابا ..
مضاوي : هاه حلا شلون أبوك ..؟
حلا طيبه ياعمه . الا وين ساره ؟
موضي : اخبرها تبي تتحمم ومسكت معها تستشور شعرها بعدين بتكشخ لانو اليوم ناوين نطلع وهي عازمتنا على العشا بعد السوق ..
حلا : عمتي ترى خالي سامي بيمرني بعد شوي لو مافي مانع ..
مضاوي : حياه الله سامي ماشاء الله عليه شفته بالعشا مزيون ورجال ليه للحين ماعرس ..؟
حلا : عجزت ياعمه وانا احاول اقنعه بس مايطيع الله يرزقه ببنت الحلال اللي تسره والله انه يستاهل ..
مضاوي : امين يابنتي ..
وجلست حلا تتابع فلم بالتلفزيون مع موضي اما عمتها طلعت غرفتها عند زوجها .. بعد ربع ساعه دق الجرس وفتح سلمان اللباب ..
سامي : السلام عليكم شلونك سليمان ولا سلمان ماعرف افرق بينكم ..؟
سلمان :وعليكم السلام مين انت ؟؟
سامي : افا والله هذا وانا توني البارح شايفك بالعشا ..
سلمان : ايه انت خال حلا .. انا سلمان انا الأطول ..
سامي : حيالله الطويل ناديلي حلا لو ممكن ..
سلمان : طيب تفضل المجلس وبروح اناديها لك ..
وطلع سلمان يدور حلا ويناديها .. بهالوقت نزلت ساره وكانت لابسه برمودا ابيض وقميص تريكو ابيض ومخليه شعرها على ظهرها مالمته وحافيه ..
انتبهت لنور المجلس دخلت يدها بس من الباب تبي بس تطفي النور بس حست ببرودة المكيف : يووه من ذا اللي مخليها شغال طول اليوم .. فتحت الباب وراحت الجهه المقابله للمكان اللي جالس فيه سامي بدون ماتلتفت وراها سامي كان لابس الثوب الاماراتي ولاف شماغه لفه اماراتيه وعاد مايحتاج الولد مزيون هو تفاجئ بدخلة هالبنت كذا وماقدر ينزل عينه لفته نعومتها وشعرها وناظر رجولها وشافها حافيه كان شكلها ملائكي حتى انتبه لطرف ابتسامه منها ولما طفت المكيفات قالت اكيد ذا سلمان ياحبني له . سامي ماعرف وش يسوي وقف ونزل وجهه للأرض : احم احم ..
التفتت ساره بسرعه وشافته وشهقت وتفشلت وطلعت من الباب الثاني وصدمت حلا وهي داخله ..: وشفيك ساره ؟
ساره : فيه رجال غريب بالمجلس ومادريت عنه يافشيلتي ليه محد علمني انه فيه احد ..
حلا : هذا خالي سامي
ساره : يوووووووه يافشيلتي وطلعت تركض لغرفتها ..
دخلت حلا وهي تضحك ..D:
سامي للحين كان مرتبك من اللي شافه وقلبه ينبض بقوه ..
حلا : يووهوو سويمي سامي نحن هنا شفيك خالو ..؟
سامي : هاه ..!!
حلا : هاه بعد والله الظاهر انك اردى من ساره بعد ..
سامي : ساره ..؟؟ أي ساره ..؟
حلا: ساره بنت عمتي قابلتها توني وهي طالعه من عندك ومتفشله حدها ياحليلها مستحيه منك
سامي : اسمها ساره
يتبعــ
2007-02-20, 17:19
قلبي مابعد ضيعك (انصحكم بقرائتها)
