خيانة المراءه.. ومغفرة وسماحة الرجل

السلام عليكم ورحمة الله وبركاته

اليوم وانا راجع من الدوام الظهر .. كنت حاط على الراديو .. وكان في اتصال الى احد الرجال يعرض مشكلته
وحبيت اعرض لكم مشكلته هنا بالمنتدى علشان نشوف رد الاعضاء على مثل هاذا الامور
طبعاً في هاذا البرنامج يتم طرح مشكلة احد المتصلين على المستمعين .. ثم يقوم المستمعين بالرد على مشكلته عن طريق الرسااائل
بس للاسف مامداني اسمع ردود المستمعين على مشكلة هاذا الرجل .. احم احم كنت معزم على الغدى من كذا ماقدرت اواصل معاهم .. العاده اذا عجبني موضوع .. وانا واصل عند المكان الي ابيه . اجلس افتر الين مايخلص <<< مو كاني طلعت شوي من الموضوع

مشكلة الرجل هي كالاتي

في عام 1419هـ اي مايصادف عام 1999م حب له بنيه .. حبها حب غير طبيعي .. وطبعاً هاذا الي يحبها تصير اخت صاحبه .. بعدها جا ولد عمها علشان يخطبها .. هي قالتله شوف .. انت تعال تقدملي علشان ولد عمي يزيح عني .. مابيه انا .. قال اوكي .. رضى بهاذا الطلب .. وسوا الي طلبته منه .. وتمو سنه على ماعتقد مخطوبين . وطلع معاها وعجبه شكلها واسلوبها .. كل شيى فيها عجبه .. قالها ليش مايكون كل شي رسمي .. قالتله هااااا قال لها اي نبي كل شي يصير رسمي .. قالتله مايصير .. قالها طيب ليه .. قالته انا كنت اعرف واحد من فتره طويله وعمل جريمته فيني و هرب .. رد عليها بعباره ( إن الله غفور رحيم ) أهل المعرس عارضو هاذا الزواج .. وهو سواه مندون مايدرون اهله .. وكلفه الزواج مايقارب 140 الف ريال ( 14 الف دينار بحريني ) ويقول الزواج ماحضره الى 7 رجال بس

ومع الايام .. صاد زوجته تخونه .. وفي شقته .. ومع اعز صديقه ... وطلقهاااااا

بصراحة الزم ما على الانسان كرامته
بس للاسف ينصدم الشخص من ناس ما يتوقع منهم والحياة تجارب

للاسف ينصدم الشخص من أقرب الناس له..بس هاذي هي الحياة تجارب

الغلطه غلطته من البدايه الرسول صلى الله عليه وسلم قال فيما معناه"فاظفر بذات الدين تربت يداك"

البيوت لاتبنى على الحب فقط وانما تحتاج الى الاحترام المتبادل وقد تعيش به فقط دون الحب

هو خان نفسه قبل ماتخونه عندما ارتضى لها بامراه تكلمه قبل حدوث اي شيء رسمي بينهم

والواضح انها كانت تكلمه من ورا اهلها فاللي خانت اهلها وعشرتها معهم غالبا اكثر من 20 سنه يسهل عليها تخون شخص عشرتها معه سنين معدوده

انا لاابريء ساحه الزوجه لكن اللي عرض المشكله هو مو هي

والا لاختلف الرد

شكرا لك اخوي على طرح الموضوع

السلام عليكم ورحمة الله وبركاته ..

شكرا " على طرحك لمثل هذا الموضوع اخوي ..الموضوع شدني كثير لذلك حبيت اني اشارك فيه ..

انا من وجهة نظري الشخصيه .. ان الولد فالبدايه ما غلط يوم سامح البنت .. لان الله يسامح ويعفو عن من اذنب اذا تاب .. والبنت صارحت الولد بتووبتها ..

لكن البنت هنا هي اللي حرام فيها المعروف بصراحه ..

لكن عندي ملاحظه .. هذا الرجل سامح ويمكن قليل اللي يسوي مثله .. خصوصا" بعد ما عرف انها لها سوابق .. لكن المرأه ياكثر ما تسامح زوجها اذا خانها .. واخطأ فحقها وتعطيه فرصه وثنتين .. وياكثر ماتصبر وتسكت وتتحمل .. علشان بيتها وعايلتها ما تنهار ..

يعني مثل ما فيه هذي المره اللي خانت في غيرها عشره فالمقابل سامحوا وصبروا ..

الموضوع وما فيه يا إخوان الحب أعمى هي المشكلة المفروض تنتهي هنا طلقها وانتها موضوعها ولازم ينساها لانها أصلا ماتستاهل أصلا انه يجلس يفكر فيها للحين والحمدلله اللي فهمته أنه ماصار عندهم عيال والا بتكون المشكلة اكبر
يا أخوان الحب أعمى واذا صار الأنسان قدام زواج رجل او امرأه لازم يخلي الحب على جنب. ويفكر بعقل شي اللي بيصير.
وسلامتكم