الشعله اللي عندنا شانها شان شعله فخر شعله كرم شعله امجاد
شعله وطن ماهو مثل كل الاوطان حصل على تشريف تنظيم الاسياد
وقف ولي عهد البلد جنب جوعان ووقف معه شعب وجماهير وبلاد
سفيرها خذها على الهند لاهان ومنها على سيؤول مطواف رواد
وحلت واثر شعب الفلبين شفقان لهم مع التاريخ وقفه وميعاد
من بعدها التمجيد نادى يايابان في طوكيو كن مجد الالفين يزداد
واستقبلتها الصين والسور طربان واستاثرت مليار والعشق يزداد
ومكاو كنها تنتظر عده ازمان صفوا لها بالود شيبان واولاد
ومرت على هونغ كونغ وقالوا بالاحضان وشعاد لو تمت هنا عام وشعاد
واهل جاكرتا استبشروا شعب واعيان الخظ جاد ولاكن الوقت ماجاد
وتايلند لو غنت على كل الالحان ماعبرت من فيض شاعر وقصاد
من بعدها مشهد ضمن رحله ايران واستقبلتها مهرجانات واعياد
واول خليجيه لها دوله عمان حفاوه شيوخ ومطاليق واجواد
وراحت عبر حتا الامارات وازدان وحفل احتفى به جمع وحشود وافراد
وجات الكويت ومرت بقصر دسمان وتناقلوها رمز دوله وقواد
واضفت على البحرين لولو ومرجان وللطيب فيها ابعاد وابعاد وابعاد
وجات الرويس وفزت قلوب واذهان نعتز وحن وشعب على العز معتاد
وجات الزباره وامرحت قدر الامكان لانها التاريخ من عصر الاجداد
وجات وتلقى وفدها كل هجان مصدر تراث اجداد بفخر به احفاد
ثم طلعت منها على طول لدخان ومنها على زكريت وتسير بالكاد
وقام العديد وقومته قومه حصان يستبشر الشعله على روس الاشه

حلوة الكلمات ورائعة
وشكرا على النقل يالدلوعة . بس بأقول شيء ترى حفل الإفتتاح روعة وأكثر من مماز
ومهما قلت ماقدر أوصف الحفل

السلام عليكم

مشكور اخوي على الاطراء

والله حتى انا وايد عجبني

الله يعطيك العافيه

ولا تحرمنا من هالطله

^_^